ດຳລັດ 414/ລບ ດຶງໄຊສົມບູນອອກຈາກທຸກຍາກໄດ້ 1.252 ຄອບຄົວ

ດຳລັດ 414/ລບ ໄດ້ສ້າງສະພາບ ແວດລ້ອມ ແລະ ເງື່ອນໄຂອັນດີໃຫ້ແກ່ການ ພັດທະນາເສດຖະກິດ-ສັງຄົມຂອງແຂວງ ໄຊສົມບູນ ໂດຍສະເພາະການລົງທຶນພັດ ທະນາຂອງພາກເອກະຊົນ ທັງພາຍໃນ ແລະ ຕ່າງປະເທດ ໃນຂະແໜງການຕ່າງໆ ນັບມື້ເພີ່ມຂຶ້ນເປັນກ້າວໆ ທີ່ສຳຄັນຄືປະ ຊາຊົນນັບພັນກວ່າຄອບຄົວໄດ້ຫຼຸດພົ້ນ ອອກຈາກຄວາມທຸກຍາກ.
ທ່ານ ພົນຕີ ຄຳລຽງ ອຸທະໄກສອນ ເຈົ້າແຂວງໄຊສົມບູນ ໄດ້ຂຶ້ນຜ່ານຮ່າງບົດ ສະຫຼຸບຕີລາຄາການ ຈັດຕັ້ງປະຕິບັດ ດຳລັດ 414/ລບ ແຕ່ປີ 2020-2021 ແລະ ທິດທາງແຜນການ ປີ 2022 ຕໍ່ ກອງປະຊຸມສະຫຼຸບຕີລາຄາ ການຈັດຕັ້ງປະຕິບັດ ດຳລັດ 414/ລບ ວ່າ ດ້ວຍນະໂຍບາຍການພັດທະນາເສດຖະ ກິດແຂວງໄຊສົມບູນທີ່ຈັດຂຶ້ນໃນວັນທີ 15 ທັນວາ 2021 ໂດຍທ່ານ ພັນຄຳ ວິພາວັນ, ນາຍົກລັດຖະມົນຕີ, ຫົວໜ້າຄະ ນະຮັບຜິດຊອບພັດທະນາເຂດຈຸດສຸມໃຈ ກາງໃຫ້ກຽດເຂົ້າຮ່ວມ ເປັເປັນປະທານ ກອງປະຊຸມວ່າ: ມາຮອດປັດຈຸບັນ ທົ່ວ ແຂວງໄຊສົມບູນ ມີສະຖຽນລະພາບທາງ ດ້ານການເມືອງທີ່ໜັກແໜ້ນ, ສັງຄົມມີ ຄວາມສະຫງົບປອດໄພດີ, ສັງຄົມມີຄວາມ ເປັນລະບຽບຮຽບຮ້ອຍໂດຍພື້ນຖານ, ການຈັດຕັ້ງຢູ່ຂັ້ນບ້ານ ມີຄວາມໜັກແໜ້ນ, ເຂັ້ມແຂງ, ບັນດາເປົ້າໝາຍເຄື່ອນໄຫວບໍ່ດີ ຢູ່ຮາກຖານບ້ານ ມີການຫັນປ່ຽນແນວຄິດ ແລະ ການເຄື່ອນໄຫວ ທຽບໃສ່ຊຸມປີ 2019 ຫຼຸດລົງ 73%.
ທັງໝົດນັ້ນ ໄດ້ສ້າງສະພາບແວດລ້ອມ ແລະ ເງື່ອນໄຂອັນດີ ໃຫ້ແກ່ການພັດທະ ນາເສດຖະກິດ-ສັງຄົມຂອງແຂວງ ໂດຍ ສະເພາະ ການລົງທຶນພັດທະນາຂອງພາກ ເອກະຊົນ ທັງພາຍໃນ ແລະ ຕ່າງປະເທດ ໃນຂະແໜງການຕ່າງໆ ນັບມື້ເພີ່ມຂຶ້ນ ເປັນກ້າວໆ; ສາມາດລະດົມທຶນເຂົ້າກອງ ທຶນພັດທະນາແຂວງ ຕາມດຳລັດ 414/ລບ ໄດ້ 66,2 ຕື້ກີບ; ອະນຸຍາດໂຄງການ ລົງທຶນທັງໝົດ 36 ໂຄງການ ລວມມູນ ຄ່າການລົງທຶນ 296 ລ້ານກວ່າໂດລາສະ ຫະລັດ; ວຽກງານ 5 ທ່າແຮງຂອງແຂວງ ໂດຍສະເພາະ ດ້ານກະສິກຳ-ປ່າໄມ້, ການ ທ່ອງທ່ຽວ, ພະລັງງານໄຟຟ້າ, ບໍ່ແຮ່ ແລະ ການບໍລິການເຊື່ອມຈອດ-ເຊື່ອມ ໂຍງ ລ້ວນແຕ່ໄດ້ຮັບການພັດທະນາດີຂຶ້ນ ຢ່າງຕໍ່ເນື່ອງ;
ການແກ້ໄຂຄວາມທຸກຍາກ ສາມາດ ແກ້ໄຂໄດ້ 1.252 ຄອບຄົວ ທຽບໃສ່ ແຜນການ ແມ່ນລື່ນຄາດໝາຍ 45,5%; ຂຶ້ນສຳມະໂນທີ່ດິນໄດ້ 6.212 ຕອນ ເນື້ອທີ່ 7.057 ເຮັກຕາ, ອອກໃບຕາດິນໄດ້ 5.855 ຕອນ ເນື້ອທີ່ 5.466 ເຮັກຕາ, ທຽບໃສ່ກ່ອນມີດຳລັດ 414/ລບ ເພີ່ມຂຶ້ນ 80%; ຕິດຕັ້ງສັນຍານໂທລະສັບ ແລະ ອິນເຕີເນັດ ເພີ່ມຂຶ້ນ 69%; ໂຮງຮຽນນັບແຕ່ອະນຸບານຮອດມັດທະຍົມປາຍ ເພີ່ມຂຶ້ນ 6 ແຫ່ງ ແລະ ຜົນສຳເລັດອື່ນໆ ຕື່ມອີກ.
ໃນໂອກາດດຽວກັນ, ທ່ານ ພົນຕີ ຈັນ ທອງ ສອນຕະອາດ, ຮອງລັດຖະມົນຕີ ກະຊວງປ້ອງກັນປະເທດ, ວ່າການຫົວໜ້າກົມໃຫຍ່ເສນາທິການກອງທັບ ແລະ ທ່ານ ພັນເອກ ສາຍສະໝອນ ພະລະມີໄຊ, ຮອງຫົວໜ້າກົມໃຫຍ່ສັນຕິບານ, ກະຊວງ ປ້ອງກັນຄວາມສະຫງົບ ຕາງໜ້າຂະ ແໜງປ້ອງກັນຊາດ ແລະ ປ້ອງກັນຄວາມ ສະຫງົບ ໄດ້ຂຶ້ນລາຍງານການຈັດຕັ້ງ ປະຕິບັດວຽກງານ ໃນຂົງເຂດວຽກງານ ຂອງຕົນ.
ໃນໂອກາດດຳເນີນກອງປະຊຸມສະ ຫຼຸບວຽກງານທີ່ສຳຄັນຄັ້ງນີ້, ທ່ານນາ ຍົກລັດຖະມົນຕີ ຕາງໜ້າກົມການເມືອງ ສູນກາງພັກ ແລະ ລັດຖະບານ ໄດ້ມີຄຳ ເຫັນກ່າວຍ້ອງຍໍຊົມເຊີຍ ຕໍ່ຜົນສຳເລັດ ທີ່ທຸກພາກສ່ວນກ່ຽວຂ້ອງ ສາມາດປະຕິ ບັດໄດ້ ໃນໄລຍະ 2 ປີທີ່ຜ່ານມາ. ອັນສຳຄັນ, ທ່ານນາຍົກລັດຖະມົນຕີ ໄດ້ມີຄຳເຫັນ ເນັ້ນໜັກ ຕໍ່ກອງປະຊຸມຕື່ມອີກບາງບັນ ຫາ ພ້ອມທັງໄດ້ຮຽກຮ້ອງ ໃຫ້ຜູ້ເຂົ້າຮ່ວມ ກອງປະຊຸມ ແລະ ພາກສ່ວນກ່ຽວຂ້ອງ ຈົ່ງເຊີດຊູມານະຈິດປະຕິວັດ, ເຊີດຊູນໍ້າໃຈ ບໍລິຫານ, ນໍ້າໃຈເສຍສະຫຼະ, ບໍລິການປະ ຊາຊົນເໜືອກວ່າການປົກຄອງແບບອາ ຍາສິດ, ຫ່າງເຫີນປະຊາຊົນ; ຖືເອົາມູນ ເຊື້ອເຈົ້າອານຸວົງ, ມູນເຊື້ອເມືອງຮົ່ມ ວິລະຊົນ, ອາດຫານ ແລະ ການນໍາຮຸ່ນ ກ່ອນທີ່ຍອມເສຍສະຫຼະຊີວິດ, ເລືອດເນື້ອ ເພືື່ອກອບກູ້, ທ້ອນໂຮມ ແລະປົກປັກຮັກ ສາປະເທດຊາດເປັນການ ສຶກ ສາອົບຮົມ ແລະ ກະຕຸກຊຸກຍູ້ໃຫ້ຊາວໄຊສົມບູນ ໄດ້ ພ້ອມກັນສຸມໃສ່ພັດທະນາບ້ານຊ່ອງຂອງ ຕົນໃນໄລຍະໃໝ່ ແນໃສ່ເຮັດໃຫ້ການປະ ຕິບັດໃນປີ 2022 ທີ່ຈະມາເຖິງນີ້ ໄດ້ມີ ການຫັນປ່ຽນໃໝ່ໃນທຸກດ້ານ ແລະ ກາຍ ເປັນແຂວງທີ່ມີສະເໜ່ ຢ່າງແທ້ຈິງ.

ພາບ ແລະ ຂ່າວ: ກົມປະຊາສຳພັນ ຫສນຍ

แชร์