ໄທພົບຜູ້ຕິດເຊື້ອໂຄວິດໂອໄມຄຣອນ 65 ຄົນ

ພະແນກສາທາລະນະສຸກແຂວງກາລະສິນປະເທດໄທໄດ້ເຜີຍໃຫ້ຮູ້ໃນວັນທີ 25 ທັນວານີ້ວ່າ: ແຂວງດັ່ງກ່າວໄດ້ມີຜູ້ຕິດເຊື້ອໂຄວິດ-19 ສາຍພັນ “ໂອມີຄຣອນ” ຈຳນວນຫຼາຍທີ່ຕິດແປດຈາກສອງຜົວເມຍທີ່ເດີນທາງກັບຄືນໄທຈາກປະເທດແບນຊິກ, ປະຈຸບັນ, ຜູ້ຕິດເຊື້ອພະຍາດສາຍພັນດັ່ງກ່າວໄດ້ເພີ່ມຂຶ້ນເປັນ 65 ຄົນ.

ຕາມຂ່າວຕ່າງປະເທດລາຍງານວ່າ: ສອງຄົນດັ່ງກ່າວໄດ້ເຂົ້າປະເທດໄທຈາກສະໜາມບິນສຸວັນນະພູມສາກົນໂດຍຍົກເວັ້ນການກັກບໍລິເວນໃນວັນທີ 10 ທັນວານີ້,  ເວລານັ້ນ, ຜົນກວດຫາເຊື້ອພະຍາດຫຼັງຈາກເຂົ້າເມືອງເປັນລົບ. ຫຼັງຈາກນັ້ນ, ສອງຄົນດັ່ງກ່າວກໍ່ສາມາດເຄື່ອນໄຫວຢ່າງເສລີ, ເຂົາເຈົ້າໄດ້ໄປສະຖານທີ່ສາທາລະນະຕ່າງໆ, ເຊັ່ນ: ສະໜາມບິນ, ຮ້ານອາຫານ, ອົງການລັດຖະບານ ແລະສູນການຄ້າຕ່າງໆ, ໂດຍໄດ້ຕິດຕໍ່ພົວພັນກັບ 100 ກວ່າຄົນ. ສອງຄົນເລີ່ມມີອາການໃນວັນທີ 15 ທັນວານີ້ ແລະໄດ້ຖືກບົ່ງມະຕິຕິດເຊື້ອໂຄວິດ-19 ສາຍພັນ “ໂອມີຄຣອນ” ໃນວັນທີ 21 ທັນວານີ້. 

ຫຼັງຈາກນັ້ນ, ເມື່ອໄດ້ກວດຫາເຊື້ອພະຍາດໂຄວິດໃຫ້ກັບ 106 ຄົນທີ່ເປັນຜູ້ຢູ່ໃກ້ຊິດສອງຄົນດັ່ງກາວ, ກວດພົບ 65 ຄົນເປັນພະຍາດໂຄວິດ-19, ຊຶ່ງເປັນຄັ້ງທຳອິດທີ່ໄທກວດພົບຜູ້ຕິດເຊື້ອໂຄວິດ-19 ສາຍພັນ “ໂອມີຄຣອນ” ເປັນກຸ່ມ.

แชร์