ຫຼວງພະບາງເລັ່ງສັກວັກແຊງເຂັມ 3

ແຂວງຫຼວງພະບາງ ເປີດສັກ ວັກແຊງເຂັມທີ 3 ດ້ວຍ AstraZeneca ເປັນເຂັມກະຕູ້ນແຕ່ຜູ້ທີ່ຈະສັກຕ້ອງໄດ້ຮັບວັກແຊງຄົບໂດສ 5 ເດືອນຂຶ້ນໄປຈຶ່ງສາມາດສັກໄດ້ແນໃສ່ເພື່ອເຮັດໃຫ້ຜູ້ຕິດພະຍາດໂຄວິດເກີດອາການຮູນແຮງໜ້ອຍລົງ (ລົງປອດ) ແລະອັດຕາການເສຍຊີວິດຕໍ່າກວ່າຜູ້ທີ່ບໍ່ໄດ້ຮັບວັກແຊງ.
ທ່ານ ດຣ ຄຳສອນ ພົງສະຫວັດ ຫົວໜ້າພະແນກສາທາລະນະສຸກ, ຮອງຫົວໜ້າຄະນະສະເພາະກິດຄວບຄຸມໂຄວິດ-19 ແຂວງຫຼວງພະບາງ ໄດ້ໃຫ້ສໍາພາດຕໍ່ທິມຂ່າວພວກເຮົາໃນວັນທີ 15 ທັນວາ 2021 ນີ້ ໃຫ້ຮູ້ວ່າ: ລັດຖະບານພວມກະກຽມເປີດປະເທດຮັບນັກທ່ອງທ່ຽວ, ໂດຍຈະເລີ່ມເປັນຂັ້ນໆ ໄປດັ່ງນັ້ນພວກເຮົາກໍ່ຕ້ອງໄດ້ກຽມຄວາມພ້ອມຫຼາຍຢ່າງເພາະວ່າພະຍາດໂຄວິດ-19 ຍັງຈະສຶບຕໍ່ລະບາດເປັນວົງກ້ວາງ ແລະຈະຢູ່ນຳພວກເຮົາຕະຫຼອດໄປ, ບໍ່ມີປະເທດໃດຈະສາມາດເຮັດໃຫ້ພະຍາດໂຄວິດເທົ່າກັບສູນ (0), ຕາມການ ຢັ້ງຢືນຈາກອົງການອານໄມໂລກເຫັນວ່າການສັກວັກແຊງກັນພະຍາດໂຄວິດ-19 ຄົບໂດສ ແມ່ນເຮັດໃຫ້ຜູ້ຕິດພະຍາດໂຄວິດເກີດອາການຮູນແຮງໜ້ອຍລົງ (ລົງປອດ) ແລະອັດຕາການເສຍຊີວິດຕໍ່າກວ່າຜູ້ທີ່ບໍ່ໄດ້ຮັບວັກແຊງ, ດັ່ງນັ້ນການໃຫ້ວັກແຊງແມ່ນມີຄວາມຈຳເປັນໃນສະພາບທີ່ມີການລະບາດຂອງພະຍາດ ໂຄວິດ-19.
ມາຮອດປະຈຸບັນການສັກວັກຊິນຢູ່ ແຂວງຫຼວງພະບາງ ເຂັມທີ່ 1 ສັກໄດ້ 288,35 ແສນຄົນ, ທຽບໃສ່ປະຊາກອນ ທົ່ວແຂວງກວມ 61,2%, ທຽບໃສ່ 17 ປີຂຶ້ນໄປໄດ້ 97%, ເຂັມທີ່ 2 ສັກໄດ້ 225,418 ຄົນ, ທຽບໃສ່ປະຊາກອນໃນ ທົ່ວແຂວງກວາມ 47,9% ທຽບໃສ່ 17 ປີຂຶ້ນໄປໄດ້ 79%. ສ່ວນການສັກວັກແຊງກະຕຸ້ນເຂັມ 3 ນີ້ ຫຼື (Booster dose) ແມ່ນຈະເລີ່ມເລັ່ງໃສ່ກຸ່ມພະນັກ ງານແພດໝໍ, ພະນັກງານເຮັດວຽກປ້ອມ ດ້ານໜ້າ, ທະຫານຕໍ່າຫຼວດ, ຄູ-ອາຈານ, ພະນັກງານທົ່ວໄປ, ພະນັກງານບໍລິການ ຕ່າງໆ, ບ້ານພັກໂຮງແຮມ, ຮ້ານອາ ຫານ, ຜູ້ນຳທ່ຽວ ແລະກຸ່ມປະຊາກອນທີ່ ມີອາຍຸ 18 ປີ ຂຶ້ນໄປ, ສ່ວນວັກແຊງທີ່ຈະ ສັກແມ່ນ AstraZeneca ເປັນເຂັມກະຕູ້ນ, ແຕ່ຜູ້ທີ່ຈະສັກຕ້ອງໄດ້ຮັບວັກແຊງ ຄົບໂດສ 5 ເດືອນຂຶ້ນໄປ ຈຶ່ງສາມາດ ສັກໄດ້ ຊຶ່ງໄດ້ກຳນົດໄວ້ມີ 4 ຈຸດຄື: 1) ຈຸດສັກຢາວັກແຊງໂຮງໝໍແຂວງ ແມ່ນ ສຳລັບແພດໝໍ, ຜູ້ທີ່ເປັນພະຍາດຊ້ຳເຮື້ອ. 2) ຈຸດໂຮງໝໍ 107 ແມ່ນສັກໃຫ້ກຸ່ມເປົ້າ ໝາຍເຈົ້າໜ້າທີ່ ປກສ, ປກຊ. 3) ຈຸດຂະ ແໜງອານາໄມ-ສົ່ງເສີມສຸຂະພາບແມ່ນ ສັກໃຫ້ພະນັກງານພະແນກການ, ພະນັກ ງານລັດວິສະຫະກິດ, ນັກທຸລະກິດ, ພະນັກງານນຳທ່ຽວ, ພະນັກງານທະນາຄານ, ພະນັກງານໂຮງແຮມ, ຮ້ານອາຫານ ແລະ 4) ຈຸດເດີ່ນພອນລາສີ ແມ່ນ ສັກໃຫ້ສໍາຫຼັບພະນັກງານລັດແຕ່ລະຫ້ອງ ການໃນນະຄອນຫຼວງ, ນັກທຸລະກິດ, ພະນັກງານນຳທ່ຽວ, ພະນັກງານທະນາ ຄານ, ພະນັກງານໂຮງແຮມ, ຮ້ານອາ ຫານ, ໃນນະຄອນຫຼວງພະບາງ ຊຶ່ງຈະເລີ່ມວັນທີ 16 ທັນວາ 2021 ເປັນຕົ້ນໄປ.
ສ່ວນບັນດາ 11 ເມືອງ ແລະນະຄອນຫຼວງພະບາງ ແມ່ນໃຫ້ລົງສັກແຕ່ລະບ້ານ ແລະໃຫ້ກໍານົດ 1 ຈຸດສໍາຫຼັບຈຸດຄົງທີ່ຂອງຕົນເພື່ອດຳເນີນການສັກວັກແຊງປ້ອງກັນໂຄວິດ-19 ແບບປົກກະຕິ, ລວມທັງສັກເຂັມ 3 ກະຕູ້ນ (Booster dose). ໂອກາດນີ້ທ່ານຍັງໄດ້ເຊີນຊວນໃຫ້ພໍ່ແມ່ປະຊາຊົນ, ຊາວຕ່າງດ້າວທີ່ດຳລົງຊີວິດຢູ່ແຂວງຫຼວງພະບາງ ໃຫ້ມາສັກວັກແຊງຕາມສະຖານທີ່ໄດ້ທີ່ກຳນົດໄວ້ຢ່າງຖືກເປົ້າໝາຍ, ລວມເຖິງການປະຕິບັດມາດຕະການປ້ອງກັນຢ່າງເຂັ້ມງວດ, ຕ້ອງລົງທະບຽນກ່ອນ, ມາຕາມການນັດຂອງເຈົ້າໜ້າທີ່ຢ່າງເຂັ້ມງວດ,

ຂ່າວ: ສີສຸວັນ

แชร์