ປີນີທົວປະເທດອັກຕີໄຟ 179 ຄັງ ເສຍຫາຍ 106 ຕືກວ່າກີບ

ອັກຄີໄພແມ່ນບັນຫາປາກົດການ ຫຍໍ້ທໍ້ໜຶ່ງທີ່ເກີດຂຶ້ນໃຫ້ເຫັນຢ່າງເປັນປະ ຈຳຢູ່ປະເທດເຮົາ ຊຶ່ງບາງເຫດກໍ່ເກີດຈາກ ຄວາມປະມາດບໍ່ລະມັດລະວັງ, ໄຟຟ້າລັດ ວົງຈອນ ແລະສາເຫດອື່ນ ຊຶ່ງແຕ່ລະຄັ້ງ ໄດ້ສ້າງຜົນເສຍຫາຍຕໍ່ຊັບສິນຂອງຄອບ ຄົວຜູ້ເຄາະຮ້າຍຢ່າງຫຼວງຫຼາຍ ໂດຍໃນປີ 2021 ເຈົ້າໜ້າທີ່ເປີດເຜີຍວ່າທົ່ວປະເທດ ມີອັກຄີໄພເກີດຂຶ້ນທັງໝົດ 179 ຄັ້ງ ສ້າງ ຄວາມເສຍຫາຍເຖິງ 106 ຕື້ກວ່າກີບ.
ກອງປະຊຸມສະຫຼຸບການຈັດຕັ້ງປະຕິ ບັດວຽກງານປະຈຳປີ 2021 ແລະວາງ ທິດທາງແຜນການປີ 2022 ຂອງກະ ຊວງ ປກສ ໄດ້ຈັດຂຶ້ນຢູ່ທີ່ຫ້ອງປະຊຸມ ສະໂມສອນກະຊວງ (ສະໜາມມ້າ) ໃນ ວັນທີ 16 ທັນວາ 2021 ພົຈວ ຈັນສະ ແຫວງ ທິບຄູນທອງ ຮອງຫົວໜ້າຫ້ອງ ວ່າການກະຊວງ ປກສ ໄດ້ຂຶ້ນຜ່ານບົດ ສະຫຼຸບການຈັດຕັ້ງປະຕິບັດວຽກງານປະ ຈຳປີ 2021 ແລະວາງທິດທາງແຜນ ການປີ 2022 ໂດຍສະເພາະການຈັດ ຕັ້ງປະຕິບັດ 4 ຄາດໝາຍ, 4 ແຜນ ງານ, 41 ໂຄງການທີ່ກະຊວງວາງ ອອກ, ຊຶ່ງໄດ້ຍົກໃຫ້ເຫັນຫຼາຍບັນຫາທີ່ກຳລັງ ປກສ ສາມາດຍາດມາໄດ້ໃນ 1 ປີຜ່ານມາ ເປັນຕົ້ນ: ວຽກງານການຮັກສາຄວາມເປັນລະບຽບຮຽບຮ້ອຍໃນສັງ ຄົມ ໃນທົ່ວປະເທດ ມີຄະດີອາຍາເກີດ ຂຶ້ນທັງໝົດ: 6.554 ຄັ້ງ (ບໍ່ນັບອຸບັດຕິ ເຫດ ແລະອັກຄີໄພ) ມ້າງໄດ້ 5.066 ຄັ້ງ, ກັກຕົວຜູ້ຖືກຫາ 7.666 ຄົນ ຍິງ 949 ຄົນ, ຄົນຕ່າງປະເທດ 133 ຄົນ ຍິງ 4 ຄົນ (ທຽບໃສ່ປີຜ່ານມາ ເພີ່ມຂຶ້ນ 345 ຄັ້ງ ເທົ່າກັບ 5,55%),
ສຳລັບອັກຄີໄພທົ່ວປະເທດເກີດຂຶ້ນທັງ ໝົດ: 179 ຄັ້ງ, ຜົນເສຍຫາຍ: ມີຄົນເສຍຊີວິດ 12 ຄົນ, ເຮືອນ 104 ຫຼັງ, ລີສອດ 6 ຫຼັງ, ຫໍພັກລວມ 10 ຫຼັງ, ກຸດຕິວັດ 3 ຫຼັງ, ໂຮງງານ 4 ຫຼັງ, ສາງເກັບມ້ຽນເຄື່່ອງ 5 ຫຼັງ, ຮ້ານ ຂາຍເຄື່ອງ 9 ຮ້ານ, ລົດໃຫຍ່ 16 ຄັນ, ລົດຈັກ 8 ຄັນ ແລະອື່ນໆ ລວມມູນຄ່າ ເສຍຫາຍທັງໝົດປະມານ: 106,78 ຕື້ກີບ.

แชร์