ລັດຊອກວຽກໃຫ້ແຮງງານ 20.244 ຄົນ

ໃນປີ 2021 ລັດຖະບານກ່ໍຄືກະ ຊວງແຮງງານ ແລະສະຫວັດດີການສັງຄົມ ໄດ້ສົ່ງເສີມການຈັດຫາວຽກເຮັດງານ ທໍາແທນໃຫ້ແຮງງານລາວໄດ້ທັງໝົດ 20.244 ຄົນ, ຍິງ 5.346 ຄົນ ເທົ່າກັບ 72,30% ຂອງແຜນການປີ, ໃນນີ້ ຈັດຫາວຽກເຮັດງານທໍາຢູ່ພາຍໃນໄດ້ 19.996 ຄົນ ຂະນະທີ່ປີ 2022 ທີ່ຈະ ມາເຖິງນີ້ຍັງຈະສູ້ຊົົນພັດທະນາສີມືແຮງ ງານຜູ້ທີ່ຈະເຂົ້າສູ່ຕໍາແໜ່ງງານໃໝ່ຕິດ ພັນກັບວາລະແຫ່ງຊາດໃຫ້ໄດ້ 8.000 ຄົນ.


ກະຊວງແຮງງານ ແລະສະຫວັດດີການສັງຄົມ (ຮສສ) ໄດ້ຈັດກອງປະຊຸມ ວິຊາການແຮງງານ ແລະສະຫວັດດີການ ສັງຄົມທົ່ວປະເທດປະຈຳປີ 2021 ຂຶ້ນ ໃນວັນທີ 28 ທັນວາ 2021, (ຜ່ານລະ ບົບທາງໄກ) ທີ່ຫ້ອງຮັບແຂກກະຊວງ ຮສສ, ພາຍໃຕ້ການເປັນປະທານຂອງ ທ່ານ ນາງໃບຄຳ ຂັດທິຍະ ລັດຖະມົນ ຕີກະຊວງ ຮສສ, ມີບັນດາຮອງລັດຖະມົນຕີ, ຫົວໜ້າກົມ, ສະພາແຂວງ ແລະບັນ ດາຫົວໜ້າພະແນກ ຮສສ ແຂວງ, ນະຄອນຫຼວງ ພ້ອມຂະແໜງການກ່ຽວຂ້ອງ ເຂົ້າຮ່ວມ.


ທ່ານ ວິໄລພົງ ສີສົມຫວັງ, ຫົວໜ້າ ກົມແຜນການ ແລະການຮ່ວມມືສາກົນ ໄດ້ຂຶ້ນຜ່ານບົດສະຫຼຸບການຈັດຕັ້ງປະຕິ ບັດວຽກແຮງງານ ແລະສະຫວັດດີການ ສັງຄົມ ປະຈຳປີ 2021 ແລະບາງຄາດ ໝາຍຕົ້ນຕໍປີ 2022 ໃຫ້ຮູ້ວ່າ: ກະຊວງ ໄດ້ຕັ້ງໜ້າຊຸກຍູ້ສົ່ງເສີມບັນດາຫົວໜ່ວຍ ແຮງງານພັດທະນາສີມືແຮງງານຕາມ ສາຂາອາຊີບຕ່າງໆໄດ້ທັງໝົດ 21.025 ຄົນ, ຍິງ 9.387 ຄົນ, ລື່ນແຜນການ 62,81%, ຂອງແຜນການປີ, ໃນນີ້ຂະແໜງກະສິກໍາ 6.550 ຄົນ, ອຸດສາຫະ ກໍາ 10.590 ຄົນ ແລະບໍລິການ 3.885 ຄົນ, ເຮັດການທົດ ສອບສີມືແຮງງານຕາມມາດຕະຖານສີມື ແຮງງານແຫ່ງຊາດ 32 ສາຂາອາຊີບ ແລະສາຂາອາຊີບຕ່າງໆໄດ້ 63,51% ຂອງແຜນການປີ.


ພ້ອມນັ້ນ ຍັງໄດ້ສົ່ງເສີມການຈັດຫາ ວຽກເຮັດງານທໍາຢູ່ຕະຫຼາດແຮງງານ ພາຍໃນ ແລະຕ່າງປະເທດໄດ້ 20.244 ຄົນ, ຍິງ 5.346 ຄົນ ເທົ່າກັບ 72,30% ຂອງແຜນການປີ, ໃນນີ້ຈັດຫາວຽກເຮັດ ງານທໍາຢູ່ພາຍໃນໄດ້ 19.996 ຄົນ, ເກັບກຳຂໍ້ມູນແຮງງານທີ່ກັບຈາກຕ່າງ ປະເທດທີ່ວ່າງງານ ແລະຜູ້ວ່າງງານພາຍ ໃນທັງໝົດ 496.000 ຄົນ, ໃນນີ້ວ່າງ ງານພາຍໃນ 439.082 ຄົນ ນອກ ນັ້ນໃນປີ 2022 ທີ່ຈະມາເຖິງນີ້ຍັງຈະສູ້ຊົົນພັດທະນາສີມືແຮງງານຜູ້ທີ່ຈະເຂົ້າສູ່ຕໍາແໜ່ງງານໃໝ່ຕິດພັນກັບວາລະແຫ່ງ ຊາດໃຫ້ໄດ້ 8.000 ຄົນ; ທົດສອບມາດຕະຖານສີມືແຮງງານໃຫ້ໄດ້ 740 ຄົນ; ສ້າງຄູພັດທະນາສີມືແຮງງານພາກທິດ ສະດີ, ຄູພາກປະຕິບັດຕົວຈິງ, ຄູທົດສອບ ສີມືແຮງງານໃຫ້ໄດ້ 106 ຄົນ.


ພ້ອມທັງສົ່ງເສີມການຈັດຫາວຽກ ເຮັດງານທໍາເຂົ້າສູ່ຕະຫຼາດແຮງງານ ພາຍໃນ ແລະຕ່າງປະເທດຕິດພັນກັບວາ ລະແຫ່ງຊາດ ໃຫ້ໄດ້ 54.500 ຄົນ; ລົງເລິກແກ້ໄຂບັນຫາວ່າງງານຈາກ 21,8% ລົງມາເປັນ 19,4%; ຂະຫຍາຍ ການຄຸ້ມຄອງຫົວໜ່ວຍວິສາຫະກິດເພີ່ມ ໃໝ່ຕິດພັນກັບວາລະແຫ່ງຊາດໃຫ້ໄດ້ 350 ຫົວໜ່ວຍ; ຂຶ້ນທະບຽນຜູ້ປະກັນ ຕົນໃໝ່ໃຫ້ໄດ້ 31.500 ຄົນ, ປະຕິບັດ ນະໂຍບາຍຕໍ່ຜູ້ທີ່ມີຜົນງານ ແລະຄຸນງາມ ຄວາມດີໃນພາລະກິດປະຕິວັດຊາດປະຊາ ທິປະໄຕ ໃຫ້ 4.316 ທ່ານ ເປັນເງິນ 83.384 ລ້ານ, ໃນນີ້: 5 ເປົ້າໝາຍບູລິ ມະສິດ 4.116 ທ່ານ ເປັນເງິນ 73.212 ລ້ານກີບ ແລະເປົ້າໝາຍທົ່ວໄປ 200 ທ່ານ ເປັນເງິນ 6.000 ລ້ານກີບ; ປັບປຸງຄຸນນະພາບຊີວິດຂອງຄົນພິ ການໃຫ້ໄດ້ 400 ຄົນ ແລະປັບປຸງຄຸນ ນະພາບຊີວິດຂອງຄົນພິການທີ່ອາຍຸສູງ ໃຫ້ໄດ້ 160 ຄົນ; ສ້າງກອງທຶນຄຸ້ມ ຄອງໄພພິບັດໃຫ້ໄດ້ 16 ແຫ່ງ: ຂັ້ນ ແຂວງ 03 ແຂວງ ແລະຂັ້ນເມືອງ 13 ເມືອງ; ສ້າງນັກສັງຄົມສົງຄົມດ້ານຈິດ ຕະສັງຄົມສະເພາະດ້ານໃຫ້ໄດ້ 59 ຄົນ; ຊ່ວຍເຫຼືອຜູ້ອອກຢາເສບຕິດດ້ວຍການ ປະກອບທຶນໃຫ້ສ້າງອາຊີບ-ສ້າງລາຍຮັບ ແລະສ້າງໂອກາດມີວຽກເຮັດງານທຳ 1.800 ຄົນ.


ຂ່າວ: ຮສສ

แชร์