ຊີເອັນພີ ຈົກທຶນ 5 ຕື້ກີບ ພັດທະນາໂຄງການບໍ່ນໍ້າອຸ່ນ ແລະທ່ອງທ່ຽວ

ຂ່າວ: ບຸນນິກ ມະນີ
ບໍລິສັດ ຊີເອັນພີ ສຳຫຼວດ ແລະຂຸດຄົ້ນບໍ່ແຮ່ ຂາເຂົ້າ-ຂາອອກຈຳກັດ ເຫັນຄວາມສຳຄັນໃນການພັດທະນາແຫຼງທ່ອງທ່ຽວຈົກທຶນ 5 ຕື້ກີບ ເຂົ້າພັດທະນາໂຄງການບໍ່ນໍ້າອຸ່ນ ແລະການບໍລິການທ່ອງທ່ຽວແຂວງອຸດົມໄຊ ເປັນຕົ້ນແມ່ນການບໍລິການໂຮງແຮມ, ອາຫານ, ການແຊ່ນໍ້າອຸ່ນທຳມະຊາດ, ການນວດສະປາ.

ພິທີເຊັນບົດບັນທຶກຄວາມເຂົ້າໃຈວ່າດ້ວຍການສຶສາຄວາມເປັນໄປໄດ້ໃນການພັດທະນາລົງທຶນສຳປະທານໂຄງການບໍ່ນໍ້າອຸ່ນ ແລະການບໍລິການທ່ອງທ່ຽວຢູ່ ບ້ານປາກຫຼາ ແລະ ບ້ານວຽງຄຳ ເມືອງຫຼາ ແຂວງອຸດົມໄຊ ລະຫວ່າງອົງການປົກຄອງແຂວງອຸດົມໄຊ ກັບບໍລິສັດ ຊີເອັນພີ ສຳຫຼວດ ແລະຂຸດຄົ້ນບໍ່ແຮ່ຂາເຂົ້າ-ຂາອອກ ຈຳກັດຜູ້ດຽວ ໂດຍໃຫ້ກຽດເຂົ້າຮ່ວມເຊັນ ທ່ານ ນາງ ອ່ອນແກ້ວ ອຸ່ນອາລົມ ຮອງເຈົ້າແຂວງໆອຸດົມໄຊ, ທ່ານ ນາງ ຈັນນະພາ ວົງສະໝໍລະພູມ ປະທານບໍລິສັດ ຊີເອັນພີສຳຫຼວດ ແລະຂຸດຄົ້ນບໍ່ແຮ່ຂາເຂົ້າ-ຂາອອກ ຈຳກັດ ຜູ້ດຽວ ເເລະ ນາງ ເພັນນະພາ ວົງສະໝໍລະພູມ ອຳນວຍການບໍລິສັດ ຊີເອັນພີ ສຳຫຼວດ ແລະຂຸດຄົ້ນບໍ່ແຮ່ຂາເຂົ້າ-ຂາອອກ ຈຳກັດຜູ້ດຽວ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

   ຊຶ່ງໂຄງການດັ່ງກ່າວໝາຍເຖິງການສຳຫຼວດ ແລະສຶກສາຄວາມເປັນໄປໄດ້ໃນການພັດທະນາການລົງທຶນສຳປະທານໂຄງການບໍ່ນໍ້າອຸ່ນ ແລະການບໍລິການທ່ອງທ່ຽວຢູ່ບ້ານດອນອາດ ແລະ ບ້ານຄຳ, ເມືອງຫຼາ ແຂວງອຸດົມໄຊ ເປັນຕົ້ນແມ່ນການບໍລິການໂຮງແຮມ, ອາຫານ, ການແຊ່ນໍ້າອຸ່ນທຳມະຊາດ, ການນວດສະປາ ນອກຈາກນີ້ແມ່ນຍັງສົ່ງເສີມການຜະລິດກະສິກຳສະອາດຕິດພັນກັບການທ່ອງທ່ຽວ ແລະການຕິດພັນກັບການບໍລິການຄົບຊຸດທີ່ປິ່ນອ້ອມກັບໂຄງການຊຶ່ງໂຄງການທັງໝົດແມ່ນບໍລິ ສັດຈົບທຶນເຂົ້າພັດທະນາ 5 ຕື້ກີບ.
ສຳລັບຂໍຕົກລົງວ່າດ້ວຍການອະນຸຍາດໃຫ້ບໍລິສັດຊີເອັນພີ ສຳຫຼວດ ແລະຂຸດຄົ້ນບໍ່ແຮ່ຂາເຂົ້າ-ຂາອອກ ຈຳກັດ ຜູ້ດຽວ ມາດຕາ 1 ເຫັນດີອະນຸຍາດພັດທະນາການລົງທຶນສຳປະທານໂຄງການບໍ່ນໍ້າອຸ່ນ ແລະການບໍລິການທ່ອງທ່ຽວຢູ່ບ້ານປາກ ແລະ ພັດທະນາການບໍລິການດ້ານໂຮງແຮມ, ຮ້ານອາຫານ ຢູ່ບ້ານວຽງຄຳ ຈຸດພູແລ້ເມືອງຫຼາແຂວງອຸດົມໄຊມອບສິດໃຫ້ພະແນກແຜນການ ແລະ ການລົງທຶນເປັນໃຈກາງປະສານງານສົມທົບພະແນກແຜນການກ່ຽວຂ້ອງອົງການປົກຄອງເມືອງທີ່ກ່ຽວຂ້ອງ ແລະທາງບໍລິສັດເພື່ອຈັດເຊັນບົດບັນທຶກຕາມຄວາມເໝາະສົມ, ບັນດາພະແນກການທີ່ກ່ຽວຂ້ອງ ແລະອົງການປົກຄອງເມືອງທີ່ກ່ຽວຂ້ອງ ແລະບໍລິສັດຈັດຕັ້ງປະຕິບັດຕາມພາລະບົດບາດຂອງຕົນໂດຍສອດຄ່ອງກັບກົດໝາຍ ແລະລະບຽບແຜນການຢ່າງເຂັ້ມງວດ.

• 17/12/2021