ອັງກິດກຽມຍົກເວັ້ນພາສີນຳເຂົ້າ 87 ເປີເຊັນ

ອັງກິດກຽມຍົກເລີກພາສີ ນໍາເຂົ້າສິນຄ້າ 87% ຫວັງຊ່ວຍຫຼຸດ ຜົນກະທົບຈາກກໍລະນີທີ່ອັງກິດ ອອກຈາກສະຫະພາບເອີຣົບ (ອີ ຢູ) ແບບບໍ່ມີຂໍ້ຕົກລົງ.

ຕາມຂ່າວຕ່າງປະເທດລາຍ ງານວ່າ ລັດຖະບານອັງກິດເປີດ ເຜີຍແຜນການກຽມຍົກເລີກການ ຈັດເກັບພາສີອາກອນ ມີຜົນຄວບ ຄຸມສິນຄ້າທັງໝົດ 87% ເພື່ອຫວັງ ຫຼຸດຜົນກະທົບໃນກໍລະນີທີ່ອັງກິດ  ອອກຈາກສະຫະພາບເອີຣົບ (ອີຢູ) ແບບບໍ່ມີຂໍ້ຕົກລົງ (ໂນດີລ) ພາຍຫຼັງສະພາສາມັນລົງມະຕິບໍ່ຮັບຮ່າງຂໍ້ຕົກລົງເບຣັກຊິດຂອງທ່ານ ນາງ ເທເຣຊາ ເມ ນາຍົກລັດຖະມົນຕີອັງກິດຄັ້ງທີ່ສອງໃນອາທິດທີ່ຜ່ານມາ ຍິ່ງເພີ່ມຄວາມສ່ຽງວ່າ ອັງກິດອາດ ບໍ່ມີຂໍ້ຕົກລົງເບຣັກຊິດ. ແຜນການ ດັ່ງກ່າວມີຂຶ້ນເພື່ອຫຼີກລຽງບັນຫາ ລາຄາສິນຄ້ານໍາເຂົ້າຈາກອີຢູແພງ ຂຶ້ນ ຊຶ່ງຈະສົ່ງຜົນກະທົບຕໍ່ຜູ້ບໍລິ ໂພກ ແລະຂະແໜງເອກະຊົນ ໂດຍ ພາສີຈະມີຜົນຊົ່ວຄາວດົນສຸດ 12 ເດືອນ ຖ້າຫາກອັງກິດອອກຈາກອີ ຢູ ໃນວັນທີ 29 ມີນາ ແບບບໍ່ມີຂໍ້ ຕົກລົງ ຊຶ່ງມີຜົນໃຫ້ສິນຄ້ານໍ້າເຂົ້າ 87% ໄດ້ຮັບການຍົກເວັ້ນພາສີອາ ກອນເພີ່ມຈາກເດີມທີ່ 80% ໂດຍ ສິນຄ້ານໍາເຂົ້າຈາກອີຢູ 82% ຈະ ບໍ່ຕ້ອງເສຍພາສີຈາກປະຈຸບັນທີ່ ປອດພາສີ 100% ສ່ວນສິນຄ້າ ທົ່ວໂລກ 92% ຈະບໍ່ຕ້ອງເສຍພາສີ ເພີ່ມຂຶ້ນຈາກອັດຕາສ່ວນໃນຂະນະນີ້ທີ່ 56%.

ກ່ອນໜ້ານີ້ ສະພາສາມັນອັງກິດ ລົງມະຕິ 391-242 ຂວໍ້າຮ່າງຂໍ້ ຕົກລົງເບຣັກຊິດຂອງຜູ້ນໍາອັງກິດ ແລະທາງສະພາໄດ້ຈັດລົງມະຕິ ການອອກຈາກອີຢູແບບ ໂນດີລ ໃນວັນທີ 14 ມີນາຜ່ານມາ ໂດຍ ໜັງສືພິມຣອຍເຕີລາຍງານວ່າ ໃນກໍລະນີທີ່ການລົງມະຕິດັ່ງກ່າວບໍ່ ໄດ້ຮັບຄວາມເຫັນດີອີກ ສະພາສາມັນຈະລົງມະຕິຂໍເລື່ອນເບຣັກຊິດ ອອກໄປຈາກກຳນົດປະຈຸບັນໃນ ວັນທີ 29 ມີນາ.

ນສພ ເສດຖະກິດ-ສັງຄົມ

แชร์