ໜີ້ທົ່ວໂລກເພີ່ມຂຶ້ນ 50 ເປີເຊັນ ໃນຮອບ 10 ປີ

 

  ðໜີ້ທົ່ວໂລກເພີ່ມຂຶ້ນ 50% ນັບຕັ້ງແຕ່ວິກິດການເງິນປີ 2008-2009 ເພີ່ມຂຶ້ນຫຼາຍກວ່າ 178 ພັນຕື້ໂດລາສະຫະລັດ ເພີ່ມສູງຂຶ້ນ ທຸກດ້ານ ໂດຍສະເພາະພາກສາ ທາລະນະໜັກສຸດເຖິງ 77%.

  ຕາມຂ່າວຕ່າງປະເທດລາຍ ງານວ່າ ບໍລິສັດຈັດອັນດັບຄວາມ ໜ້າເຊື່ອຖື ເອສແອນພີ ໂກລບອນ ເຣດຕິ້ງ ເປີດເຜີຍວ່າ ປະລິມານໜີ້ ສິນທົ່ວໂລກຊຶ່ງລວມທັງໜີ້ສິນສາທາລະນະ, ໜີ້ຂະແໜງເອກະຊົນ ແລະໜີ້ຄົວເຮືອນ ເພີ່ມຂຶ້ນຢູ່ທີ່ 178 ພັນຕື້ໂດລາ ໃນທ້າຍເດືອນມິຖຸນາປີ 2018 ຫຼືເພີ່ມຂຶ້ນ 50% ໃນຮອບ 10 ປີທີ່ຜ່ານມາ ແຕ່ອັດຕາສ່ວນໜີ້ຕໍ່ຈີດີພີທົ່ວໂລກບໍ່ໄດ້ເພີ່ມຂຶ້ນຫຼາຍ ປານໃດ ໂດຍຢູ່ທີ່ 231% ຈາກ 208% ໃນປີ 2008, ລາຍງານ ລະບຸວ່າ ໜີ້ສາທາລະນະມີອັດຕາສ່ວນເພີ່ມຂຶ້ນຫຼາຍທີ່ສຸດເພີ່ມຂຶ້ນ ເຖິງ 77% ຢູ່ທີ່ 62,4 ພັນຕື້ໂດລາ, ໜີ້ສາທາລະນະຂອງອາເມລິກາ ເພີ່ມຂຶ້ນ 10,6 ພັນຕື້ໂດລາ, ຕໍ່ມາ ແມ່ນ ສປ ຈີນ ຢູ່ທີ່ 5 ພັນຕື້ໂດລາ ແລະກຸ່ມປະເທດເອີໂຣໂຊນ 2,8 ພັນຕື້ໂດລາ. ທັງນີ້ໜີ້ພາກເອກະ ຊົນປັບຕົວເພີ່ມຂຶ້ນ 51% ນັບຕັ້ງ ແຕ່ໄລຍະວິກິດໃນ 10 ປີກ່ອນຄິດ ເປັນ 23,8 ພັນຕື້ໂດລາ.

  ຢ່າງໃດກໍຕາມ ບໍລິສັດ ເອສ ແອນພີ ເຕືອນວ່າ ເຖິງແມ່ນວ່າ ຄວາມສ່ຽງຂອງໜີ້ທີ່ລຸກລາມໄປທົ່ວໂລກຈະໜ້ອຍກວ່າວິກິດການ ເງິນໃນປີ 2008-2009 ແຕ່ຄວາມ ສ່ຽງໃນພາບລວມກັບສູງຂຶ້ນກວ່າ ເກົ່າ ເນື່ອງຈາກອັດຕາດອກເບ້ຍຕໍ່າ ຫຼາຍໃນໄລຍະທີ່ຜ່ານມາ ເຮັດໃຫ້ ເກີດການເຄື່ອນຍ້າຍເງິນລົງທຶນ ໄປຍັງຜະລິດຕະພັນການລົງທຶນ ຄວາມສ່ຽງສູງຫຼາຍຂຶ້ນ ຊຶ່ງຕະ ຫຼາດເຫຼົ່ານີ້ມີທ່າອຽງບອບບາງ.

 ນສພ ເສດຖະກິດ-ສັງຄົມ

แชร์