ມຽນມາ ພົບຜູ້ຕິດເຊື້ອໂຄວິດ 3.636 ຄົນ

  ກະຊວງສາທາລະນະສຸກມຽນມາແຈ້ງໃນວັນທີ 16 ກັນຍາວ່າ ວັນນີ້ມີຜູ້ຕິດເຊື້ອພະຍາດໂຄວິດ-19 ເພີ່ມຂຶ້ນ 134 ຄົນ ລວມເປັນ 3.636 ຄົນ ແລະເສຍຊີວິດເພີ່ມຂຶ້ນ 4 ຄົນ ລວມເປັນ 39 ຄົນແລ້ວ.

ຕາມຂ່າວຕ່າງປະເທດລາຍງານວ່າ ຜູ້ທີ່ເສຍຊີວິດລາຍໃໝ່ເປັນຜູ້ທີ່ມີພະຍາດປະຈຳຕົວຢູ່ແລ້ວເສຍຊີວິດເພາະພາວະລະບົບຫາຍໃຈລົ້ມເຫຼວກະທັນຫັນ ຊຶ່ງມຽນມາພົບຜູ້ຕິດເຊື້ອເປັນເທື່ອທຳອິດໃນວັນທີ 23 ມີນາທີ່ຜ່ານມາ ຈົນເຖິງຂະນະນີ້ມີຄົນເຈັບທີ່ປິ່ນປົວຫາຍດີແລ້ວ 872 ຄົນ ຈາກຍອດຄົນເຈັບຕິດເຊື້ອໂຄວິດສະສົມທັງໝົດ 3,636 ຄົນ ການຕິດເຊື້ອໃນປະເທດທີ່ເພີ່ມຂຶ້ນຫຼາຍ ໂດຍສະເພາະໃນນະຄອນຢາງກຸ້ງທີ່ເກີດການແຜ່ລະບາດຮອບສອງນັບຕັ້ງແຕ່ວັນທີ່ 16 ສິງຫາ.

  ນອກຈາກນີ້ ທາງການມຽນມາຍັງເລັ່ງສ້າງໂຮງໝໍສະໜາມໃນນະຄອນຢາງກຸ້ງ ເພື່ອຮັບມືກັບການແຜ່ລະບາດຂອງເຊື້ອພະຍາດໂຄວິດ-19 ທີ່ພົບຜູ້ຕິດເຊື້ອເພີ່ມຫຼາຍຂຶ້ນ.

----

ໜັງສືພິມເສດຖະກິດ-ສັງຄົມ

แชร์