ກອງປະຊຸມວຽກງານຊົນນະບົດຂັ້ນສູນກາງຂອງຈີນທີ່ໄດ້ຈັດຂຶ້ນໃນຫວ່າງບໍ່ດົນມານີ້ໂດຍໄດ້ວາງແຜນລະອຽດກ່ຽວກັບການຈັດຕັ້ງປະຕິບັດວຽກງານຊົນນະບົດກະສິກຳ ແລະຊາວກະສິກອນໃຫ້ດີໃນປີ 2022. ໃນກອງປະຊຸມໄດ້ກ່າວເນັ້ນວ່າຕ້ອງປັບປຸງ ແລະເສີມຂະຫຍາຍຜົນສຳເລັດຂອງບັ້ນລຶບລ້າງຄວາມທຸກຍາກໃຫ້ດີ, ຊຸກຍູ້ການພັດທະນາຊົນນະບົດໃຫ້ມີຄວາມຄືບໜ້າອັນໃໝ່ຢ່າງຮອບດ້ານ, ການຫັນເປັນທັນສະໄໝດ້ານກະສິກຳ ແລະຊົນນະບົດໃຫ້ມີບາດກ້າວພັດທະນາອັນໃໝ່.
ປີ 2022, ຈີນຍັງຈະຍຶດໝັ້ນປະຕິບັດນະໂຍບາຍຊ່ວຍເຫຼືອ ແລະສະໜັບສະໜູນເມືອງທີ່ໄດ້ຫຼຸດພົ້ນອອກຈາກຄວາມທຸກຍາກແລ້ວ, ໂດຍປິ່ນອ້ອມການພັດທະນາຊົນນະບົດ, ການສ້າງສາຊົນນະບົດ ແລະການບໍລິຫານຊົນນະບົດ, ສ້າງພື້ນຖານດ້ານແນວພັນພືດກະສິກຳ ດິນປູກຝັງ ແລະກົນຈັກກະສິກຳໃຫ້ດີ, ສ້າງອຸດສາຫະກຳທີ່ມີສີສັນພິເສດຢູ່ຊົນນະບົດໃຫ້ມີຄຸນນະພາບດີ, ສືບຕໍ່ຊຸກຍູ້ການປັບປຸງສະພາບແວດລ້ອມດ້ານການດຳລົງຊີວິດຢູ່ຊົນນະບົດ, ຍຶດໝັ້ນການຊຸກຍູ້ການພັດທະນາກະສິກຳຕາມທິດສີຂຽວຢ່າງບໍ່ລົດລະ, ປັບປຸງລະບົບທຸລະກິດກະສິກຳແບບທັນສະໄໝໃຫ້ສົມບູນຂຶ້ນ, ຊຸກຍູ້ຄອບຄົວຊາວກະສິກອນໃຫ້ສາມາດເຊື່ອມສານເຂົ້າກັບການພັດທະນາກະສິກຳທັນສະໄໝແບບກາຍອິນຊີ.
ນອກນີ້, ປີ 2022 ຈີນຈະສືບຕໍ່ຮັກສາເນື້ອທີ່ປູກຝັງສະບຽງອາຫານຢ່າງໝັ້ນທ່ຽງ. ຮັບປະກັນເນື້ອທີ່ປູກຝັງດ້ານສະບຽງອາຫານໃຫ້ມີຄວາມໝັ້ນທ່ຽງໂດຍພື້ນຖານ, ຮັກສາແນວພັນ ແລະ ດິນປູກຟັງທີ່ເປັນຂອດສຳຄັນ, ລົງເລິກການປະຕິບັດແຜນດຳເນີນງານໃນການພັດທະນາອຸດສາຫະກຳແນວພັນ, ຮັບປະກັນໃຫ້ເນື້ອທີ່ປູກຝັງດ້ານສະບຽງອາຫານມີມາດຕະຖານສູງໃນກໍລະນີທີ່ເກີດໄພແຫ້ງແລ້ງ ແລະໄພນໍ້າຖ້ວມກໍ່ສາມາດຮັບປະກັນດ້ານຜົນຜະລິດ.
ໃນດ້ານການເພີ່ມລາຍຮັບໃຫ້ກັບຊາວກະສິກອນ, ຈີນຈະຜ່ານຊ່ອງທາງຕ່າງໆ, ເຊັ່ນ: ການພັດທະນາອຸດສາຫະກຳ, ແລະການສ້າງທຸລະກິດໃໝ່ ແລະອື່ນໆເພື່ອຊຸກຍູ້ການເພີ່ມລາຍຮັບໃຫ້ກັບຊາວກະສິກອນ, ຮັບປະກັນໃຫ້ຊາວກະສິກອນຜູ້ປູກຝັງດ້ານສະບຽງອາຫານມີລາຍຮັບຢ່າງສົມເຫດສົມຜົນ, ເຮັດໃຫ້ເຂົາເຈົ້າບໍ່ເສຍປຽບ ແລະ ມີກຳໄລ.
| ສະກຸນເງີນ | ອັດຕາຊື້ | ອັດຕາຂາຍ | |
|
EUR | 21.356 | 21.571 |
|
USD | 21.996 | 22.140 |
|
THB | 683 | 690 |
|
CNY | 2.713 | 2.740 |