ເກີດແຜ່ນດິນໄຫວ 2 ຄັ້ງ ແຮງສຸດແທກໄດ້ 5,8 ຣິກເຕີ ຈຸດສູນກາງຢູ່ເມືອງໄຊສະຖານ ແຂວງໄຊຍະບູລີ

ກົມອຸຕຸນິຍົມ ແລະອຸທົກກະສາດລາຍງານສະພາບການເກີດແຜ່ນດິນໄຫວໃນຄັ້ງວັນທີ 20 ທັນວາ 2021 ເວລາ 04:06 ຫາ 04:12 ໂມງ.

ລາຍງານການເກີດແຜ່ນດິນໄຫວຈາກສູນຂໍ້ມູນຂ່າວສານແຜ່ນດິນໄຫວແຫ່ງຊາດລາວໃນຂອບເຂດທົ່ວປະເທດໄດ້ພົບສັນຍານການເກີດແຜ່ນດິນໄຫວພາຍໃນປະເທດລາວ ຈໍານວນ 2 ຄັ້ງ, ໃນບໍລິເວນເຂດ ແຂວງໄຊຍະບູລີ ລາຍລະອຽດຂອງການເກີດແຜ່ນດິນໄຫວມີຄືດັ່ງລຸ່ມນີ້:

ໃນເວລາ 04:06:13 ຂອງໂມງທ້ອງຖິ່ນໄດ້ພົບສັນຍານແຜ່ນດິນໄຫວຈຸດສູນກາງເສັ້ນຂະຫນານທີ 19.445°N ແລະເສັ້ນແວງທີ່ 101.366°E ຄວາມແຮງສັ່ນສະເທືອນວັດແທກໄດ້ 5,8 ຣິກເຕີ, ມີຄວາມເລີກຈາກຫນ້າດິນ 10 ກິໂລແມັດ ເຊິ່ງຈຸດເກີດແຜ່ນດິນໄຫວຢູ່ທີ່ບໍລິເວນບ້ານຫ້ວຍສະຫຼອດ, ເມືອງໄຊສະຖານ, ແຂວງໄຊຍະບູລີ ເຊີ່ງຈຸດເກີດແຜ່ນດິນໄຫວແມ່ນໄກຈາກຕົວເມືອງໄຊສະຖານ ປະມານ 4 ກິໂລແມັດ.

ໃນເວລາ 04:02:41 ຂອງໂມງທ້ອງຖິ່ນໄດ້ພົບສັນຍານແຜ່ນດິນໄຫວຈຸດສູນກາງເສັ້ນຂະຫນານທີ່ 19.461°N ແລະເສັ້ນແວງທີ່ 101.282°E ຄວາມແຮງສັ່ນສະເທືອນວັດແທກໄດ້ 3,5 ຣິກເຕີ, ມີຄວາມເລີກຈາກຫນ້າດິນ 10 ກິໂລແມັດ ເຊິ່ງຈຸດເກີດແຜ່ນດິນໄຫວຢູ່ທີ່ບໍລິເວນ ບ້ານສະລາ ເມືອງໄຊສະຖານ ແຂວງໄຊຍະບູລີ. ເຊີ່ງຈຸດເກີດແຜ່ນດິນໄຫວແມ່ນໄກຈາກຕົວເມືອງໄຊສະຖານ ປະມານ 9 ກິໂລແມັດ.

#ຫມາຍເຫດເຫດການແຜ່ນດິນໄຫວໃນເບື້ອງຕົ້ນຍັງບໍ່ມີລາຍງານຜົນເສຍຫາຍ.

แชร์