ອາເມລິກາ ຕິດເຊື້ອໂຄວິດວັນດຽວ 1 ລ້ານຄົນ

ອາເມລິກາ ຢືນຢັນມີຄົນ ເຈັບຕິດເຊື້ອໂຄວິດ-19 ເພີ່ມຂຶ້ນ ຫຼາຍກວ່າ 1 ລ້ານຄົນ ພາຍໃນວັນດຽວເປັນສະຖິຕິລາຍວັນສູງສຸດ ທັງໃນລະດັບປະເທດ ແລະລະດັບໂລກ. ຕາມຂ່າວຕ່າງປະເທດລາຍງານວ່າ ສູນຂໍ້ມູນພະຍາດຕິດເຊື້ອ ໂຄວິດ-19 ຂອງມະຫາວິທະຍາໄລ ຈອນຮອບກິນ ໃນລັດແມຣິແລນ ລາຍງານສະຖິຕິຜູ້ຕິດເຊື້ອໂຄວິດ ຂອງອາເມລິກາຢູ່ທີ່ 1.082.549 ຄົນໃນຮອບ 24 ຊົ່ວໂມງ ຂອງວັນທີ່ 4 ມັງກອນປີ  2022  ທີ່ຜ່ານມາ ປັນສະຖິຕິລາຍວັນສູງທີ່ສຸດທັງ ລະດັບປະເທດ ແລະ ລະດັບໂລກ ສ່ວນຄ່າສະເລ່ຍການພົບຜູ້ຕິດເຊື້ອໃນຮອບ 7 ວັນຫຼ້າສຸດຢູ່ທີ່ວັນລະ 363.592 ຄົນ. ຂະນະທີ່ສະຖິຕິຜູ້ ເສຍຊີວິດສະສົມຈາກໂຄວິດໃນອາເມລິກາ ຢູ່ທີ່ 827.748 ຄົນ. ປະຈຸບັນປະມານ 73,3% ຂອງປະຊາກອນໃນອາເມລິກາ ໄດ້ຮັບວັກແຊງຢ່າງໜ້ອຍ 1 ເຂັມ  ແລະປະມານ  62%  ໄດ້ຮັບວັກແຊງຢ່າງໜ້ອຍ 2 ເຂັມ ເພີ່ມຂຶ້ນພຽງ 0,3% ຈາກອາທິດທີ່ຜ່ານມາ .

แชร์