2021 ຄົນລາວ 704 ຄົນເສຍຊີວິດຍ້ອນອຸປະຕິເຫດ

ບັນຫາອຸປະຕິເຫດຍັງກາຍເປັນ ໄພຄຸກຄາມຊີວິດ ແລະຊັບສິນຂອງປະ ຊາຊົນລາວບັນດາເຜົ່າ ຊຶ່ງຜ່ານມາ ສ່ວນຫຼາຍແມ່ນເກີດຈາກດື່ມສີ່ງມື່ນເມົາ ແລ້ວຂັບຂີ່, ຂັບຂີ່ປະມາດບໍ່ເຄົາລົບກົດ ຈາລະຈອນ ແລະຕົ້ນເຫດອື່ນໆ ໂດຍເຈົ້າ ໜ້າທີ່ເປີດເຜີຍຕົວເລກຄະດີອຸປະຕິເຫດ ທົ່ວປະເທດໃນປີ 2021 ເກີດຂຶ້ນທັງໝົດ 4.808 ຄັ້ງ, ພາຫະນະເປ່ເພ 8,577 ຄັນ, ຄົນໄດ້ຮັບບາດເຈັບ 7.334 ຄົນ, ເສຍ ຊີວິດ 704 ຄົນ.
ຕາມຂໍ້ມູນການລາຍງານຂອງທ່ານ ພົຈວ ຈັນສະແຫວງ ທິບຄູນທອງ ຮອງ ຫົວໜ້າຫ້ອງວ່າການກະຊວງ ປກສ ຕໍ່ ກອງປະຊຸມສະຫຼຸບການຈັດຕັ້ງປະຕິບັດ ວຽກງານປະຈຳປີ 2021 ແລະວາງທິດ ທາງແຜນການປີ 2022 ຂອງກະຊວງ ປກສ ໄດ້ຈັດຂຶ້ນຢູ່ທີ່ຫ້ອງປະຊຸມສະໂມ ສອນກະຊວງ (ສະໜາມມ້າ) ໃນວັນທີ 16 ທັນວາ 2021 ຜ່ານມາຮູ້ວ່າ: ໃນ 1 ປີຜ່ານມາເປັນຕົ້ນ: ວຽກງານການຮັກສາຄວາມເປັນລະບຽບຮຽບຮ້ອຍໃນສັງຄົມ ໃນທົ່ວປະເທດມີຄະດີອາຍາເກີດຂຶ້ນ ທັງໝົດ: 6.554 ຄັ້ງ (ບໍ່ນັບອຸປະຕິເຫດ ແລະອັກຄີໄພ) ມ້າງໄດ້ 5.066 ຄັ້ງ, ກັກຕົວຜູ້ຖືກຫາ 7.666 ຄົນ ຍິງ 949 ຄົນ, ຄົນຕ່າງປະເທດ 133 ຄົນ ຍິງ 4 ຄົນ (ທຽບໃສ່ປີຜ່ານມາ ເພີ່ມຂຶ້ນ 345 ຄັ້ງ ເທົ່າ ກັບ 5,55%).
ຄະດີອາຍາທົ່ວໄປ 2.541 ຄັ້ງ, ມ້າງໄດ້ 1.639 ຄັ້ງ, ຄະດີຄ້າມະນຸດ 33 ຄັ້ງ, ມ້າງໄດ້ 20 ຄັ້ງ; ເດັ່ນກວ່າໝູ່ແມ່ນ ບັນຫາຢາເສບຕິດ ມີ 3.407 ຄະດີ, ຄະ ດີເສດຖະກິດ 351 ຄະດີ ແລະລັກຊັບພົນ ລະເມືອງ 1.409 ຄະດີ, ຄະດີອຸປະຕິເຫດ ທົ່ວປະເທດເກີດຂຶ້ນທັງໝົດ: 4.808 ຄັ້ງ, ພາຫະນະເປ່ເພ 8,577 ຄັນ, ຄົນ ໄດ້ຮັບບາດເຈັບ 7.334 ຄົນ, ເສຍຊີວິດ 704 ຄົນ; (ທຽບໃສ່ປີ 2020 ອຸປະຕິ ເຫດຫຼຸດລົງ 591 ຄັ້ງ, ເສຍຊີວິດຫຼຸດລົງ 120 ຄົນ) ສະເພາະນະຄອນຫຼວງວຽງ ຈັນອຸປະຕິເຫດເກີດຂຶ້ນ ທັງໝົດ 765 ຄັ້ງ, ທຽບໃສ່ປີ 2020 ຫຼຸດລົງ 148 ຄັ້ງ, ຄົນ ເສຍຊີວິດຫຼຸດລົງ 10 ຄົນ).

แชร์