ຊີເອັນພີ ຮັບລາງວັນນັກທຸລະກິດດີເດັ່ນ

ທ່ານ ນາງ ຈັນນະພາ ວົງສະໝໍລະພູມ ປະທານບໍລະສັດ ຊີເອັນພີ ສຳຫຼວດ ແລະຂຸດຄົ້ນບໍ່ແຮ່ຂາເຂົ້າ-ຂາອອກ ຈຳກັດ ເປັນໜຶ່ງໃນນັກທຸລະກິດທີ່ໜ້າຕິດຕາມຍ້ອນມີປະສົບການດ້ານທຸລະກິດຫຼາຍຢ່າງທີ່ຄຽງຄູ່ກັບການພັດທະນາປະເທດຊາດ ແລະປະກອບສ່ວນໃນການຊ່ວຍເຫຼື່ອສັງຄົມອັນເປັນຈຸດສຳຄັນເຮັດໃຫ້ເພີ່ນຮັບລາງວັນທຸລະກິດດີເດັ່ນເມື່ອບໍ່ດົນມານີ້.

ທ່ານ ນາງ ຈັນນະພາ ໃຫ້ສຳພາດນັກຂ່າວໜັງສືພິມເສດຖະກິດ-ສັງຄົມ ພວກເຮົາຮູ້ວ່າ: ບໍລິສັດຊີເອັນພີ ສຳຫຼວດ ແລະຂຸດຄົ້ນບໍ່ແຮ່ເປັນບໍລິສັດຖືວ່າຢູ່ລະດັບແຖວໜ້າຂອງລາວທີ່ມີປະສົບການຫຼາຍ 20 ກວ່າປີ ແລະຮັບຄວາມເຊື່ອໝັ້ນຈາກລູກຄ້າບໍລິສັດ ຊີເອັນພີ ສຳຫຼວດ-ຂຸດຄົ້ນບໍ່ແຮ່ຂາເຂົ້າ-ຂາອອກ ຈຳກັດສ້າງຕັ້ງໃນປີ 2004 ຈຶ່ງໄດ້ດຳເນີນການຊອກຂຸດຄົ້ນບໍ່ເຫຼັກຢູ່ເມືອງຫຼາແຂວງອຸດົມໄຊ, ບໍ່ທອງ ແລະບໍ່ຊືນສັງກະສີ, ຊຶ່ງເປັນທຸລະກິດໜຶ່ງທີ່ກ້າວມາຈາກການດຳເນີນຂຸດຄົ້ນບໍ່ແຮ່ ແລະໄດ້ເຊັນສັນຍາກັບລັດຖະບານເພື່ອຊອກຄົ້ນສຳຫຼວດບໍ່ແຮ່ເຫຼັກ, ຊືນ ແລະສັງກະສີ, ພ້ອມທັງໄດ້ລົງສ້າງຕັ້ງໂຮງງານຂຸດຄົ້ນແຮ່ໃນປີ 2011 ແລະມາໃນປີ 2013-2014 ໄດ້ເລີ່ມຂຸດຄົ້ນແຮ່ເຫຼັກສົ່ງອອກຈຳນວນ 5 ແສນໂຕນ, ໂດຍແຮ່ທັງໝົດແມ່ນໄດ້ຜ່ານການປຸງແຕ່ງສຳເລັດເພື່ອສົ່ງອອກໄປ ສປ ຈີນ.

ມາຮອດປະຈຸບັນບໍລິສັດມີສິນຄ້າສະສົມໄວ້ 7 ແສນໂຕນ ເພື່ອສ້າງລາຍຮັບໃຫ້ແກ່ລັດຖະບານ, ຊ່ວຍໃຫ້ປະຊາຊົນມີວຽກເຮັດງານທຳປົກກະຕິ; ແຕ່ນີ້ຮອດທ້າຍປີພວກເຮົາຈະຜະລິດ ແລະສົ່ງອອກໃຫ້ໄດ້ຄາດໝາຍຖ້າຜ່ານພົ້ນວິກິດໂຄວິດບໍລິສັດຈະສາມາດຂົນສົ່ງໄດ້ 3-5 ພັນໂຕນຕໍ່ວັນ.

ທ່ານ ນາງ ຈັນນະພາ ວົງສະໝໍລະພູມ ໃຫ້ຮູ້ຕື່ມວ່າ: ໃນໄລຍະວິກິດໂຄວິດຜ່ານມາ, ການດຳເນີນທຸລະກິດຂອງບໍລິສັດແມ່ນໄດ້ຮັບຄວາມເອົາໃຈໃສ່ຈາກລັດຖະບານ ແລະຄະນະສະເພາະກິດທີ່ໄດ້ລົງໄປຢ້ຽມຢາມ, ເຮັດວຽກຢູ່ພາກສະໜາມຮ່ວມກັບບໍລິສັດເພື່ອໃຫ້ທຸລະກິດໄດ້ດຳເນີນເປັນປົກກະຕິ, ເພື່ອໃຫ້ປະຊາຊົນ 80-90% ໄດ້ມີວຽກເຮັດງານທຳ, ໃນນັ້ນ 70% ແມ່ນຄົນທ້ອງຖິ່ນນັ້ນ, ຊຶ່ງໃນໄລຍະວິກິດໂຄວິດບໍລິສັດໄດ້ປິດຊົ່ວຄາວ ແຕ່ກໍຍັງສືບຕໍ່ຈ່າຍເງິນໃຫ້ກັບພະນັກງານເປັນປົກກະຕິ. ຄຽງຄູ່ກັບການຈ່າຍເງິນໃຫ້ກັບພະນັກງານເປັນປົກກະຕິແລ້ວ, ບໍລິສັດຍັງໄດ້ປະກອບສ່ວນຊ່ວຍເຫຼືອສັງຄົມທັງກ່ອນ ແລະຫຼັງມີພະຍາດໂຄວິດເຂົ້າມາ,

ທ່ານ ນາງ ເພັດນະພາ ວົງສະໝໍລະພູມ ຜູ້ຈັດການບໍລິສັດ ຊີເອັນພີ ສຳຫຼວດ-ຂຸດຄົ້ນບໍ່ແຮ່ ຈຳກັດ ໄດ້ບອກວ່າ: ສະເພາະໄລຍະໂຄວິດ-19, ບໍລິສັດໄດ້ຊ່ວຍເຫຼືອສັງຄົມເປັນຕົ້ນແມ່ນອາຫານ, ເຄື່ອງປ້ອງກັນພະຍາດໂຄວິດໃຫ້ແກ່ພະນັກງານ ແລະ ຊຸມຊົນອ້ອມຂ້າງເຂດສຳປະທານແລະກ່ອນໜ້ານີ້ກໍໄດ້ສ້າງໂຮງຮຽນ, ວັດ, ເສັ້ນທາງ ແລະຕໍ່ໜ້າຍັງຈະສ້າງສຸກສາລາໃຫ້ແກ່ບ້ານອີກດ້ວຍ. ແຕ່ລະໄລຍະຜ່ານມາທາງບໍລິສັດກໍ່ໄດ້ໃຫ້ການຊ່ວຍເຫຼື່ອສັງຄົມໃນໄລຍະຜ່ານມາ. ສ້າງໂຮງຮຽນ, ວັດ, ເສັ້ນທາງ ແລະຕໍ່ໜ້າຍັງຈະສ້າງສຸກສາລາໃຫ້ແກ່ບ້ານອີກດ້ວຍ.

ຂ່າວ: ບຸນນິກ ມະນີ

 

แชร์