ລາວເປີດປະຕູຮັບນັກທ່ອງທ່ຽວ 17 ປະເທດເຂົ້າເຂດທ່ອງທ່ຽວສີຂຽວ

ປະຈຸບັນລາວແມ່ນມີຄວາມພ້ອມ ດ້ານຕ່າງໆ ໃນການເປີດຕ້ອນຮັບນັກ ທ່ອງທ່ຽວ, ຊຶ່ງໄດ້ກຳນົດບັນດາປະເທດ ທີ່ຈະນຳນັກທ່ອງທ່ຽວເຂົ້າມາ ສປປ ລາວ ໃນເບື້ອງຕົ້ນ, ກຳນົດກິດຈະກຳການບໍລິ ການ ແລະເຂດພື້ນທີ່ເປົ້າໝາຍເຂດທ່ອງ ທ່ຽວສີຂຽວ, ກຳນົດມາດຕະຖານການບໍລິການຕ້ອນຮັບນັກທ່ອງທ່ຽວຄຽງຄູ່ກັບການປະຕິບັດມາດຕາການຄວບຄຸມ ການລະບາດຂອງພະຍາດໂຄວິດ-19 ໂດຍຕົກລົງໃຫ້ເປີດການຕ້ອນຮັບນັກ ທ່ອງທ່ຽວ ຈາກ 17 ປະເທດໃນເຂດ ທ່ອງທ່ຽວສີຂຽວໃນໄລຍະທຳອິດເລີ່ມ ແຕ່ວັນທີ 1 ມັງກອນ ຫາວັນທີ 30 ມີນາ 2022, ໄລຍະທີ 2: ເລີ່ມແຕ່ວັນທີ 1 ເມສາ ຫາວັນທີ 30 ມິຖຸນາ 2022 ແລະ ໄລຍະທີ 3:ເລີ່ມແຕ່ວັນທີ 1 ກໍລະກົດ 2022 ເປັນ ຕົ້ນໄປ.

ທ່ານ ນາງ ສວນສະຫວັນ ວິຍະເກດ ລັດຖະມົນຕີກະຊວງຖະແຫຼງຂ່າວ, ວັດ ທະນະທຳ ແລະທ່ອງທ່ຽວໄດ້ຖະແຫຼງ ຂ່າວຕໍ່ສື່ມວນຊົນ ໃນວັນທີ 17 ທັນວາ 2021 ນີ້ວ່າ: ສຳລັບຂອບເຂດ ທ່ອງທ່ຽວສີຂຽວ ໄດ້ກຳນົດອອກເປັນ 2 ປະເພດ ຄື: ເຂດທ່ອງທ່ຽວສີຂຽວ ແລະເສັ້ນທາງທ່ອງທ່ຽວສີຂຽວ ຊຶຶຶຶຶຶ່ງເຂດ ທ່ອງທ່ຽວສີຂຽວ ໃນໄລຍະທີ 1 ໄດ້ກຳ ນົດເອົານະຄອນຫຼງວຽງຈັນ; ນະຄອນ ຫຼວງພະບາງ ແລະເມືອງຕ່າງໆຂອງ ແຂວງຫຼວງພະບາງ ແລະເມືອງວັງວຽງ ແຂວງວຽງຈັນ, ສ່ວນເສັ້ນທາງທ່ອງທ່ຽວ ສີຂຽວ ແມ່ນໄດ້ກຳນົດເອົາ 5 ແຂວງຄື: ແຂວງອຸດົມໄຊ, ໄຊຍະບູລີ, ຊຽງຂວາງ, ຄຳມ່ວນ ແລະແຂວງຈຳປາສັກ. ສຳລັບ ເຂດທ່ອງທ່ຽວສີຂຽວໃນໄລຍະທີ 2 ມີ 9 ແຂວງ ຄື: ນະຄອນຫຼວງວຽງຈັນ, ແຂວງວຽງຈັນ, ຫຼວງພະບາງ, ອຸດົມ ໄຊ, ໄຊຍະບູລີ, ຊຽງຂວາງ, ຄໍາມ່ວນ, ສະຫວັນນະເຂດ ແລະແຂວງຈຳປາ ສັກ. ສຳລັບເສັ້ນທາງທ່ອງທ່ຽວສີຂຽວໃນໄລຍະ 2 ແມ່ນໄດ້ກຳນົດຢູ່ 4 ແຂວງ ຄື ເມືອງຫ້ວຍຊາຍ ແຂວງບໍ່ແກ້ວ, ແຂວງຫຼວງນ້ຳທາ, ແຂວງເຊກອງ ແລະ ແຂວງສາລະວັນ.
ສຳລັບເປົ້າໝາຍກຸ່ມນັກທ່ອງທ່ຽວ ເຂົ້າມາທ່ອງທ່ຽວເຂດທ່ອງທ່ຽວສີຂຽວ ໃນໄລຍະທີ 1 ລວມ ມີ 17 ປະເທດ ຄື: ສປ ຈີນ, ສສ ຫວຽດນາມ, ກຳປູເຈຍ, ໄທ, ມາເລເຊຍ, ສິງກະໂປ, ສ.ເກົາຫຼີ, ຍີ່ປຸ່ນ, ຝຣັ່ງ, ອັງກິດ, ເຢຍລະມັນ, ໂຮນ ລັງ, ສະເປນ, ອີຕາລີ, ອາເມລິກາ, ກາ ນາດາ ແລະອົດສະຕຣາລີ. ສ່ວນເງື່ອນ ໄຂຂອງນັກທ່ອງທ່ຽວທີ່ຈະເດີນທາງ ເຂົ້າມາທ່ອງທ່ຽວເຂດທ່ອງທ່ຽວສີຂຽວ, ຕ້ອງແມ່ນນັກທ່ອງທ່ຽວທີ່ມາເປັນໝູ່ ຄະນະ, ຜ່ານການບໍລິການຂອງບໍລິສັດ ທ່ອງທ່ຽວຕາມລາຍການທີ່ໄດ້ກຳນົດ ໃນຂອບເຂດທ່ອງທ່ຽວສີຂຽວ, ຫ້າມບໍ່ໃຫ້ນໍາເຂົ້ານັກທ່ອງທ່ຽວແບບກະແຈກກະຈາຍ ໂດຍບໍ່ຜ່ານການບໍລິການຂອງ ບໍລິສັດທ່ອງທ່ຽວ ໂດຍທີ່ບໍ່ໄດ້ຮັບອະນຸ ຍາດຈາກຄະນະສະເພາະກິດ, ຕ້ອງໄດ້ ຮັບວັກຊິນຄົບໂດສ ຫຼາຍກວ່າ 14 ວັນ ຂຶ້ນໄປ, ມີປະກັນໄພຊີວິດ, ມີຢັ້ງຢືນການ ກວດຫາເຊື້ອດ້ວຍລະບົບ RT-PCR ທີ່ມີຜົນເປັນລົບ (ບໍ່ມີເຊື້ອ) ບໍ່ເກີນ 72 ຊົ່ວໂມງ ກ່ອນວັນເດີນທາງ, ເມື່ອມາ ເຖິງ ສປປ ລາວ ຕ້ອງໄດ້ຮັບກວດຫາ ເຊື້ອໂຄວິດ-19 ຢູ່ຕາມດ່ານສາກົນ ເຂົ້າ-ອອກ ແລະຈຳກັດບໍລິເວນ 1 ວັນ ຫລື 24 ຊົ່ວໂມງ ເພື່ອລໍຖ້າຜົນກວດ, ເມື່ອຜົນກວດເປັນລົບສາມາດເດີນທາງ ທ່ອງທ່ຽວຕາມລາຍການໄດ້; ກ່ອນ ເດີນທາງມາເຖິງ ສປປ ລາວ ນັກທ່ອງ ທ່ຽວຕ້ອງດາວໂຫຼດແອບ LaoStay Safe ເພື່ອລົງທະບຽນ ແລະແຈ້ງຂໍ້ ມູນການສັກວັກແຊງຄົບໂດສ, ນັກທ່ອງ ທ່ຽວຕ້ອງຊື້ປະກັນໄພສຸຂະພາບທີ່ມີວົງ ເງິນຄ້ຳປະກັນຢ່າງຕ່ຳ 50.000 USD.
ສ່ວນການກຳນົດເປີດດ່ານສາກົນ ເຂົ້າ-ອອກ ເພື່ອຕ້ອນຮັບນັກທ່ອງທ່ຽວ ມາທ່ຽວໃນເຂດທ່ອງທ່ຽວສີຂຽວ ໃນ ໄລຍະທີ 1 ມີ 2 ດ່ານຄື: ສະໜາມບິນ ສາກົນວັດໄຕ ແລະດ່ານສາກົນຂົວມິດ ຕະພາບ 1 (ນະຄອນຫຼວງວຽງຈັນ-ໜອງຄາຍ), ໄລຍະທີ 2 ມີ 9 ດ່ານ ດັ່ງນີ້: ສະໜາມບິນວັດໄຕ, ສະໜາມ ບິນສາກົນຫຼວງພະບາງ, ດ່ານບໍ່ຫານ-ບໍ່ເຕ່ນ (ລາວ-ຈີນ), ຂົວມິດຕະພາບ I (ນະຄອນຫຼວງວຽງຈັນ-ໜອງຄາຍ), ຂົວມິດຕະພາບ (ທ່າແຂກ-ນະຄອນພະ ນົມ), ຂົວມິດຕະພາບ (ສະຫວັນນະ ເຂດ-ມຸກດາຫານ), ດ່ານຊ່ອງເມັກ (ປາກເຊ-ອຸບົນລາດຊະທານີ), ດ່ານ ລາວບາວ (ລາວ-ຫວຽດນາມ) ແລະ ດ່ານຫຼັກຊາວ (ລາວ-ຫວຽດນາມ).
ທ່ານ ນາງ ສວນສະຫວັນ ວິຍະເກດ ຍັງໃຫ້ຮູ້ອີກວ່າ: ການຈັດຕັ້ງປະຕິບັດ ແຜນເປີດຕ້ອນຮັບນັກທ່ອງທ່ຽວຈາກ ຕ່າງປະເທດໃນເຂດທ່ອງທ່ຽວສີຂຽວ ແມ່ນບໍ່ສາມາດເປີດພ້ອມກັນໄດ້ໃນທົ່ວ ປະເທດ, ຈະໄດ້ດຳເນີນໄປເປັນເທື່ອລະ ບາດກ້າວດ້ວຍຄວາມລະມັດລະວັງມີ ຄວາມຮັບຜິດຊອບສູງ ມີການຕິດຕາມ, ກວດກາ ແລະປະເມີນຜົນໃນແຕ່ລະ ໄລຍະຢ່າງຕໍ່ເນື່ອງ, ຮັບປະກັນຄວາມ ປະທັບໃຈ ແລະປອດໄພຂອງນັກທ່ອງ ທ່ຽວ ແລະຜູ້ບໍລິການ ໂດຍປະຕິບັດມາດ ຕະການຄວບຄຸມການລະບາດຂອງພະ ຍາດໂຄວິດ-19 ຢ່າງຮັດກຸມ.
ສຳລັບວຽກງານສາທາລະນະສຸກ ທ່ານ ບຸນແຜງ ພູມມະໄລສິດ ລັດຖະ ມົນຕີ ກະຊວງສາທາລະນະສຸກ ໄດ້ໃຫ້ ຮູ້ວ່າ: ເພື່ອກຽມພ້ອມໃຫ້ແກ່ການເປີດຮັບນັກທ່ອງທ່ຽວເຂົ້າມາ ສປປ ລາວ ຂະແໜງສາທາລະນະສຸກ ໄດ້ມີມາດຕະ ການທາງການແພດຮອງຮັບຢ່າງເຂັ້ມ ງວດເພື່ອປ້ອງກັນ, ຄວບຄຸມ ແລະແກ້ ໄຂການລະບາດຂອງພະຍາດໂຄວິດ- 19 ໂດຍສຸມໃສ່ສັກວັກແຊງໃຫ້ກຸ່ມເປົ້າ ໝາຍໃຫ້ໄດ້ 70% ຂຶ້ນໄປ, ສ່ວນເງື່ອນ ໄຂຜູ້ປະກອບການທີ່ຈະເຂົ້າຮ່ວມເປັນ ຕົ້ນພະນັກງານໂຮງແຮມ, ຮ້ານອາຫານ, ສະຖານທີ່ທ່ອງທ່ຽວ, ຄົນຂັບລົດນໍາທ່ຽວ ແລະພະນັກງານນຳທ່ຽວ ຈະຕ້ອງໄດ້ ສັກວັກແຊງ ໃຫ້ໄດ້ 95% ຂຶ້ນໄປ. ພ້ອມ ດຽວກັນນັ້ນ, ປະຊາຊົນຢູ່ໃນແຂວງທີ່ຈະ ຮັບນັກທ່ອງທ່ຽວໄລຍະທີ 1 ຕ້ອງໄດ້ ສັກວັກແຊງຄົບໂດສ 70% ຂຶ້ນໄປ.
ຂ່າວ: ບຸນນິກ

แชร์