ມາເລເຊຍ ຜະລິດຢາງພາລາຫຼຸດລົງ 5,9%

ສຳນັກງານສະຖິຕິຂອງມາເລເຊຍ ເປີດເຜີຍວ່າ: ຜົນຜະລິດຢາງພາລາມາເລເຊຍໃນໄລຍະ 10 ເດືອນທຳອິດຂອງປີ 2021 ຢູ່ທີ່ 397.486 ໂຕນ ຫຼຸດລົງ 5,9% ເມື່ອທຽບປີຕໍ່ປີ.
 
ຕາມຂ່າວຕ່າງປະເທດລາຍງານວ່າຜົນຜະລິດຢາງພາລາສະເພາະເດືອນຕຸລາທີ່ຜ່ານມາຢູ່ທີ່ 43.127 ໂຕນເພີ່ມຂຶ້ນ 4,7% ຈາກ 41.180 ໂຕນ ໃນເດືອນກັນຍາ ແລະຫຼຸດລົງ 13,6% ເມື່ອທຽບປີຕໍ່ປີ ຈາກ 49.943 ໂຕນ ໃນເດືອນຕຸລາປີ 2020, ມາເລເຊຍ ສົ່ງອອກຢາງພາລາ 62.167 ໂຕນ ໃນເດືອນຕຸລາ ຫຼຸດລົງ 0,3% ເມື່ອທຽບກັບ 62.332 ໂຕນໃນເດືອນກັນຍາ, ຈີນຍັງເປັນຜູ້ນໍາເຂົ້າຢາງພາລາໃຫຍ່ສຸດຂອງມາເລເຊຍຄອງອັດຕາສ່ວນ 56,8% ຂອງການສົ່ງອອກທັງໝົດໃນເດືອນຕຸລາ ຮອງລົງມາແມ່ນປາກິດສະຖານ 3,2%, ອາເມລິກາ 3%, ອີຣານ 2,7% ແລະເຢຍລະມັນ 2,1%.
 
ມາເລເຊຍ ມີປະລິມານຢາງພາລາຢູ່ໃນສາງຢູ່ທີ່ 281.723 ໂຕນ ໃນເດືອນຕຸລາທີ່ຜ່ານມາຫຼຸດລົງ 3,6% ເມື່ອທຽບກັບ 292.312 ໂຕນ ໃນເດືອນກັນຍາ.

แชร์