ນາຍົກ ເນັ້ນ 4 ຈຸດ ລັດ ແລະທຸລະກິດຕ້ອງຮ່ວມກັນ

ໂອກາດເຂົ້າຮ່ວມງານມອບລາງ ວັນທຸລະກິດອາຊຽກດີເດັ່ນແຫ່ງ ສປປ ລາວ ປະຈຳປີ 2021 ແລະງານມອບ ລາງວັນນັກທຸລະກິດຊັ້ນນຳດີເດັ່ນສະ ພາການຄ້າ ແລະອຸດສາຫະກຳແຫ່ງຊາດລາວ (ສຄອຊ) ໃນໄລຍະໂຄວິດ-19 ປະຈໍາປີ 2021 ໄດ້ຈັດຂຶ້ນໃນວັນທີ 29 ທັນວານີ້ ທີ່ຫໍປະຊຸມແຫ່ງຊາດ, ນະຄອນ ຫຼວງວຽງຈັນ; ທ່ານ ພັນຄໍາ ວິພາວັນ ນາຍົກລັດຖະມົນຕີໄດ້ເນັ້ນ 4 ຈຸດ ສຳຄັນທີ່ພາກລັດ ແລະທຸລະກິດຄວນເອົາໃຈໃສ່ຮ່ວມກັນ.


ກ່ອນການມີຄຳເຫັນໂອ້ລົມຂອງທ່ານ ນາຍົກລັດຖະມົນຕີ, ໃນງານດັ່ງກ່າວໄດ້ ມີການມອບໃບກຽດຕິຄຸນໃຫ້ແກ່ຜູ້ສະໜັບ ສະໜູນຫຼັກ ໂດຍທ່ານ ອຸເດດ ສຸວັນນະວົງ ປະທາ ສຄອຊ. ຈາກນັ້ນ, ທ່ານ ດາວອນ ພະຈັນທະວົງ ຮອງປະທານ ສຄອຊ ທັງເປັນຜູ້ປະຈຳການ ສຄອຊ ໄດ້ລາຍ ງານໂດຍຫຍໍ້ວ່າ: ຈຸດປະສົງຕົ້ນຕໍຂອງ ການຈັດງານມອບລາງວັນໃນຄັ້ງນີ້ ແມ່ນ ເພື່ອເປັນການສ້າງຂວັນກໍາລັງໃຈ, ໃຫ້ ການຍ້ອງຍໍຊົມເຊີຍບັນດາຫົວໜ່ວຍທຸ ລະກິດທີ່ເປັນສະມາຊິກຂອງ ສຄອຊ ທີ່ມີຜົນງານໃນການບໍລິຫານວິສາຫະກິດ ຂອງຕົນເອງໃຫ້ມີການຂະຫຍາຍຕົວ ແລະສາມາດປະຄັບປະຄອງທຸລະກິດໃຫ້ສາ ມາດຂ້າມຜ່ານວິກິດຕ່າງໆທີ່ເກີດຂຶ້ນ ຈາກການແຜ່ລະບາດຂອງເຊື້ອພະຍາດ COVID-19 ພ້ອມດຽວກັນນີ້, ກໍ່ເປັນ ການຊົມເຊີຍບັນດາວິສາຫະກິດທີ່ມີທ່າ ແຮງປະກອບສ່ວນທາງດ້ານທຶນຮອນ, ວັດຖຸປັດໄຈຕ່າງໆສົມທົບໃຫ້ແກ່ລັດຖະ ບານໃນການສະກັດກັ້ນ ແລະຕ້ານການ ແຜ່ລະບາດຂອງເຊື້ອພະຍາດໂຄວິດ-19 ແລະປະກອບສ່ວນຕໍ່ການຟື້ນຟູເສດຖະ ກິດຂອງປະເທດຊາດ ກໍ່ຄືການພັດທະ ນາເສດຖະກິດສັງຄົມໃນໄລຍະຜ່ານມາ.


ທ່ານ ຄຳແພງ ໄຊສົມແພງ ລັດຖະມົນ ຕີກະຊວງອຸດສາຫະກໍາ ແລະການຄ້າ ໄດ້ຂຶ້ນມອບລາງວັນນັກທຸລະກິດຊັ້ນນຳ ດີເດັ່ນ ສຄອຊ ໃນໄລຍະໂຄວິດ-19 ປະ ຈຳປີ 2021 ຄັ້ງນີ້ໃຫ້ແກ່ບັນດາທຸລະ ກິດທີ່ໄດ້ຮັບລາງວັນດັ່ງກ່າວ, ຈາກນັ້ນ ຜູ້ເຂົ້າຮ່ວມງານຄັ້ງນີ້, ໄດ້ພ້ອມກັນຮັບຟັງ ການລາຍງານສະພາບການດຳເນີນທຸລະ ກິດຈາກຄະນະທຸລະກິດຂະແໜງກະສິ ກຳ, ທ່ອງທ່ຽວ, ອຸດສາຫະກຳ ແລະໂລຈີສຕິກ. ໂອກາດສຳຄັນນີ້, ທ່ານນາຍົກລັດຖະ ມົນຕີ ກໍ່ໄດ້ມີຄຳເຫັນໂອ້ລົມ ໂດຍໄດ້ຢືນ ຢັນອີກເທື່ອຄັ້ງໜຶ່ງວ່າພາກລັດ ແລະພາກ ທຸລະກິດ ແມ່ນຫຸ້ນສ່ວນສຳຄັນຮ່ວມກັນ ແລະຕັດແຍກອອກຈາກກັນບໍ່ໄດ້ໃນຂະ ບວນການພັດທະນາປະເທດຊາດໃຫ້ຈະ ເລີນກ້າວໜ້າ, ຈາກນີ້ພາກລັດຕ້ອງຫັນ ປ່ຽນທັດສະນະແນວຄິດ ແລະການກະ ທຳຂອງຕົນຈາກທີ່ຊິນເຄີຍເປັນຜູ້ຄວບ ຄຸມແຕ່ດ້ານດຽວມາເປັນຜູ້ບໍລິຫານຈັດການ ຊຶ່ງໃນນັ້ນມີໜ້າທີ່ເຮັດການບໍລິການ ຮັບໃຊ້ປະຊາຊົນເປັນອັນສຳຄັນ, ພາກທຸ ລະກິດ ແລະຜູ້ປະກອບການກໍ່ຕ້ອງຫັນ ປ່ຽນປັບປຸງແກ້ໄຂຂອດອ່ອນ, ພັດທະນາ ຍົກສູງຄວາມອາດສາມາດຂອງຕົນເອງ ໃຫ້ຫຼາຍຂຶ້ນກວ່າເກົ່າໃນຫຼາຍດ້ານ.


ທ່ານ ນາຍົກ ຍັງໄດ້ເນັ້ນບາງບາງຈຸດ ສຳຄັນທີ່ພາກລັດ ແລະທຸລະກິດຄວນເອົາ ໃຈໃສ່ຮ່ວມກັນເຊັ່ນ:
1). ສະພາການຄ້າ ແລະອຸດສາຫະ ກໍາ, ສະມາຄົມ ແລະກຸ່ມທຸລະກິດຕ້ອງ ໄດ້ສືບຕໍ່ປຸກລະດົມບັນດາຫົວໜ່ວຍທຸລະ ກິດເຂົ້າເປັນສະມາຊິກ, ເຕົ້າໂຮມຄວາມ ສາມັກຄີ, ປັບປຸງກົງຈັກການຈັດຕັ້ງຂອງ ສະພາການຄ້າທັງຢູ່ສູນກາງ ແລະທ້ອງ ຖິ່ນໃຫ້ເຂັ້ມແຂງໄປຄຽງຄູ່ກັບການພັດທະນາ, ສົ່ງເສີມ ແລະສ້າງຄວາມອາດ ສາມາດໃຫ້ຫົວໜ່ວຍທຸລະກິດຂອງພວກ ເຮົາມີຄວາມເປັນມືອາຊີບຫຼາຍຂຶ້ນ.


2. ນັກທຸລະກິດ ແລະຜູ້ປະກອບການ ຂອງພວກເຮົາຕ້ອງໄດ້ປັບປຸງຮູບແບບ ແລະວິທີການດໍາເນີນທຸລະກິດ ໃຫ້ແທດ ເໝາະກັບສະພາບການປ່ຽນແປງໃໝ່, ຫັນປ່ຽນຈິນຕະນາການ ເພື່ອໃຫ້ແທດ ເໝາະກັບວິຖີຊີວິດໃໝ່, ແຂ່ງຂັນກັນ ເພື່ອ ສ້າງຜົນງານ, ປັບປຸງຄຸນນະພາບ ແລະປະສິດທິພາບໃຫ້ສູງຂຶ້ນລວມທັງກຳຈັດ ປັດເປົ່າແນວຄິດຄັບແຄບ, ໃຈນ້ອຍ, ອິດສາບັງບຽດກັນ, ຂີ້ສຽດຍ້ານລື່ນຍ້ານເຫຼືຶອກັນ, ທັບຖົມໂຈມຕີກັນ, ຕ້ອງຮັກແພງ ສາມັກຄີຊ່ວຍເຫຼືອກັນ, ແຂ່ງຂັນກັນພັດ ທະນາຄວາມດີເພື່ອຊາດບ້ານເມືອງ, ອັນສຳຄັນຕ້ອງຮ່ວມມືກັບພາຍໃນ ແລະຕ່າງປະເທດ.


3. ໃນໄລຍະເປີດກວ້າງ ແລະເຊື່ອມ ໂຍງກັບພາກພື້ນ, ນັກທຸລະກິດຂອງພວກ ເຮົາຕ້ອງໄດ້ປັບປຸງຕົນເອງໃຫ້ສາມາດຜະລິດ ເພື່ອສົ່ງອອກ ແລະຖືເອົາກາລະ ໂອກາດໃນການຂະຫຍາຍທຸລະກິດຂອງ ຕົນໄປຍັງພາກພື້ນ ແລະສາກົນໃຫ້ເພີ່ມ ຂຶ້ນ ໂດຍນຳໃຊ້ເສັ້ນທາງລົດໄຟ ລາວ-ຈີນ ຊຶ່ງມີຄວາມຈຳເປັນຕ້ອງຮ່ວມມືກັນ ຈັດຕັ້ງການຜະລິດຄືນໃໝ່, ທັງຫາຄູ່ຮ່ວມ ພັດທະນາກັບນັກທຸລະກິດຕ່າງປະເທດ. ນອກຈາກນັ້ນ, ກໍ່ສົ່ງເສີມນັກທຸລະກິດ ເຂົ້າມີສ່ວນຮ່ວມໃນການພັດທະນາຊົນ ນະບົດຕິດພັນກັບການແກ້ໄຂຄວາມທຸກ ຍາກໃຫ້ປະຊາຊົນຫຼາຍຂຶ້ນ ຊຶ່ງລັດຖະ ບານຈະສ້າງໂອກາດໃຫ້ບັນດາວິສາຫະກິດ ລາວ-ຕ່າງປະເທດ ໄດ້ຈັບຄູ່ກັນເພື່ອ ຮ່ວມກັນຢ່າງໝັ້ນຄົງຍາວນານຫຼີກເວັ້ນ ການເປັນນາຍໜ້າແບບຕົວະຢົວະຫຼອກລວງ ຊຶ່ງຈະສ້າງຄວາມເສຍຫາຍໃຫ້ແກ່ສ່ວນລວມ ແລະຕົນເອງ.


4. ສືບຕໍ່ຊຸກຍູ້ສົ່ງເສີມນັກທຸລະກິດ, ຫົວໜ່ວຍທຸລະກິດທີ່ດີເດັ່ນ ແລະດໍາເນີນ ທຸລະກິດຖືກຕ້ອງຕາມກົດໝາຍ, ປະກອບ ສ່ວນພັນທະໃຫ້ລັດຖືກຕ້ອງ, ຄົບຖ້ວນ ແລະທັນເວລາ ເພື່ອຊຸກຍູ້ການເຮັດແທ້ທຳ ຈິງ, ການຄັດເລືອກຍ້ອງຍໍນັກທຸລະກິດ ແລະຫົວໜ່ວຍທຸລະກິດດີເດັ່ນບໍ່ໃຫ້ມີລັກ ສະນະສະເລັ່ຍ ຫຼື ເບິ່ງຕາມຕໍາແໜ່ງຫຼາຍ ກວ່າເບິ່ງຜົນງານຕົວຈິງ ຊຶ່ງໃນໄລຍະ ຜ່ານມາ ສຄອຊ ຈັດຕັ້ງປະຕິບັດໄດ້ດີແລ້ວ ແລະໃຫ້ສືບຕໍ່ປັບປຸງໃຫ້ດີຂຶ້ນ.

แชร์