ເຈົ້າແຂວງຈຳປາສັກ ຊຸກຍູ້ວຽກຮອບດ້ານຢູ່ເມືອງໂຂງ

ຂ່າວ: ພຸດທະສິນ ວົງວິໄລທອງ

ວັນທີ 6 ມັງກອນ 2022 ນີ້ ທ່ານ ປອ ວິໄລວົງ ບຸດດາຄຳ ເຈົ້າ ແຂວງຈຳປາສັກ, ມີພະແນກການອ້ອມ ຂ້າງແຂວງ ໄດ້ເຄື່ອນໄຫວຢ້ຽມຢາມ ແລະຊຸກຍູ້ວຽກງານຮອບດ້ານຢູ່ເມືອງ ໂຂງ; ໃຫ້ການຕ້ອນຮັບຄະນະນຳຄັ້ງ ນີ້ໂດຍທ່ານ ນາງ ຄຳພູ ລິດທິສັກ ເຈົ້າ ເມືອງໆໂຂງ, ມີພະນັກງານຫຼັກແຫຼ່ງ ພາຍໃນເມືອງເຂົ້າຮ່ວມຕ້ອນຮັບຢ່າງ ອົບອຸ່ນ.


ໂອກາດນີ້, ທ່ານນາງ ຄຳພູ ລິດທິສັກ ໄດ້ລາຍງານໃຫ້ຮູ້ໂດຍສັງເຂບວ່າ: ເມືອງ ໂຂງ ໄດ້ຮັບຜົນກະທົບຈາກການແຜ່ລະ ບາດຂອງພະຍາດໂຄວິດ-19 ເຮັດໃຫ້ ອັດຕາການຂະຫຍາຍຕົວຂອງເສດຖະ ກິດສະເລ່ຍຢູ່ໃນລະດັບ 4,05%, ຄາດຄະເນແຜນການແມ່ນ 5,6%, ມູນຄ່າຜະລິດຕະພັນພາຍໃນບັນລຸ 1.836 ຕື້ກີບ; ໃນນີ້ ຂະແໜງກະສິກຳກວມເອົາ 27,06%, ອຸດສາຫະກຳກວມເອົາ 62,33% ແລະຂະແໜງບໍລິການກວມ ເອົາ 10,6%. ສຳລັບການລົງທຶນເປັນການລົງທຶນຂອງລັດມີ 20 ໂຄງການ, ມີມູນຄ່າ 200 ຕື້ກວ່າກີບ, ໃນນັ້ນມີໂຄງການສືບ ຕໍ່ 3 ໂຄງການ, ມີມູນຄ່າ 100 ຕື້ກວ່າ ກີບ, ໂຄງການຊ່ວຍເຫຼືອລ້າ ແລະໂຄງ ການທຶນປະກອບສ່ວນຂອງສັງຄົມມີ ທັງໝົດ 11 ໂຄງການ, ມີມູນຄ່າ 150 ຕື້ກວ່າກີບ, ໂຄງການລົງທຶນຂອງເອກະ ຊົນພາຍໃນ ແລະຕ່າງປະເທດ ມີທັງໝົດ 17 ໂຄງການ ແລະ1 ເຂດເສດຖະກິດ ພິເສດ, ມີມູນຄ່າການລົງທຶນ 7.100 ຕື້ກວ່າກີບ. ທ່ານເຈົ້າເມືອງໆໂຂງ ຍັງໃຫ້ຮູ້ຕື່ມ ອີກວ່າ: ຈາກການແຜ່ລະບາດຂອງເຊື້ອ ພະຍາດໂຄວິດ-19 ເປັນສາເຫດເຮັດ ໃຫ້ການຈັດເກັບລາຍຮັບເຂົ້າງົບປະ ມານບໍ່ໄດ້ຕາມເປົ້າໝາຍມີຫົວໜ້າທຸລະ ກິດບໍ່ໄດ້ເຄື່ອນໄຫວບໍລິການມີຈຳນວນ 192 ຫົວໜ່ວຍ, ເຮັດໃຫ້ການຈັດເກັບ ລາຍຮັບເຂົ້າງົບປະມານປະຕິບັດໄດ້ທັງໝົດ 9 ຕື້ກວ່າກີບ, ທຽບໃສ່ແຜນການ ປີ ເທົ່າກັບ 97%, ດ້ານລາຍຈ່າຍປະຕິບັດໄດ້ 17 ຕື້ກວ່າກີບ, ທຽບໃສ່ແຜນ ປີປະຕິບັດໄດ້ 100%.


ຈາກນັ້ນ, ການນຳແຂວງຈຳປາສັກ ຍັງໄດ້ເດີນທາງໄປຈຸດສຸມບ້ານໂສດ ເພື່ອຕິດຕາມກວດກາເບິ່ງສະຖານທີ່ ຕົວຈິງໃນການຈະສ້າງເປັນດ່ານທ້ອງ ຖິ່ນ, ເດີນທາງໄປດ່ານໜອງນົກຂຽນ ກວດກາເບິ່ງການກໍ່ສ້າງເສັ້ນທາງຊາຍ ແດນໄປຈຸດດົງກໍລໍ, ເຂດກໍ່ສ້າງຫ້ອງ ການປະສານງານຊາຍແດນລາວ-ກຳ ປູເຈຍ, ຈຸດຈະກໍ່ສ້າງຄ່ຽນຖ່າຍສິນຄ້າ ຂອງບໍລິສັດ AIDC ແລະເຄື່ອນໄຫວຕິດ ຕາມເບິ່ງໂຄງການກໍ່ສ້າງເສັ້ນທາງເບ ຕົງຢູ່ດອນເດດ ແລະດອນຄອນ; ໂຄງການກໍ່ສ້າງເສັ້ນທາງເບຕົງຢູ່ດອນເດດ ມີທັງໝົດ 3 ເສັ້ນ, ມີຄວາມຍາວ 5,89 ກິໂລແມັດ, ເສັ້ນທາງເບຕົງຢູ່ດອນຄອນ ມີທັງໝົດ 5 ເສັ້ນ, ມີຄວາມຍາວທັງໝົດ 12,29 ກິໂລແມັດ, ລວມທັງເສັ້ນທາງ ເບຕົງເຂົ້າບ້ານນາກະສັງການກໍ່ສ້າງປະຕິບັດ 52,31% ຂອງມູນຄ່າໂຄງການ (3 ລ້ານກວ່າໂດລາສະຫະລັດ).

แชร์