ບໍລິສັດໂມກມອບເຈວລ້າງມື 47 ຕູ້ຄອນເທນເນີ

ທ້າຍອາທິດຜ່ານມາທາງບໍລິສັດ ໂມກ ໃນນາມຕົວແທນຈໍາໜ່າຍຂອງບໍລິ ສັດ MOK CO,LTD-BYD, ກໍ່ໄດ້ ລະດົມທຶນຮອນມອບເຈວລ້າງມື 47 ຕູ້ ຄອນເທນເນີມູນຄ່າ 5,7 ລ້ານໂດລາສະຫະລັດ ຕ່າງໜ້າມອບທ່ານ ນາງ ແມ່ງ ໂກ່ ແວນ ປະທານບໍລິສັດໂມກຕາງໜ້າຮັບ ທ່ານ ດຣ ໄພວັນ ແກ້ວປະເສີດ ຮອງລັດ ຖະມົນຕີກະຊວງສາທາລະນະສຸກ.


ໂອກາດດັ່ງກ່າວ ທ່ານ ນາງ ໃຫ້ຮູ້ ວ່າ: ພວກເຮົາຮູ້ສຶກເປັນກຽດທີ່ໄດ້ປະກອບສ່ວນເຂົ້າໃນວຽກງານຕ້ານການ ລະບາດຂອງພະຍາດໂຄວິດ-19 ຂອງ ລາວ, ບໍລິສັດຂອງພວກເຮົາໄດ້ສ້າງຕັ້ງຂຶ້ນໃນລາວໃນປີ 2019, ເຖິງແມ່ນວ່າພວກເຮົາເລີ່ມປະເຊີນກັບຜົນກະທົບອັນ ໃຫຍ່ຫຼວງຂອງເຊື້ອໄວຣັສ COVID-19 ໃນເວລານັ້ນ, ພວກເຮົາກໍ່ບໍ່ຍອມແພ້, ໃນໄລຍະສອງປີຂອງການລະບາດ, ບໍລິສັດ ຂອງພວກເຮົາເຮັດວຽກຮ່ວມກັນກັບປະ ຊາຊົນລາວທຸກຄົນ, ພະຍາຍາມສຸດຄວາມ ສາມາດເພື່ອຕ້ານການລະບາດ, ໃນເວລາທີ່ມີການຂາດແຄນໜ້າກາກ, ພວກເຮົາໄດ້ຂົນສົ່ງໜ້າກາກຈາກປະເທດຈີນ ເພື່ອສະໜັບສະໜູນ ແລະໃນຄັ້ງນີ້, ກໍ່ໄດ້ ລະດົມທຶນຮອນມອບເຈວລ້າງມື 47 ຕູ້ຄອນເທນເນີ ມູນຄ່າ 5,7 ລ້ານໂດລາ ສະຫະລັດ ໃຫ້ແກ່ຄົນລາວ.


ໃນຕອນບ່າຍວັນທີ 27 ທັນວາ 2021 ທີ່ຫ້ອງວ່າການສໍານັກງານນາຍົກລັດຖະມົນຕີ, ບໍລິສັດ ໂມກ ຈຳກັດ ໄດ້ນຳເອົາລົດ ທີ່ນຳໃຊ້ພະລັງງານໄຟຟ້າຍີ່ຫໍ້ BYD HAN EV ຈໍານວນ 1 ຄັນ ມູນຄ່າ 61.900 ໂດລາສະຫະລັດ ມາມອບໃຫ້ຫ້ອງວ່າ ການສໍານັກງານນາຍົກລັດຖະມົນຕີ (ຫສ ນຍ) ເພື່ອນໍາໃຊ້ເຂົ້າໃນວຽກງານຂອງ ລັດຖະບານ ກໍຄືຫ້ອງວ່າການສຳນັກ ງານນາຍົກລັດຖະມົນຕີ, ໂດຍການໃຫ້ ກຽດເຂົ້າຮ່ວມພິທີມອບ-ຮັບຂອງທ່ານ ຄຳເຈນ ວົງໂພສີ, ລັດຖະມົນຕີ, ຫົວໜ້າ ຫ້ອງວ່າການສຳນັກງານນາຍົກລັດຖະມົນຕີ; ມີພະນັກງານທີ່ກ່ຽວຂ້ອງຂອງ ຫ້ອງວ່າການສຳນັກງານນາຍົກລັດຖະມົນຕີ ແລະບໍລິສັດດັ່ງກ່າວເຂົ້າຮ່ວມ.


ທ່ານ ນາງ ແມງໂກ ຕາງໜ້າບໍລິສັດ ໂມກ ຈຳກັດ ກໍ່ໄດ້ກ່າວວ່າ: ຈຸດປະ ສົງຂອງການມອບລົດໄຟຟ້າໃນຄັ້ງນີ້ ເພື່ອໃຫ້ ຫສນຍ ນຳໃຊ້ເຂົ້າໃນວຽກງານ ບໍລິການຮັບໃຊ້ລັດຖະບານ, ທັງເປັນການ ຊ່ວຍຊຸກຍູ້ສົ່ງເສີມພາກສ່ວນຕ່າງໆໃນ ສັງຄົມມານຳໃຊ້ລົດທີ່ນຳໃຊ້ພະລັງງານ ໄຟຟ້າໃຫ້ນັບມື້ຫຼາຍຂຶ້ນ, ປະກອບສ່ວນ ປະຕິບັດມາດຕະການປະຢັດມັດທະຍັດ ແລະເປັນມິດກັບສິ່ງແວດລ້ອມຕາມນະ ໂຍບາຍຂອງລັດຖະບານ ແນໃສ່ຫຼຸດຜ່ອນ ການນຳເຂົ້ານ້ຳມັນເຊື້ອໄຟ ກໍ່ຄືການນຳ ເຂົ້າສິນຄ້າຈາກຕ່າງປະເທດເປັນກ້າວໆ ເພື່ອພັດທະນາເສດຖະກິດຂອງ ສປປ ລາວ ໃຫ້ນັບມື້ເຂັ້ມແຂງ.


ໃນໂອກາດນີ້, ທ່ານ ຄຳເຈນ ວົງໂພສີ ຕາງໜ້າລັດຖະບານໄດ້ສະແດງຄວາມ ຊົມເຊີຍ ແລະຂອບໃຈຕໍ່ບໍລິສັດທີ່ໄດ້ປະ ກອບສ່ວນໃຫ້ການຊ່ວຍເຫຼືອແກ່ລັດຖະ ບານໃນຄັ້ງນີ້, ຊຶ່ງສະແດງເຖິງຄວາມ ເປັນຫ່ວງເປັນໃຍ ແລະສະໜັບສະໜູນ ການປະຕິບັດໜ້າທີ່ວຽກງານຂອງລັດຖະ ບານກໍ່ຄືການປະຕິບັດພາລະກິດສ້າງສາ ພັດທະນາປະເທດຊາດໃຫ້ນັບມື້ໄດ້ຮັບ ການພັດທະນາເປັນກ້າວໆ. ພ້ອມກັນນີ້, ທ່ານລັດຖະມົນຕີ, ຫົວໜ້າຫ້ອງວ່າການ ສຳນັກງານນາຍົກລັດຖະມົນຕີ ໄດ້ມອບ ໃບຍ້ອງຍໍໃຫ້ບໍລິສັດ ເພື່ອສະແດງຄວາມ ຂອບໃຈຕໍ່ການຊ່ວຍເຫຼືອໃນຄັ້ງນີ້.


ສຸດທ້າຍຫວັງວ່າປະຊາຊົນລາວຈະ ສາມາດຜ່ານມາດຕະການປ້ອງກັນການ ແຜ່ລະບາດໃນແຕ່ລະວັນ, ເຮົາສາມາດ ປ້ອງກັນການແຜ່ລະບາດ ແລະການຕິດ ເຊື້ອພະຍາດໂຄວິດ-19 ໄດ້ດີຂຶ້ນ, ໃນ ສອງປີຜ່ານມາ, ລັດຖະບານລາວໄດ້ເຮັດ ວຽກຢ່າງບໍ່ອິດເມື່ອຍເພື່ອຕ້ານພະຍາດ ລະບາດ ແລະປົກປ້ອງປະຊາຊົນລາວ, ເຊື່ອວ່າຖ້າຫາກພວກເຮົາຮ່ວມມືກັນ, ພວກເຮົາຈະເອົາຊະນະເຊື້ອໄວຣັສໂຄ ວິດ-19 ໄດ້ຢ່າງແນ່ນອນ, ໃນເວລາ ດຽວກັນ, BYD ຂອງພວກເຮົາໃນຖາ ນະທີ່ເປັນຜູ້ນໍາຂອງໂລກໃນຍານພາຫະນະພະລັງງານໃໝ່


ຂ່າວ: ບຸນນິກ

แชร์