ເອດີບີ ຄາດວ່າເສດຖະກິດອາຊຽນຈະຫົດຕົວ 2,7%.

  ເອດີບີ ຄາດຄະເນວ່າເສດຖະກິດອາຊຽນຈະຫົດຕົວຢູ່ທີ່ 2,7% ໃນປີນີ້ກ່ອນກັບມາເຕີບໂຕ 5,2% ໃນປີ 2021 ເນື່ອງຈາກມາດຕະການຕ່າງໆເພື່ອແກ້ໄຂບັນຫາການລະບາດຄັ້ງໃຫຍ່ຂອງເຊື້ອໂຄວິດ-19.

ຫວຽດນາມຫາລືໃຫ້ຈີນ-ຍີ່ປຸ່ນ- ສ ເກົາຫຼີເຂົ້າປະເທດ

  ສສ ຫວຽດນາມກຳລັງປຶກສາຫາລືເລື່ອງຫຼຸດຜ່ອນໃຫ້ຄົນຈາກສປ ຈີນ, ຍີ່ປຸ່ນ ແລະສ ເກົາຫຼີ ເດີນທາງເຂົ້າປະເທດ ຫຼັງຈາກຈຳກັດຕ່າງຊາດເຂົ້າມາປະເທດເພື່ອຄວບຄຸມພະຍາດຕິດຕໍ່ເຊື້ອໂຄວິດ-19 ສື່ຍີ່ປຸ່ນລະບຸວ່າ ຍີ່ປຸ່ນຈະຫຼຸດຜ່ອນໃຫ້ຄົນຈາກອົດສະຕຣາລີ, ນູແວນເຊລັງ, ໄທ ແລະຫວຽດນາມເຂົ້າປະເທດ.

ອິນໂດເນເຊຍຫຼຸດດອກເບ້ຍລົງ 0,25%

   ວັນທີ 19 ເດືອນມິຖຸນາທີ່ຜ່ານມາ ທະນາຄານກາງອິນໂດເນເຊຍຫຼຸດອັດຕາດອກເບ້ຍນະໂຍບາຍເປັນເທື່ອທີ່ 3 ໃນປີນີ້ ແລະຫຼຸດປະເມີນການຂະຫຍາຍຕົວທາງເສດຖະ ກິດທັງໝົດປີລົງ ເພາະຜົນກະທົບຈາກການແຜ່ລະບາດຂອງເຊື້ອໂຄວິດ-19.

ຍອດຂາຍລົດໃໝ່ໃນເອີຣົບຫຼຸດລົງ

ຍອດຂາຍລົດໃໝ່ໃນເອີຣົບຫຼຸດລົງອີກໃນເດືອນພຶດສະພາ ປີ 2020 ໂດຍເປັນຜົນມາຈາກການແຜ່ລະບາດຂອງເຊື້ອພະຍາດໂຄວິດ-19. ຕາມຂ່າວຕ່າງປະເທດລາຍງານວ່າ ຂໍ້ມູນອຸດສາຫະກຳການຄ້າລະບຸວ່າຍອດຂາຍລົດໃໝ່ໃນສະຫະພາບເອີຣົບ,ອັງກິດ ແລະປະເທດອື່ນໆໃນພາກພື້ນຫຼຸດລົງເຖິງ 56,8% 

ສິງກະໂປ ເລື່ອນສ້າງອາຄານສະໜາມບິນໃໝ່

ສິງກະໂປຈະຂະຫຍາຍເວລາການກໍ່ສ້າງອາຄານ ຜູ້ໂດຍ ສານຫຼັງທີ 5 ຂອງສະໜາມບິນ ຊາງງີ ອອກໄປຢ່າງໜ້ອຍເປັນເວ ລາ 2 ປີ ເພື່ອປະເມີນຜົນກະທົບຂອງການແຜ່ລະບາດຂອງເຊື້ອ ໂຄວິດ-19 ຕໍ່ກັບທຸລະກິດການບິນ ແລະອະນາຄົດຂອງການເດີນທາງ ທ່ອງທ່ຽວຈະປ່ຽນແປງໄປເປັນຮູບແບບໃໝ່.

ອັງກິດຕັ້ງເປົ້າເຂົ້າເປັນສະມາຊິກ ຊີພີທີພີພີ

  ອັງກິດປະກາດໃນວັນທີ 17 ມິຖຸນາທີ່ຜ່ານມາວ່າ ຈະເດີນໜ້າເຂົ້າເປັນສະມາຊິກຂໍ້ຕົກລົງຄວບຄຸມ ແລະກ້າວໜ້າເພື່ອຮຸ້ນສ່ວນທາງເສດຖະກິດປາຊີຟິກ (ຊີ ພີທີພີພີ) ທີ່ມີຜົນບັງຄັບໃຊ້ນັບຕັ້ງ ແຕ່ວັນທີ 30 ທັນວາ ປີ 2019 ແລະໄດ້ເລີ່ມຕົ້ນຮັບສະມາຊິກໃໝ່ ແລ້ວ.

ອິນເດຍ ມີຜູ້ເສຍຊີວິດຈາກໂຄວິດ ວັນດຽວ 2 ພັນກວ່າຄົນ

 ອິນເດຍມີຍອດຜູ້ເສຍຊີວິດຈາກເຊື້ອໂຄວິດ-19 ຢ່າງເປັນ ທາງການຫຼາຍກວ່າ 2 ພັນຄົນ ເຮັດໃຫ້ຈຳນວນຜູ້ຕິດເຊື້ອສະສົມເພີ່ມເປັນ 11.903 ຄົນ. ຕາມຂ່າວຕ່າງປະເທດລາຍງານວ່າສະຖານະການການແຜ່ລະບາດຂອງເຊື້ອພະຍາດໂຄວິດ-19 

ເສດຖະກິດຫວຽດນາມຈະເຕີບໂຕ 5,3%

  ຜູ້ເຂົ້າຮ່ວມກອງປະຊຸມສໍາມະນາປະກາດບົດລາຍງານປະຈໍາປີເສດຖະກິດ ສສ ຫວຽດນາມຄາດວ່າ ໃນປີ 2020 ເສດຖະກິດຫວຽດນາມຈະເຕີບໂຕ 5,3% ແລະພາວະເງິນເຟີ້ຈະຢູ່ຕໍ່າກວ່າ 4%.

ຍີ່ປຸ່ນຊ່ວຍເຫຼືອບໍລິສັດທີ່ໄດ້ຮັບຜົນກະທົບ

 ທະນາຄານກາງຍີ່ປຸ່ນເພີ່ມການຊ່ວຍເຫຼືອທຸລະກິດທີ່ໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ-19 ເພື່ອບັນເທົາພາວະຖົດຖອຍທາງເສດຖະກິດຂອງປະເທດ.

ພົບຊາກໄດໂນເສົາອາຍຸ 90 ລ້ານປີ

 ນັກວິທະຍາຄົນອາກຊັງຕິນປະກາດຄົ້ນພົບຊາກດຶກດຳບັນ ຫຼື ຟອສຊິນຂອງໄດໂນເສົາສາຍພັນໃໝ່ອາຍຸ 90 ລ້ານປີ ໂດຍຖືກຄົ້ນພົບໃນແຂວງຣິໂອເນໂກຂອງອາກຊັງຕິນ.