ອາຄານຖະຫຼົ່ມຢູ່ນີເຊຣີ ເສຍຊີວິດ 9 ຄົນ

ເກີດເຫດອາຄານຖະຫຼົ່ມທີ່ໂຮງຮຽນຢູ່ນີເຊຣີ ສົ່ງຜົນເຮັດໃຫ້ມີຜູ້ເສຍຊີວິດຢ່າງໜ້ອຍ 9 ຄົນ ແລະ ຍັງມີຜູ້ຕິດຢູ່ພາຍໃນອາຄານທີ່ຫັກເພ.

ຕາມຂ່າວຕ່າງປະເທດລາຍງານວ່າ ເຈົ້າໜ້າທີ່ສຳນັກງານສຸກເສີນ ແຫ່ງຊາດນີເຊຣີ ຖະແຫຼງໃນວັນທີ 14 ມີນາປີນີ້ວ່າ: ໜ່ວຍກູ້ໄພພົບຜູ້ເສຍ ຊີວິດ 9 ຄົນ ແລະ ຊ່ວຍເຫຼືອໄດ້ 37 ຄົນ ອອກຈາກຊາກອາຄານ 4 ຊັ້ນ ທີ່ຖະຫຼົ່ມລົງມາ ໃນເມືອງລາກໍສູນກາງເສດຖະກິດຂອງປະເທດ. ນອກນີ້ ຍັງມີອີກຫຼາຍສິບຄົນຍັງຕິດຢູ່ໃຕ້ອາຄານ. ຂະນະນີ້ໜ່ວຍງານທີ່ກ່ຽວຂ້ອງ ພວມເລັ່ງໃຫ້ການຊ່ວຍເຫຼືອຜູ້ເຄາະຮ້າຍໃນເຫດການດັ່ງກ່າວຢ່າງຮີບ ດ່ວນ.

ດ້ານສື່ທ້ອງຖິ່ນຕັ້ງຂໍ້ສັງເກດວ່າ ຜູ້ຮັບເໝົາກໍ່ສ້າງອາຄານມັກຈະໃຊ້ ວັດສະດຸກໍ່ສ້າງທີ່ບໍ່ໄດ້ມາດຕະຖານ ຂະນະທີ່ເຈົ້າໜ້າທີ່ຝ່າຍປົກຄອງ ແລະ ຕໍາຫຼວດກໍບໍ່ເຂັ້ມງວດເລື່ອງການບັງຄັບໃຊ້ກົດໝາຍຄວບຄຸມອາຄານເທົ່າ ທີ່ຄວນ ຊຶ່ງສາເຫດຂອງອາຄານຖະຫຼົ່ມໃນຄັ້ງນີ້ ຢູ່ລະຫວ່າງການກວດ ສອບຂອງເຈົ້າໜ້າທີ່.

ນສພ ເສດຖະກິດ-ສັງຄົມ

แชร์