ພາຍຸໂນອຶນພັດເຂົ້າຫວຽດນາມເສຍຫາຍໜັກ ເສຍຊີວິດ 1 ຄົນ

  ໃນຕອນເຊົ້າຂອງວັນທີ 18 ເດືອນກັນຍາປີ 2020 ເກີດເຫດພາຍຸໂຊນຮ້ອນໂນອຶນພັດເຂົ້າແຂວງດານັງເມືອງທ່ອງທ່ຽວຊື່ດັງຂອງ ສສ ຫວຽດນາມ ກ່ອນປ່ຽນທິດຂຶ້ນເໜືອໄປຍັງແຂວງເຖື່ອທຽນເວ້ແລ້ວພັດເຂົ້າ ສປປ ລາວ ເຮັດໃຫ້ເກີດຝົນຕົກໜັກໂດຍມີຜູ້ເສຍຊີວິດໃນຫວຽດນາມແລ້ວຢ່າງໜ້ອຍ 1 ຄົນ ໄດ້ຮັບບາດເຈັບ 1 ຄົນ, ໂດຍຊາຍທີ່ເສຍຊີວິດຖືກຕົ້ນໄມ້ລົ້ມທັບ.

  ນອກຈາກນີ້ມີລາຍງານຕົ້ນໄມ້ລົ້ມ, ບ້ານເຮືອນໄດ້ຮັບຄວາມເສຍຫາຍຫຼາຍຮ້ອຍຫຼັງຈາກກະແສລົມແຮງ ແລະຝົນທີ່ຕົກລົງມາຢ່າງໜັກທັງນີ້ລັດຖະບານວາງແຜນອົບ ພະຍົບປະຊາຊົນອອກຈາກແຄມຝັ່ງຫຼາຍກວ່າ 1 ລ້ານຄົນ ເນື່ອງຈາກຄວາມໄວລົມສູງສຸດໃກ້ສູນກາງຂອງພາຍຸຂະນະກຳລັງກໍ່ຕົວຢູ່ໃນທະເລຈີນໃຕ້ສູງເຖິງ 135 ກິໂລ ແມັດຕໍ່ຊົ່ວໂມງ.

  ຢ່າງໃດກໍຕາມພາຍຸໄດ້ອ່ອນກຳລັງລົງແລ້ວຫຼືພຽງກົດອາກາດຕໍ່າດ້ວຍຄວາມໄວລົມສູງສຸດໃກ້ສູນກາງລະຫວ່າງ 40-60 ກິໂລແມັດຕໍ່ຊົ່ວໂມງ.

แชร์