ຊັບມະຫາໄຊ ມອບອຸປະກອນການສຶກສາ ສູນມືແຫ່ງຄວາມຫວັງ

ໃນວັນທີ 27 ທັນວ່າຜ່ານມາ ທ່ານ ນາງ ພານິວັນ ລັດຕະນະໂກສິນ ປະທານບໍລິສັດ ຊັບມະຫາໄຊ ຈຳກັດຜູ້ດຽວ ພ້ອມດ້ວຍພະນັກງານນຳເອົາອຸປະກອນການສຶກສາປຶ້ມຈຳນວນ 500 ຫົວ ແລະທຶນການສຶກສາຈຳນວນໜຶ່ງມອບໃຫ້ສູນການສຶກສາຜູ້ບົກຜ່ອງທາງການໄດ້ຍິນມືແຫ່ງຄວາມຫວັງ ໂດຍເຂົ້າຮ່ວມຮັບທ່ານ ນາງ ໂສ ຜູ້ອຳນວຍການສູນການສຶກສາຜູ້ບົກຜ່ອງທາງການໄດ້ຍິນມືແຫ່ງຄວາມຫວັງພ້ອມດ້ວຍນ້ອງນັກຮຽນ.

ໂອກາດດັ່ງກ່າວ ທ່ານ ນາງ ພານິວັນ ກ່າວຈຸດປະສົງການນຳເອົາອຸປະກອນການສຶກສາທຶນຊ່ວຍມາມອບຄັ້ງນີ້ເພື່ອເປັນການຊ່ວຍເຫຼືອນ້ອງນັກຮຽນໄດ້ມີອຸປະກອນການຮຽນ ແລະອີກຢ່າງເພື່ອເປັນການແບ່ງເບົາຄູ-ອາສາ ເພື່ອເປັນແຮງໃຈສຳຄັນໜຶ່ງເພື່ອໃຫ້ນ້ອງນັກຮຽນ ແລະຄູມີກຳລັງໃຈເພື່ອອານາຄົດພວກເຂົາໃຫຍ່ມາຈະຊ່ວຍເຫຼືອໂຕເອງ ແລະສາມາດລ້ຽງຊີບໂຕເອງໄດ້ອະນາຄົດ.

ແນວໃດກໍ່ຕາມສຳລັບສູນການສຶກສາຜູ້ບົກຜ່ອງທາງການໄດ້ຍິນມືແຫ່ງຄວາມຫວັງເປັນສູນໜຶ່ງທີ່ມີຄວາມໝາຍຄວາມສຳຄັນເປັນສູນຊ່ວຍເດັກນ້ອຍທີ່ພິການທາງຫູປະຈຸບັນມີນ້ອງນັກຮຽນ 10 ປາຍກວ່າຄົນທີ່ກິນນ້ອງພັກຢູ່ໃນສູນເລີຍພວກນ້ອງນັກຮຽນຖືວ່າຍັງຂາດອຸປະກອນ ແລະເຄື່ອງໃຊ້ຊີວິດປະຈຳວັນຫຼາຍຢ່າງຫາກທ່ານໃດມີຄວາມຕ້ອງການຢາກຊ່ວຍແບ່ງປັນກໍ່ສາມາດຕິດຕໍ່ເພິ່ນໄດ້ພວກນ້ອງນ້ອຍຍັງລໍຄ່ອຍຄວາມຫວັງຈາກຜູ້ໃຈບຸນ.

ສຳລັບບໍລິສັດ ຊັບມະຫາໄຊອະສັງຫາ ລິມະຊັບ ບໍລິສັດໜຶ່ງທີ່ຢູ່ລະດັບແຖວໜ້າດຳເນີນທຸລະກິດກ່ຽວກັບອະສັງຫາລິມະຊັບມາດົນສົມຄວນ ແລະທຸກໂຄງການໃນເທສະການບໍລິສັດແມ່ນຈະຈັດກິດຈະກຳຄືນກຳໄລໃຫ້ລູກຄ້າປະຈຸບັນເປີດໂຄງການໃໝ່ເຟດສອງເປັນໂຄງການດິນພ້ອມເຮືອນຈ່າຍພຽງເດືອນລະລ້ານກີບ, ບໍລິສັດຊັບມະຫາໄຊອະສັງຫາລິມະຊັບໄດ້ສໍາເລັດພ້ອມສາມາດຕໍ່ຍອດທຸລະກິດດ້ວຍການບໍລິຫານ-ຈັດການໂຄງການດິນຈັດສັດ ແລະອະສັງຫາອື່ນໆເຖິງຫຼາຍກວ່າ 11 ໂຄງການໃນປະຈຸບັນ.

ຂ່າວ:  ບຸນນິກ ມະນີ

แชร์