2 ບໍລິສັດຈະເກັບກູ້ໄມ້ໃນອ່າງເຂື່ອນເຊກະໝານ

ລັດຖະບານກໍ່ຄືເຈົ້າແຂວງອັດຕະປື ໄດ້ອອກຂໍ້ຕົກລົງຂຸດຄົ້ນໄມ້ເກັບກູ້ ທ້ອນໂຮມໄມ້ຢືນຕາຍ ແລະຈົມນໍ້າໃນ ເຂດນໍ້າຖ້ວມຂອບເຂດອ່າງເກັບນໍ້າຂອງ ເຂື່ອນໄຟຟ້າເຊກະໝານ I ເມືອງ ຊານໄຊ ແຂວງອັດຕະປື ຈຳນວນ 2 ແສນ ແມັດກ້ອນ ແຕ່ນີ້ຮອດປີ 2025 ໃນເນື້ອ ທີ່ 14.161,72 ເຮັກຕາ ໂດຍມີ 2 ບໍລິ ສັດຮັບບູລິມະສິດຂຸດຄົ້ນ.


ໃນວັນທີ 24 ທັນວາຜ່ານມາ ທ່ານ ທະນູໄຊ ບັນຊາລິດ ຄະນະປະຈຳພັກ ແຂວງຮອງເຈົ້າແຂວງອັດຕະປືຜູ້ຊີ້ນຳ ວຽກງານເສດຖະກິດ ພ້ອມຄະນະລົງຕິດຕາມ ແລະຊຸກຍູ້ ການເກັບກູ້ທ້ອນໂຮມໄມ້ຢືນຕາຍ ແລະຈົມນໍ້າໃນອ່າງເກັບນໍ້າເຊກະໝານ I ເມືອງ ຊານໄຊ ແຂວງອັດຕະປື ໂດຍມີທ່ານ ຄຳ ຫວັນ ຈັນທະໂຄດ ຄະນະປະຈຳພັກແຂວງ ປະທານກວດກາພັກ-ລັດແຂວງ ແລະພະແນກການທີ່ກ່ຽວຂ້ອງຮ່ວມຕິດຕາມ.


ທ່ານ ບຸນລິດ ສີຫາລາດ ວິຊາການຂະແໜງປ່າໄມ້ຄະນະຮັບຜິດຊອບວິຊາການຄຸ້ມຄອງສະໜາມ I ແລະສະໜາມ II ທີ່ຕິດຕາມກອງກົນຈັກຂຸດຄົ້ນໄມ້ຢືນ ຕາຍລາຍງານສະພາບການຂຸດຄົ້ນເກັບ ກູ້ທ້ອນໂຮມໄມ້ຢືນຕາຍ ແລະຈົມນໍ້າໃນ ອ່າງເກັບນໍ້າເຊກະໝານ I ຕໍ່ຄະນະປະຈຳພັກແຂວງທີ່ລົງຕິດຕາມ ແລະຊຸກຍູ້ ໃນຄັ້ງນີ້ວ່າ: ເຈົ້າແຂວງອັດຕະປືໄດ້ອອກ ຂໍ້ຕົກລົງຂຸດຄົ້ນໄມ້ເກັບກູ້ທ້ອນໂຮມໄມ້ ຢືນຕາຍ ແລະຈົມນໍ້າໃນເຂດນໍ້າຖ້ວມ ຂອບເຂດອ່າງເກັບນໍ້າຂອງເຂື່ອນໄຟຟ້າ ເຊກະໝານ I ເມືອງຊານໄຊ ແຂວງອັດ ຕະປື ໄດ້ເລີ່ມລົງມືຈັດຕັ້ງປະຕິບັດການ ຂຸດຄົ້ນແຕ່ວັນທີ 26 ພະຈິກ 2021 ອີງຕາມ ການສຳຫຼວດ ແລະໄດ້ຮັບອະນຸດຍາດຂຸດ ຄົ້ນຮອດປີ 2025 ແມ່ນ 200.000 ແມັດ ກ້ອນ ໃນເນື້ອທີ່ 14.161,72 ເຮັກຕາ.


ການຂຸດຄົ້ນດັ່ງກ່າວແມ່ນ 2 ບໍລິສັດ ໄດ້ຮັບອະນຸຍາດຂຸດຄົ້ນຄື: ບໍລິສັດແມ່ ຂອງລາວເຕັກນິກກະສິກຳ ແລະການຄ້າ ລາວຈຳກັດຈຳນວນ 100.000 ແມັດ ກ້ອນ ແລະບໍລິສັດອິນເຕີກໍ່ສ້າງຂົວທາງ ຊົນລະປະທານ ແລະການຄ້າຂາອອກ- ຂາເຂົ້າຄົບວົງຈອນຈຳກັດຈຳນວນ 100.000 ແມັດກ້ອນ, ປະຈຸບັນ ທັງສອງ ບໍລິສັດກຳລັງເລັ່ງມືໃນການຂຸດຄົ້ນ ໂດຍ ໃຊ້ເຮືອບັກຕັດໄມ້ 5 ລຳ, ເຄື່ອງຈັກຕັດ ໄມ້ໄຮໂດຣິກ 5 ເຄື່ອງ,ຈັກສະຕິນ 5 ເຄື່ອງ, ຖັງບອງໄມ້ 234 ຖັງ, ເຮືອນ້ອຍ 5 ລຳ ແລະກຳມະກອນ 14 ແຮງງານ ຮອດຂະນະນີ້ສາມາດຂຸດຄົ້ນຂຶ້ນມາໄດ້ 282 ທ່ອນ ເທົ່າກັບ 230 ແມັດກ້ອນ. ເປັນໄມ້ທີ່ນອນຢູໃນບັນຊີ I, II, III. ທັງນີ້ ທ່ານ ທະນູໄຊ ບັນຊາລິດ ແນະ ນຳໃຫ້ຂຸ້ນຂ້ຽວຂຸດຄົ້ນໃຫ້ໄວ, ສິ່ງສຳຄັນ ຕ້ອງເອົາໃຈໃສ່ເລື່ອງຄວາມປອດໄພຂອງ ກຳມະກອນໃນການມຸດ (ດຳນໍ້າ) ລົງ ໄປຂຸດຄົ້ນ.

ຈາກນັ້ນ, ທ່ານ ແລະຄະນະກໍໄດ້ລົງ ເຮືອໄປເບິ່ງການຂຸດຄົ້ນໄມ້ຢືນຕາຍ ແລະຈົມນໍ້າຕົວຈິງ ຊຶ່ງເຫັນໄດ້ວ່າການຂຸດຄົ້ນ ກໍພົບກັບບັນຫາຄວາມຫຍຸ້ງຍາກພໍສົມ ຄວນເນື່ອງຈາກວ່າ ສະພາບອາກາດມີ ການປ່ຽນແປງຕະຫຼອດເວລາ.

ຂ່າວ: ນ ຍົມມະລາ ບຸບຜາພັນ

แชร์