ໂອໄມຄຣອນ ເຕີບໂຕໄດ້ດີໃນທາງລະບົບຫາຍໃຈ ໄວກວ່າເດລຕາ 70 ເທົ່າ

ພະຍາດໂຄວິດສາຍພັນໂອໄມຄຣອນເຕີບໂຕໄດ້ດີໃນທາງລະບົບຫາຍໃຈໄວກວ່າເດລຕາ 70 ເທົ່າ ເມື່ອທຽບໃສ່ກັບສາຍພັນເດລຕາ ແຕ່ເພີ່ມຈຳນວນຊ້າລົງ 10 ເທົ່າໃນເນື້ອເຍື້ອປອດເມື່ອທຽບໃສ່ສາຍພັນເກົ່າ.,

ຕາມຂ່າວຕ່າງປະເທດລາຍງານວ່າຜົນການຄົ້ນຄວ້າຂອງມະຫາວິທະຍາໄລ ຮົງກົງຂອງຈີນ ລະບຸວ່າ: ເຊື້ອພະຍາດໂຄວິດ-19 ສາຍພັນໃໝ່ໂອໄມຄຣອນສາມາດເພີ່ມ ຈຳນວນການເຕີບໂຕໄດ້ຢ່າງວ່ອງໄວໃນຫລອດລົມສູງເຖິງ 70 ເທົ່າ ເມື່ອທຽບໃສ່ກັບສາຍພັນເດລຕາ ແຕ່ເພີ່ມຈຳນວນຊ້າລົງ 10 ເທົ່າ ໃນເນື້ອເຍື້ອປອດເມື່ອທຽບໃສ່ສາຍພັນເກົ່າເຊິ່ງເຮັດໃຫ້ຜູ້ຕິດເຊື້ອໂຄໄມຄຣອນມີອາການຮຸນແຮງໜ້ອຍກວ່າເກົ່າພາຍຫລັງບັນດານັກຄົ້ນຄວ້າເລັ່ງຖອດລະຫັດຄວາມແຕກຕ່າງລະຫວ່າງໂຄວິດ-19 ສາຍພັນໂອໄມຄຣອນ ແລະສາຍພັນອື່ນໆ ຈະຊ່ວຍໃຫ້ເຂົ້າຂະບວນການ ແລະອັດຕາຄວາມໄວໃນການແຜ່ເຊື້ອພະຍາດຄາດການຜົນກະທົບເກີດຈາກໂອໄມຄຣອນໃນພາກພື້ນຕ່າງໆບົດສະຫລຸບຜົນການສຶກສາດັ່ງກ່າວພົບວ່າ: ເຊື້ອພະຍາດໂຄວິດ-19 ສາຍພັນໂອໄມຄຣອນສາມາດເຕີບໂຕໄດ້ໄວກວ່າ 70% ໃນເນື້ອເຍື່ອຂອງລະບົບຫາຍໃຈ ນີ້ອາດເປັນສາເຫດໜຶ່ງທີ່ເຮັດໃຫ້ການແຜ່ກະຈາຍຈາກຄົນສູ່ຄົນງ່າຍຂຶ້ນແຕ່ໂອໄມຄຣອນແພ່ກະຈ່າຍໃນປອດໄດ້ຊ້າກວ່າສາຍພັນເກົ່າອາດຈະເຮັດໃຫ້ພະຍາດຮ້າຍແຮງ ໄດ້ໜ້ອຍລົງກວ່າເກົ່າ.

ການຄົ້ນພົບດັ່ງກ່າວຢູ່ພາຍໃຕ້ການທົບທວນຄືນສໍາລັບການພິມເຜີຍແຜ່ຄັ້ງທຳອິດໂດຍ ດຣ ໄມເຄີລ ເຊີນ ຈື້ເວຍ (Michael ChenZhiwei), ຫົວໜ້າຄົ້ນຄວ້າຂອງມະຫາວິທະຍາໄລຮົງກົງຂອງຈີນກ່າວວ່າ: ການຕິດເຊື້ອພະຍາດທີ່ເກີດຂຶ້ນຊໍ້າສາມາດເຮັດໃຫ້ເກີດພະຍາດຮ້າຍແຮງ ແລະເສຍຊີວິດໄດ້ເຖິງວ່າຄວາມຮຸນແຮງຂອງພະຍາດຈະໜ້ອຍລົງແຕ່ໂອໄມຄຣອນສາມາດຫລີກລ້ຽງພູມຕ້ານທານຈາກວັກຊິນປ້ອງກັນໂຄວິດ-19 ໄດ້ດີກວ່າແບບເກົ່າ. ປັດຈຸບັນບັນດານັກຄົ້ນຄວ້າເລັ່ງຫາວິທີແກ້ ໄຂຂອງການແຜ່ລະບາດຂອງໂອໄມຄຣອນດ້ວຍການຄົ້ນຄວ້າຫາໂຕຢາມາເພີ່ມປະສິດທິພາບໃຫ້ວັກຊິນໄດ້ມີປະສິດທິພາບສູງຂຶ້ນ.

แชร์