ແຫຼ່ງທ່ອງທ່ຽວທຳມະຊາດຖ້ຳສະຫວັນຮັກ ໄດ້ຮັບຄວາມສົນໃຈຈາກນັກທ່ອງທ່ຽວ

  ðຖ້ຳສະຫວັນຮັກເປັນອີກໜຶ່ງ ແຫຼ່ງທ່ອງທ່ຽວທຳມະຊາດ. ໄດ້ຮັບຄວາມສົນໃຈຈາກນັກທ່ອງທ່ຽວຖ້ຳ ແຫ່ງນີ້ແມ່ນຕັ້ງຢູ່ຫ່າງຈາກເທສະ ບານເມືອງໄຊຍະບູລີໄປທາງທິດ ເໜືອປະມານ 13 ກິໂລແມັດ ແລະ ຫ່າງຈາກບ້ານຫ້ວຍຊ່າວ  ໄປຫາຖ້ຳ ປະມານ 1 ກິໂລແມັດ.

  ຕາມການບອກເລົ່າກ່າວຂານ ແລະເຊື່ອຖືກັນມາຕະຫຼອດຮອດເຖິງ ປະຈຸບັນຂອງເຖົ້າແກ່ບ້ານຫ້ວຍຊ່າວ ວ່າຖ້ຳແຫ່ງນີ້ໃນເມື່ອກ່ອນເຄີຍເລົ່າລືເອີ້ນກັນວ່າຖ້ຳລະຄັງສະຫວັນ  ຍ້ອນວ່າຢູ່ໃນຖ້ຳມີກ້ອນຫີນໃຫຍ່ໜ່ວຍໜຶ່ງຕັ້ງຢູ່ໃຈກາງ, ປາກຖ້ຳສູງປະມານ 2 ແມັດ ເມື່ອເອົາກ້ອນຫີນມາເຄາະຈະດັງຄ້າຍຄືກັບສຽງເຮົາຕີລະຄັງ. ແຕ່ວ່າຈະເຖິງຖ້ຳລະຄັງສະຫວັນ ເມື່ອເຮົາເຂົ້າໄປເຖິງສະຖານທີ່ທ່ອງ ທ່ຽວກ່ອນອື່ນແມ່ນຈະເຫັນຖ້ຳນ້ອຍ ຢູ່ທາງຂຶ້ນນັ້ນເອີ້ນກັນວ່າປ່ອມຍາມ ຂອງເຈົ້າຖິ່ນເຈົ້າຖານ, ຖັດໄປປະ ມານ 10 ແມັດ ເມື່ອແນມໄປເບິ່ງໜ້າຜາຈະເຫັນຮູບຫີນເໝືອນກັບອະ ໄວຍະວະເພດຊາຍນັ້ນແມ່ນການວັດ ຄວາມແຮງຂອງບ່າວຍາດຜູ້ສາວ ກັນໃຜຈະແຂງແຮງໂດຍການແກ້ ເສື້ອຜ້າປີນໜ້າຜາ. ຖັດຈາກນັ້ນໄປ 4 ແມັດ ຈະເຫັນໜ້າຜາຄ້າຍຄືກັບ ຖ້ານບູຊາດອກໄມ້ຂອງເຈົ້າຖິ່ນເຈົ້າ ຖານ. ຖັດອອກໄປປະມານ 5 ແມັດ ຈະເຫັນຖ້ຳສູງປະມານ 20 ແມັດ, ກວ້າງ 7 ແມັດ, ຮູເລິກເຂົ້າໄປ 10 ແມັດ, ນີ້ເພິ່ນເອີ້ນວ່າບ່ອນປະຊຸມ ຂອງເຈົ້າຖິ່ນເຈົ້າຖານ. ຖັດຂຶ້ນໄປອີກ 10 ແມັດຈະເຖິງຖໍ້າລະຄັງສະຫວັນ ອອກຈາກຖ້ຳສະຫວັນຂຶ້ນໄປປະ ມານ 7 ແມັດ, ຈະເຫັນບ່ອນນັ່ງຈຸດ ຊົມວິວຂອງເຈົ້າຖິ່ນເຈົ້າຖານ, ອອກ ໄປອີກປະມານ 4 ແມັດ, ຈະເຫັນ ຮູບແບບຫົວໃຈ 2 ດວງ ເພິ່ນເອີ້ນ ວ່າຫົວໃຈສະຫວັນຮັກ ແລະຂຶ້ນໄປອີກປະມານ 10 ແມັດ ຈະເຫັນອີກ ຖ້ຳໜຶ່ງສູງ 3 ແມັດ, ກວ້າງ1 ແມັດ, ມີລັກສະນະຄ້າຍຄືກັບງວງຊ້າງຢູ່ໃນຖ້ຳຈຶ່ງເອີ້ນກັນວ່າຖ້ຳງວງຊ້າງ.

  ນອກຈາກທ່ຽວຊົມຄວາມສວຍ ສົດງົດງາມຂອງຖ້ຳແລ້ວໃນສະຖານທີ່ແຫ່ງນີ້ຍັງອ້ອມຮອບໄປດ້ວຍຫີນ ຜາເກາະກ່າຍກັນຍາວຢຽດ. ທຳມະ ຊາດປ່າໄມ້ໃຫຍ່ດົກໜາ ແລະສາຍ ນ້ຳຫ້ວຍໄຫຼຜ່ານຕະຫຼອດປີຟັງສຽງນ້ຳຕົກຕາດປະສານກັບສຽງສັກກູ ນານ້ອຍໃຫຍ່ຮ້ອງສົ່ງຟັງແລ້ວເປັນໜ້າອອນຊອນ.

   ເມື່ອທ່ານໃດໄດ້ມາທ່ຽວແຂວງ ໄຊຍະບູລີຢ່າລືມໄປທ່ຽວຖ້ຳສະຫວັນຮັກແລ້ວບັນດາທ່ານຈະໄດ້ເຫັນ ແລະສຳພັດກັບທຳມະຊາດທີ່ສວຍສົດງົດງາມອາກາດເຢັນສະບາຍພ້ອມນີ້ ທ່ານຍັງຈະໄດ້ທ່ຽວຊົມສິນຄ້າຫັດ ຖະກຳທີ່ເປັນເອກະລັກຂອງຊາວບ້ານຫ້ວຍຊ່າວໂດຍສະເພາະເຄື່ອງຈັກສານ, ຕັ່ງຫວາຍ, ຍູກວາດ, ຕິບ ເຂົ້າ, ຫວດ ແລະເຄື່ອງອື່ນໆອີກທີ່ເໝາະແກ່ການເປັນຂອງຕ້ອນຂອງ ຝາກໃຫ້ໝູ່ຄູ່ເພື່ອນມິດສະຫາຍດ້ວຍ ກັນ.

ໂດຍ: ບຸນທີ

แชร์