ປກສ ນວ ແຈ້ງເຂັ້ມງວດທຸກບຸນປະເພນີ

ຂ່າວ: ບຸນນິກ ມະນີ

ເພື່ອຮັບປະກັນຄວາມປອດໄພມີຄວາມເປັນລະບຽບຮຽບຮຽບຮ້ອຍໃນສັງຄົມ ແລະການຈັດຕັ້ງປະຕິບັດແຈ້ງການຄຳສັ່ງກ່ຽວກັບການປ້ອງກັນການແຜ່ລະບາດຂອງພະຍາດໂຄວິດ-19 ທີ່ລັດຖະບານວາງອອກໃນຂອບເຂດຄວາມຮັບຜິດຊອບຂອງຕົ້ນໃຫ້ເຂັ້ມງວດງານສຳຄັນຕ່າງໆຂອງພັກຂອງຊາດງານບຸນນໍເປເຈົາ, ບຸນກະກະເລີ່, ປີໃໝ່ສາກົນ, ປີໃໝ່ຈີນ-ຫວຽດນາມ ແລະງານສຳຄັນຕ່າງໆ.

ກອງບັນຊາການປ້ອງກັນຄວາມສະຫງົບນະຄອນຫຼວງວຽງຈັນ ຈຶ່ງແຈ້ງການເລກທີ 693/ ປກສ ນວ ລົງວັນທີ 21 ທັນວາ 2021 ໂດຍໃຫ້ແຕ່ລະຄົນແຕ່ລະ ຄອບຄົວແຕ່ລະບ້ານສຳນັກງານອົງການອົງກອນ, ໂຮງຈັກ, ໂຮງງານ, ໂຮງຮຽນ, ໂຮງໝໍ, ກົມກອງທະຫານ, ກົມກອງຕຳຫຼວດ, ການຈັດຕັ້ງສາກົນ ແລະການຈັດຕັ້ງຄົມມະນາຄົມທຸກພາກສວນຕ້ອງຍົກສູງສະຕິເຄົາລົບ ແລະປະຕິບັດທຳມະນູນກົດໝາຍບັນດາແຈ້ງການ, ຄຳສັ່ງສູນກາງ ແລະທ້ອງຖິ່ນໃນການປົກປ້ອງການແຜ່ລະບາດພະຍາດໂຄວິດ.

ຊຶ່ງບັນດາຂໍ້ຫ້າມການຈັດກິດຈະກຳຕ່າງໆຫ້າມລະເມີດມາດຕະການ ແລະຜ່ອນຜັນຕາມກຳນົດແຈ້ງການຄຳສັ່ງສູງກາງ ແລະທ້ອງຖິ່ນວ່າງອອກໃນການປ້ອງກັນລະບາດພະຍາດໂຄວິດ, ຫ້າມນຳເຂົ້າຊື້ຂາຍຄອບຄອງວັດຖຸທີ່ກໍ່ໃຫ້ເກີດສຽງແຕກດັງທຸກຊະນິດບໍ່ໃຫ້ຈູດໝາກກະໂພກ, ບັ້ງໄຟດອກ, ໂຄມໄຟລອຍຟ້າທຸກປະເພດທີ່ເປັນທາດລະເບີດ, ເຄມີ, ວັດຖຸທີ່ອອກລິດຕໍ່ສຸຂະພາບຈິດ ແລະຮ່າງກາຍທີ່ຈະກໍ່ເກີດໃຫ້ຄວາມບໍ່ສະຫງົບເປັນລະບຽບຕໍ່ສັງຄົມ.

ຫ້າມບໍ່ໃຫ້ບັນດາຮ້ານກິນດື່ມ, ຮ້ານບັນເທີງ ແລະສະຖານທີ່ອື່ນໆທີ່ມີການເຕົ້າໂຮມຄົນຈຳນວນຫຼາຍເພື່ອສະຫຼອງວັນຄິດສະມາດ ວັນທີ 25 ທັນວາ 2021 ແລະງານສົ່ງທ້າຍປີເກົ່າຕ້ອນຮັບປີໃໝ່ສາກົນວັນທີ 31 ທັນວາ 2021 ວັນທີ 1 ມັງກອນ 2022 ລະເມີດຕາມມາດຕະການຫ້າມ ແລະຜ່ອນຜັນຂອງແຈ້ງການຂອງຄະນະສະເພາະກິດນະຄອນຫຼວງ.

ມາດຕະການຜູ້ທີ່ລະເມີດທຸກການກະທຳທີ່ລະເມີດຕໍ່ຂໍ້ຫ້າມແຈ້ງການສະບັບນີ້ດ້ວຍຮູບການເຈດຕະນາ ແລະບໍ່ເຈດຕະນາລ້ວນແຕ່ຈະຖືກສຶກສາອົບຮົມ, ກ່າວເຕືອນປັບໃໝຕາມມາດຕະການລະເມີດ ຫຼືອາດຈະດຳເນີນຄະດີຕໍ່ຜູ້ກະທຳຜິດສ່ວນຜູ້ນຳເຂົ້າຂົນສົ່ງຊື້ຂາຍການມີຄອບຄອງໝາກກະໂພກ, ບັ້ງໄຟດອກທຸກປະ ເພດຈູດໝາກກະໂພກ, ບັ້ງໄຟດອກ, ຈູບໂຄມໄຟທຸກຊະນິດຫາກເຈົ້າໜ້າທີ່ພົບເຫັນແມ່ນຈະໄດ້ທຳລາຍຖິ້ມ ແລະພ້ອມເອົາຜູ້ກ່ຽວມາດຳເນີນຄະດີຕາມລະບຽບກົດໝາຍນອກຈາກນີ້ຫ້າມຕໍ່ຜູ້ລະເມີດດ້ວຍການດື່ມສິ່ງມື່ນເມົາຂັບຂີ່ພາຫະນະຈົນຜູ້ກ່ຽວຮູ້ການດີຂຶ້ນ.

แชร์