ສ ເກົາຫຼີ ຜ່ານຮ່າງກົດໝາຍແກ້ໄຂມົນລະພິດທາງອາກາດ

ສ ເກົາຫຼີ ໄດ້ຜ່ານຮ່າງກົດໝາຍຊຸດໃໝ່ເພື່ອເລັ່ງແກ້ໄຂບັນຫາມົນ ລະພິດທາງອາກາດທີ່ຖືກກຳນົດໃຫ້ເປັນໄພພິບັດທາງສັງຄົມ ແລະ ເພື່ອ ແກ້ໄຂບັນຫາເງິນທຶນສຸກເສີນໃນການແກ້ໄຂບັນຫານີ້.

ຕາມຂ່າວຕ່າງປະເທດລາຍງານໃນທ້າຍອາທິດທີ່ຜ່ານມາວ່າ ບັນຫາມົນລະພິດທາງອາກາດຂອງປະເທດທີ່ມີເສດຖະກິດໃຫຍ່ອັນດັບ 4 ຂອງອາຊີແຫ່ງນີ້ເກີດຈາກຫຼາຍປັດໄຈ ເຊັ່ນ ໂຮງງານໄຟຟ້າຖ່ານຫີນ, ໄອເສຍຈາກລົດດັ່ງນັ້ນການກຳນົດໃຫ້ມົນລະພິດທາງອາກາດເປັນໄພພິບັດ ແນໃສ່ເປີດກວ້າງໃຫ້ລັດຖະບານສາມາດນຳທຶນສຳຮອງບາງສ່ວນ ໄປ ໃຊ້ໃນການຮັບມືຄວາມເສຍຫາຍຫຼືເຫດສຸກເສີນທີ່ເກີດຂຶ້ນຈາກມົນລະພິດທາງອາກາດ. ຂະນະທີ່ທຶນສຳຮອງ ສ ເກົາຫຼີ ປີນີ້ສູງເຖິງ 3 ພັນຕື້ວອນ. ນອກນີ້ ຍັງກຳນົດໃຫ້ທຸກໂຮງຮຽນຄວນມີເຄື່ອງຟອກອາກາດຍົກເລີກຂໍ້ຈຳກັດການຈຳໜ່າຍ ແກ໊ສແອລຈີພີທີ່ປ່ອຍໄອເສຍໜ້ອຍກວ່ານໍ້າມັນ ແອັດຊັງ ແລະກາຊວນ.

ສຳລັບຝຸ່ນລະອອງຂະໜາດພີເອັມ 2,5 ສະເລ່ຍປີລະ 25,1 ໄມໂຄຣ ກຣາມຕໍ່ຕາແມັດ ສູງກວ່າ 2 ເທົ່າຂອງອົງການເພື່ອການຮ່ວມມື ແລະ ພັດທະນາເສດຖະກິດ (ໂອອີຊີດີ) ສະເລ່ຍປີລະ 12,5 ໄມໂຄຣກຣາມຕໍ່ ຕາແມັດ. ຂະນະທີ່ອົງການອານາໄມໂລກກຳນົດມາດຕະຖານຄວາມ ປອດໄພວ່າບໍ່ເກີນ 10 ໄມໂຄຣກຣາມຕໍ່ຕາແມັດ.

ນສພ ເສດຖະກິດ-ສັງຄົມ

แชร์