ຖວທ ອຸດົມໄຊ ຊຸກຍູ້ວຽກການບໍລິການ ຢູ່ເມືອງປາກແບງ

  ðເມື່ອອາທິດຜ່ານມາທ່ານ ພອນສະຫວັນ ພັນທະວິຈິດຫົວໜ້າພະແນກ ຖວທ ແຂວງອຸດົມໄຊໄດ້ລົງເຄື່ອນໄຫວຕິດຕາມ, ຊຸກຍູ້ບັນດານັກ ທຸລະກິດ, ຜູ້ປະກອບການດ້ານໂຮງ ແຮມ, ເຮືອນພັກ ແລະຮ້ານອາຫານ ຢູ່ເມືອງປາກແບງ  ແຂວງອຸດົມໄຊ.

    ການລົງເຄື່ອນໄຫວໃນຄັ້ງນີ້ ກໍ ເພື່ອເປັນການປັບປຸງ, ແກ້ໄຂ ແລະ ຍົກລະດັບຂອດການບໍລິການຂອງ ບັນດານັກທຸລະກິດ,  ຜູ້ປະກອບການ ຣີສອດ, ໂຮງແຮມ, ເຮືອນພັກ ແລະ ຮ້ານອາຫານໃຫ້ມີຄຸນນະພາບ, ໄດ້ ມາດຕະຖານລະດັບອາຊຽນ ແລະ ເປັນເອກະພາບການກັນໃນການຈັດ ຕັ້ງປະຕິບັດແນ່ໃສ່ໃນການດຶງດູດນັກ ທ່ອງທ່ຽວໃຫ້ເຂົ້າມາທ່ອງທ່ຽວ ແລະພັກແຮມຢູ່ເມືອງປາກແບງນັບມືື້ນັບຫຼາຍຂຶ້ນເພື່ອສ້າງລາຍ ຮັບໃຫ້ແກ່ປະຊາຊົນ ໂດຍສະເພາະ ແມ່ນຜູ້ປະກອບການດ້ານການບໍລິ ການ. ນອກນັ້ນ ຍັງເປັນການພັດທະນາວຽກງານການທ່ອງທ່ຽວ ຂອງເມືອງກໍຄືຂອງແຂວງອຸດົມໄຊ ໃຫ້ມີປະສິດທິພາບ, ຄຸນນະພາບ ແລະຂະຫຍາຍຕົວເທື່ອລະກ້າວ.

  ທ່ານ  ພອນສະຫວັນ ພັນທະວິຈິດ ຫົວໜ້າພະແນກ ຖວທ ແຂວງໄດ້ເນັ້ນໃຫ້ພາກສ່ວນນັກທຸລະກິດ, ຜູ້ ປະກອບການດ້ານການບໍລິການເອົາໃຈໃສ່ບາງບັນຫາເປັນຕົ້ນແມ່ນດ້ານການຕະຫຼາດ, ສິ່ງອຳນວຍຄວາມສະ ດວກຂອງເຮືອນພັກ, ໂຮງແຮມ, ການກຳນົດລາຄາຫ້ອງພັກ, ຄວາມ ສະອາດ, ສະພາບແວດລ້ອມ ແລະມີຄວາມຮັບຜິດຊອບສ່ວນຂະແໜງ ການທ່ອງທ່ຽວກໍຄືເມືອງຕ້ອງເອົາ ໃຈໃສ່ໃນການຮັກສາຄວາມສະຫງົບ, ປອດໄພ, ຄຸ້ມຄອງ  ແລະແກ້ໄຂພາກສ່ວນນັກທຸລະກິດ, ຜູ້ປະກອບການ ໃຫ້ໄປຕາມລະບຽບ, ຫຼັກການ.

    ໂອກາດດັ່ງກ່າວກໍໄດ້ຮັບຟັງ ການສະເໜີຈາກພາກສ່ວນນັກທຸລະ ກິດ, ຜູ້ປະກອບການໃຫ້ພາກສ່ວນ ກ່ຽວຂ້ອງມີການປັບປຸງແກ້ໄຂບາງ              ບັນຫາທີ່ເຫັນວ່າສົ່ງຜົນກະທົບຕໍ່ກັບການດຳເນີນທຸລະກິດພ້ອມທັງປຶກສາຫາລືແລກປ່ຽນຄວາມຄິດເຫັນ ເຊິ່ງກັນ ແລະກັນເພື່ອເຮັດໃຫ້ການ ເຄື່ອນໄຫວວຽກງານການບໍລິການຢູ່ ພາຍໃນເມືອງປາກແບງ ແຂວງອຸດົມໄຊ ມີປະສິດທິພາບ ແລະໄດ້ຮັບຜົນ ປະໂຫຍດສູງສຸດ.

ໂດຍ: ຄານມະນີ

• 18/03/2019