ກຽມເບີກຈ່າຍເງຶນເດືອນທະຫານ, ຈຳຫຼວດຜ່ານທະນາຄານ

ວັນທີ 23 ທັນວາ 2021 ທີ່ກະ ຊວງການເງິນ, ໄດ້ຈັດກອງປະຊຸມປຶກສາ ຫາລືຄົ້ນຄວ້າກ່ຽວກັບການເບີກຈ່າຍ ເງິນເດືອນ, ເງິນອຸດໜູນ ແລະເງິນນະໂຍ ບາຍຕ່າງໆໃຫ້ແກ່ພະນັກງານທະຫານ, ຕຳຫຼວດຜ່ານລະບົບ ATM ຂອງທະນາຄານພັດທະນາລາວ, ໂດຍການເຂົ້າ ຮ່ວມເປັນປະທານຂອງທ່ານ ພູທະນູເພັດ ໄຊສົມບັດ ຮອງລັດຖະມົນຕີກະຊວງການງິນ, ມີຜູ້ຕາງໜ້າຈາກກະຊວງ ປ້ອງ ກັນຄວາມສະຫງົບ, ກະຊວງປ້ອງກັນປະເທດ, ທະນາຄານພັດທະນາລາວ, ກົມງົບປະມານແຫ່ງ ລັດ, ຄັງເງິນແຫ່ງຊາດ, ພ້ອມດ້ວຍພາກ ສ່ວນທີກ່ຽວຂ້ອງເຂົ້້າຮ່ວມ.
ກອງປະຊຸມໃນຄັ້ງນີ້, ໄດ້ຮັບຟັງການ ນໍາສະເໜີຄວາມພ້ອມຂອງທະນາຄານ ພັດທະນາລາວ ແລະປຶກສາຫາລືຂໍ້ສະດວກ, ຂໍ້ຫຍຸ້ງຍາກ ແລະຄວາມເປັນໄປໄດ້ໃນການເບີກຈ່າຍເງິນເດືອນ, ເງິນອຸດ ໜູນ ແລະເງິນນະໂຍບາຍຕ່າງໆໃຫ້ແກ່ ພະນັກງານ, ທະຫານ, ຕໍາຫຼວດຜ່ານລະບົບ ATM, ພ້ອມດຽວກັນນີ້, ຍັງໄດ້ສະ ເໜີຄວາມ ພ້ອມຂອງທະນາຄານພັດທະ ນາລາວໃນການໃຫ້ບໍລິການ, ຮູບແບບ ແລະນະໂຍບາຍຕ່າງໆໃຫ້ແກ່ພະນັກງານ-ລັດຖະກອນບັນດາກະຊວງຕ່າງໆ ແລະໃນກອງປະຊຸມຕາງໜ້າກະຊວງ ປ້ອງກັນປະເທດ, ຕາງໜ້າກະຊວງປ້ອງ ກັນຄວາມສະຫງົບ, ບັນດາທ່ານທີ່ເຂົ້າ ຮ່ວມ ໄດ້ຄົ້ນຄວ້າປະກອບຄຳຄິດເຫັນຢ່າງ ກົງໄປກົງມາເພື່ອໃຫ້ຄວາມສະດວກສະ ບາຍຂື້ນກ່ອນເກົ່າ.
ໂອກາດນີ້, ທ່ານ ພູທະນູເພັດ ໄຊສົມ ບັດ ໄດ້ສະແດງຄວາມຂອບໃຈຕໍ່ກັບການ ປະກອບຄໍາເຫັນຂອງບັນດາທ່ານໂດຍໃສ່ເງື່ອນໄຂປັດຈຸບັນ, ກົມງົບປະມານ, ຄັງເງິນແຫ່ງຊາດປະສານສົມທົບສືບຕໍ່ ການຫັນເປັນທັນສະໄໝການເບີກຈ່າຍ ເງິນເດືອນ, ເງິນອຸດໜູນຕາມແຜນຍຸດທະ ສານປະຕິຮູບຂອງຂະແໜງການເງິນ, ສະເໜີການເບີກຈ່າຍເງິນເດືອນເອົາພະນັກງານທີ່ປະຈໍາການຄົງທີນັບແຕ່ 1-2 ປີຂຶ້ນໄປ ແລະຍັງສະເໜີເອົາກົມກອງທີ່ບໍ່ໄດ້ເຄື່ອນຍ້າຍທີ່ປະຈໍາການປົກກະຕິ ບັນດາກົມອອມຂ້າງກະຊວງ.
ສຳລັບກະຊວງປ້ອງກັນຄວາມສະຫງົບ ສະເໜີທົດລອງຢູ່ 3 ພາກສ່ວນ ຄື: 2 ວິທະຍາຄານ ແລະ 1 ໂຮງໜໍ, ສ່ວນກະຊ່ວງປ້ອງກັນປະເທດຍັງຈະສືບຕໍ່ຂໍທິດຊີ້ນໍາ-ນໍາຄະນະນຳກະຊວງ ປ້ອງກັນປະເທດກ່ອນ. ພ້ອມນັ້ນຍັງໄດ້ສະເໜີກະຊວງປ້ອງກັນຄວາມສະຫງົບຄົ້ນຄວ້າເອົາພະນັກງານກົມກອງອ້ອມ ຂ້າງຕື່ມອີກ, ໂດຍສະ ເພາະພະນັກງານບໍານານໃນໄລຍະຜ່ານມາການເບີກຈ່າຍເງິນເດືອນທີ່ຜ່ານມາພົບຄວາມຫຍຸ້ງຍາກ ແລະ ບັນຫາອື່ນໆ.

แชร์