ເມືອງມໍລະດົກໂລກພ້ອມຮັບນັກທ່ອງທ່ຽວ

ທ່ານ ປອ ນາງ ສຸດາພອນ ຄົມທະວົງ ຫົວໜ້າພະແນກ ຖວທ ແຂວງຫຼວງພະບາງໄດ້ໃຫ້ສໍາພາດຕໍ່ສື່ມວນຊົນແຂວງຫຼວງພະບາງໃນຕອນບ່າຍຂອງວັນທີ 23 ທັນວາ 2021 ນີ້ຮູ້ວ່າ: ແຜນການກຽມ ຄວາມພ້ອມຕ້ອນຮັັບນັກທ່ອງທ່ຽວໃນປີໃໝ່ຈະມາເຖິງນີ້ກໍ່ຄື ວັນທີ 1 ມັງກອນ 2022 ທາງແຂວງຫຼວງພະບາງແມ່ນ ໄດ້ມີຄວາມພ້ອມເຕັມຮ້ອຍແລ້ວທີ່ຈະໃຫ້ ບໍລິການໃນການຕ້ອນຮັບນັກທ່ອງທ່ຽວ ຕາມແຜນການທີ່ກໍານົດໄວ້ຈະເປີດປະເທດຕ້ອນຮັບນັກທ່ອງທ່ຽວຈາກ 17 ປະເທດ ຊຶ່ງທາງພາກລັດກ່ໍໄດ້ສົມທົບກັບ ພາກທຸລະກິດໄດ້ຈັດກອງປະຊຸມ ເພື່ອປຶກສາຫາລືຮ່ວມກັນຫຼ້າສຸດໃນຕອນເຊົ້າວັນ ທີ 23 ທັນວານີ້ ກອງປະຊຸມເຫັນດີເປັນເອກະພາບກັນເອົາເຂດທ່ອງທ່ຽວສີຂຽວ ມີ 1 ນະຄອນ ແລະ 3 ຕົວເມືອງຄື: ເມືອງ ຈອມເພັດ, ປາກອູ ແລະເມືອງງອຍ.
ສໍາລັບເປົ້າໝາຍຂອງການທ່ອງທ່ຽວ ຫຼວງພະບາງແມ່ນໄດ້ຕົກລົງເຫັນດີຂອງ ຄະນະນໍາຂັ້ນສູນກາງກ່ໍຄືຂອງແຂວງ ຫຼວງພະບາງແມ່ນໄດ້ແບ່ງອອກເປັນ 3 ໄລຍະຄືເລີ່ມວັນທີ 1 ມັງກອນ 2022 ກໍານົດເປັນ 90 ວັນ (3 ເດືອນ ) ແລະ ໄລຍະທີ 2 ແລະ 3 ກໍ່ຄືກັນ, ສ່ວນການ ທ່ອງທ່ຽວທີ່ເມືອງຈອມເພັດແມ່ນໄດ້ກໍານົດໃຫ້ທ່ອງທ່ຽວແຫຼ່ງສໍາຄັນຂອງເມືອງ, ເມືອງປາກອູຈະໃຫ້ໄປທ່ຽວຊົມຢູ່ບ້ານ ຊ່າງໄຫ, ບ້ານປາກອູ ແລະບໍລິເວນຖໍ້າຕິ່ງ ແລະເມືອງງອຍເຊິ່ງເປັນເມືອງທ່ອງ ທ່ຽວອັນດັບສອງທັດຈາກເມືອງຫຼວງ ພະບາງ ຈຶ່ງໄດ້ຈັດໃຫ້ມີລາຍການທ່ອງ ທ່ຽວຢູ່ບັນດາຖໍ້າຕ່າງໆ ແລະລອງເຮືອ ກັບສາຍນໍ້າອູ, ຊົມວິວຢູ່ບ້ານໜອງຂຽວ ແລະບ້ານສົບຮຸນ ແລະເງືອນໄຂຂອງ ນັກທ່ອງທ່ຽວທີ່ຈະມາທ່ຽວຢູ່ແຂວງ ຫຼວງພະບາງແມ່ນໃຫ້ປະຕິບັດຕາມຂໍ້ກໍານົດທີ່ທາງຄະນະສະເພາະກິດຂັ້ນສູນກາງໄດ້ວາງອອກ.
ສ່ວນເງື່ອນໄຂຂອງຜູ້ປະກອບການທີ່ຈະໃຫ້ບໍລິການກຸ່ມນັກທ່ອງທ່ຽວຈາກ 17 ປະເທດຈະເຂົ້າມາທ່ອງທ່ຽວຢູ່ພາຍໃນ ແຂວງຫຼວງພະບາງ ກ່ໍໃຫ້ປະຕິບັດຕາມ ເງື່ອນໄຂຂອງຄະນະສະເພາະກິດຂັ້ນສູນກາງເຊັ່ນດຽວກັນ ແລະປະເດັນສໍາຄັນ ກໍ່ຄືຜູ້ໃຫ້ບໍລິການນັບທັງຜູ້ບໍລິການທີ່ພັກແຮມ, ຜູ້ບໍລິການຂົນສົ່ງ, ຜູ້ນໍາທ່ຽວລວມເຖິງຜູ້ໃຫ້ບໍລິການຢູ່ແຫຼ່ງທ່ອງທ່ຽວແມ່ນຕ້ອງໄດ້ສັກວັກແຊງຄົບໂດສ ແລະໃຫ້ກວມເອົາ 95% ຂຶ້ນໄປຈຶ່ງສາມາດອະນຸຍາດ ໃຫ້ບໍລິການໄດ້, ພ້ອມນີ້ກໍ່ໄດ້ຊຸກຍູ້ບັນດາ ຫົວໜ່ວຍທຸລະກິດບໍລິການຕ່າງໆໃຫ້ໄດ້ມາດຕະຖານລາວເສບ ຊຶ່ງເປັນໂຄງການ ໜຶ່ງທີ່ສະໜັບສະໜູນໂດຍໂຄງການລຸກ ຊໍາບວກທີ່ຈັດຕັ້ງປະຕິບັດຢູ່ທົ່ວປະເທດ ຂອງລາວໂດຍສະເພາະກ່ໍແມ່ນຊຸກຍູ້ໃຫ້ ຜູ້ປະກອບການທຸລະກິດທ່ອງທ່ຽວໃຫ້ ໄດ້ 5 ມາດຕະຖານ ຕ້ອງໄດ້ເຂົ້າຮ່ວມຂະບວນການ ເພື່ອຝຶກອົບຮົມຢັ້ງຢືນມາດຕະຖານລາວເສບໃນການຕ້ອນຮັບຕ້ອງມີ ຄວາມປອດໄພໃຫ້ຜູ້ທີ່ມາໃຊ້ບໍລິການ.
ໂອກາດນີ້ທ່ານຍັງໄດ້ຮຽກຮ້ອງໃຫ້ ສັງຄົມກໍ່ຄືຜູ້ປະກອບການທຸລະກິດເປັນ ຕົ້ນແມ່ນຄະນະບໍລິຫານງານສະມາຄົມ ໂຮງແຮມ, ເຮືອນພັກ, ຮ້ານອາຫານ, ຮ້ານນວດ, ຮ້ານສະປາ, ຮ້ານບັນເທີງ ແລະຄາລະໂອເກະລວມໄປເຖິງສະມາຄົມ ບໍລິສັດທ່ອງທ່ຽວ, ກຸ່ມຜູ້ນໍາທ່ຽວຈົ່ງຊ່ວຍ ກັນເປັນເຈົ້າການ ເພື່ອຊຸກຍູ້ການຈັດຕັ້ງ ປະຕິບັດ 5 ມາດຕະຖານ ຂອງລາວເສບ ທີ່ໄດ້ຕັ້ງເປົ້າໝາຍໄວ້ວ່າທຸລະກິດທີ່ບໍລິ ການຢູ່ພາຍໃນແຂວງຫຼວງພະບາງຕ້ອງ ໄດ້ຮັບການຢັ້ງຢືນທີ່ມາດຕະຖານການ ທ່ອງທ່ຽວທີ່ປອດໄພ, ໃຫ້ສົມກັບວ່າການ ທ່ອງທ່ຽວສີຂຽວທີ່ທາງລັດຖະບານໄດ້ ກໍານົດໄວ້, ສ່ວນພາກສ່ວນທີ່ປິ່ນອ້ອມການ ທ່ອງທ່ຽວກ່ໍໃຫ້ເປັນເຈົ້າການນໍາກັນໃນ ການກະກຽມຕ້ອນຮັບນັກທ່ອງທ່ຽວໄປ ຕຽງຄູ່ກັບການປະຕິບັດມາດຕະການທີ່ ທາງຄະນະສະເພາະກິດປ້ອງກັນ ແລະຄວບຄຸມແກ້ໄຂການລະບາດພະຍາດໂຄວິດ-19 ຂັ້ນແຂວງໄດ້ວາງອອກໃນແຕ່ ລະໄລຍະໃຫ້ເຂັ້ມງວດ.

ຂ່າວ: ສສວ

แชร์