ເປີດກອງປະຊູມສະໄໝສາມັນເທື່ອທີ 2 ຂອງ ສພຂ ຈຳປາສັກຊຸດທີ II

ກອງປະຊຸມສະໄໝສາມັນເທື່ອທີ 2 ຂອງສະພາປະຊາຊົນແຂວງຈໍາປາສັກ ຊຸດທີ II ໄດ້ໄຂຂຶ້ນຢ່າງເປັນທາງການໃນ ຕອນເຊົ້າຂອງວັນທີ 29 ທັນວາ 2021 ທີ່ສະໂມສອນຫຼັກ 4 ຂອງແຂວງພາຍ ໃຕ້ການເປັນປະທານຂອງທ່ານ ສາຍທອງ ໄຊຍະວົງ ປະທານສະພາແຂວງ ຈໍາປາສັກ, ໃຫ້ກຽດເຂົ້າຮ່ວມຂອງທ່ານ ປອ. ວິໄລວົງ ບຸດດາຄໍາ ເຈົ້າແຂວງໆຈໍາປາສັກ, ທ່ານ ສົມມາດ ພົນເສນາ ຮອງປະທານສະພາແຫ່ງຊາດ ສະມາຊິກສາພາແຫ່ງຊາດ ປະຈໍາເຂດ ເລືອກຕັ້ງແຂວງຈໍາປາສັກ, ມີທ່ານສະ ມາຊິກສາພາແຫ່ງຊາດ ແລະສະມາຊິກ ສະພາແຂວງເຂົ້າຮ່ວມ.


ໃນກອງປະຊຸມທ່ານ ສາຍທອງ ໄຊ ຍະວົງ ໄດ້ກ່າວວ່າ: ກອງປະຊຸມສະໄໝ ສາມັນເທື່ອທີ 2 ຂອງສະພາປະຊາຊົນ ແຂວງຈໍາປາສັກຊຸດທີ II ແມ່ນມີຄວາມ ສໍາຄັນຫຼາຍເພາະປີ 2021 ເປັນປີທໍາ ອິດທີ່ສະພາປະຊາຊົນແຂວງຈໍາປາສັກ ຊຸດທີ II ໄດ້ສຸມໃສ່ເຄື່ອນໄຫວຈັດຕັ້ງຜັນ ຂະຫຍາຍມະຕິກອງປະຊຸມໃຫຍ່ຄັ້ງທີ XI ຂອງພັກ ແລະມະຕິກອງປະຊຸມໃຫຍ່ ຄັ້ງທີ VIII ຂອງອົງຄະນະພັກແຂວງ ຕາມພາລະບົດບາດ, ສິດ ແລະໜ້າທີ່ໆກໍາ ນົດໄວ້ໃນລັດຖະທໍາມະນູນແຫ່ງ ສປປ ລາວ, ກົດໝາຍວ້າດ້ວຍສະພາປະຊາ ຊົນຂັ້ນແຂວງໃນທາມກາງທີ່ສະພາບ ການຂອງພາກພື້ນ ແລະສາກົນຍັງສືບຕໍ່ ຜັນແປໄປຢ່າງສະຫລັບຊັບຊ້ອນ, ເຄັ່ງ ຮ້ອນ ແລະມີຄວາມຫຼໍ້ແຫຼມຫຼາຍດ້ານ ທີ່ຄາດຄະເນໄດ້ຍາກບວກກັບການແຜ່ ລະບາດຂອງພະຍາດໂຄວິດ-19 ທີ່ມີ ທ່າອ່ຽງແກ່ຍາວ, ເປັນວົງກວ້າງ, ຊຶ່ງ ໄດ້ສົ່ງຜົນກະທົບຕໍ່ບັນດາປະເປດຕ່າງ ໃນໂລກ ລວມທັງປະເທດລາວເຮັາ, ໂດຍ ສະເພາະແຂວງຈໍາປາສັກກ່ໍໄດ້ຮັບຜົນ ກະທົບເຊັ່ນດຽວກັນ, ແຕ່ເຖິງຢ່າງໃດກໍ່ ຕາມຕະຫຼອດໄລຍະ 1 ປີຜ່ານມາ, ພາຍໃຕ້ການນໍາພາຂອງຄະນະພັກ-ອົງການ ປົກຄອງແຂວງໄດ້ມີຄວາມພະຍາຍາມ ສູງຜ່ານຜ່າສິ່ງທ້າທາຍດັ່ງກ່າວສາມາດ ສູ້ຊົນຈັດຕັ້ງປະຕິບັດແຜນພັດທະນາເສດ ຖະກິດ-ສັງຄົມ, ແຜນງົບປະມານແຫ່ງ ລັດປະຈໍາປີ 2021, ຕິດພັນກັບການ ຈັດຕັ້ງປະຕິບັດມາດຕາການສະກັດກັ້ນ ແລະປ້ອງກັນການແຜ່ລະບາດຂອງພະ ຍາດໂຄວິດ-19 ຢ່າງຈິງຈັງ, ການແກ້ ໄຂພິບັດທໍາມະຊາດ ແລະວຽກງານຮອບ ດ້ານຂອງແຂວງໄດ້ຮັບຜົນສໍາເລັດຫຼາຍ ດ້ານ.


ກອງປະຊຸມຄັ້ງນີ້ແມ່ນຈະໄດ້ດໍາເນີນ ເປັນເວລາ 2 ວັນຄື: 29-30 ທັນວາ 2021 ຈະໄດ້ພິຈາລະນາຮັບຮອງເອົາ ບັນດາເນື້ອໃນສໍາຄັນດັ່ງນີ້: 1 ພິຈາລະ ນາຮັບຮອງເອົາບົດລາຍງານອົງການ ປົກຄອງແຂວງກ່ຽວກັບການຈັດຕັ້ງປະ ຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດປະຈໍາປີ 2021 ແລະແຜນການປີ 2022, 2 ພິຈະລານາ ຮັບຮອງເອົາບົດລາຍງານຂອງອົງການ ກວດກາແຫ່ງລັດຂັ້ນແຂວງປະຈໍາປີ 2021 ແລະແຜນການປະຈໍາປີ 2022, ຜົນການກວດກາຕາມຜົນກວດສອບປີ 2019, 3 ພິຈະລານາຮັບຮອງເອົາບົດ ລາຍງານຂອງອົງການກວດສອບປະ ຈໍາພາກໃຕ້ ປະຈໍາປີ 2021 ແຜນການ ປະຈໍາປີ 2022, ຜົນການກວດສອບ ບົດສະຫຼຸບຂາດຕົວການຈັດຕັ້ງປະຕິບັດ ແຜນງົບປະມານຂອງປີ 2020, 4 ພິຈະລະນາ, ຮັບຮອງເອົາບົດລາຍງານ ຂອງສາຍປະຊາຊົນພາກໃຕ້ ແລະບົດ ລາຍງານຂອງອົງການໄອຍະການປະ ຊາຊົນພາກໃຕ້ກ່ຽວກັບການຈັດຕັ້ງປະ ຕິບັດແຜນການເຄື່ອນໄຫວວຽກງານປະ ຈໍາປີ 2021 ແລະແຜນການປະຈໍາປີ 2022, 5 ພິຈະລະນາ, ຮັບຮອງເອົາບົດ ລາຍງານຂອງສານປະຊາຊົນແຂວງ ແລະບົດລາຍງານຂອງອົງການໄອຍະ ການປະຊາຊົນແຂວງກ່ຽວກັບການຈັດ ຕັ້ງປະຕິບັດແຜນການເຄື່ອນໄຫວວຽກ ງານປະຈໍາປີ 2021 ແລະແຜນການປະ ຈໍາປີ 2022, 6 ພິຈາລະນາ, ຮັບຮອງ ເອົາບົດລາຍງານຂອງສະພາປະຊາຊົນ ແຂວງກ່ຽວກັບການຈັດຕັ້ງປະຕິບັດແຜນ ການເຄື່ອນໄຫວປະຈໍາປີ 2021 ແລະແຜນການປະຈໍາປີ 2022 ແລະ 7 ຮັງ ຟັງການປະກອບຄວາມຄິດຄວາມເຫັນ ຕາງໜ້າອົງການແນວລາວສ້າງຊາດ ແລະອົງການຈັດຕັ້ງມະຫາຊົນຂັ້ນແຂວງ ຕໍ່ການເຄື່ອນໄຫວຂອງສະພາປະຊາຊົນແຂວງ.


ຂ່າວ: ໂພທິລາດ

แชร์