ຫວານໝູ ຊີ້ນດາດບຸບເຟ້ແຊບທີ່ຫຼາຍຄົນຍອມຮັບ

ຂ່າວ: ບຸນນິກ

ປະຈຸບັນຕົກແລງມາອາກາດແມ່ນເລີ່ມມີຄວາມເຢັນໜາວບອກເລີຍວ່າເໝາະແກ້ການກິນອາຫານປະເພດຈຸ້ມດາດມື້ນີ້ທີມງານຜູ້ຂຽນຈະຂໍແນະນຳຮ້ານຫວານໝູຊີ້ນດາດບຸບເຟ້ທີ່ທາງຮ້ານເພິ່ນຈັດເຕັມແບບມາບ່ອນດຽວກິນອິ່ມແຊບລາຄາຖືກພ້ອມບັນຍາກາດດີດີແລະສ່ຽງເພງດົນຕີເບົາໆໃຫ້ໄດ້ຟັງ.

ເມື່ອບໍ່ດົນທາງນັກຂ່າວໜັງສືພິມເສດຖະກິດ-ສັງຄົມ ກໍ່ໄດ້ມີໂອກາດສຳພາດ ທ່ານ ນາງ ວາດສະໜາ ຈັນທະລັງສີ ເຈົ້າຂອງຮ້ານຫວານໝູຊີ້ນດາດບຸບເຟ້ ໃຫ້ຮູ້ວ່າ: ແຮງບັນດານໃຈໃນການ ເປີດຮ້ານແມ່ນເລີ່ມຈາກການມັກກິນຊີ້ນດາດເປັນຊີວິດຈິດໃຈ, ມີຄວາມຮູ້ຄວາມຊຳນານກ່ຽວກັບການເຮັດຊີ້ນດາດສະນັ້ນເຮົາເລີຍເລືອກທີ່ຈະເປີດຮ້ານຊີ້ນດາດ ແລະເລືອກຂາຍເປັນບຸບເຟ້ໃນລາຄາພຽງ 49.000 ກີບຄົນ ເພື່ອໃຫ້ຄົນທຸກເພດທຸກໄວເຂົ້າເຖິງ ແລະຈັບຕ້ອງໄດ້ໃນຍຸກໂຄວິດແບບນີ້.

ຊຶ່ງທາງຮ້ານເຮົາແມ່ນຂາຍເປັນບຸບເຟ້ໂດຍມີບໍລິການຊີ້ນດາດທີ່ເສີບແບບບໍ່ອັ້ນເສີບຕະຫຼອດຈົນລູກຄ້າອິ່ມແບບບໍ່ຈຳກັດເວລາ ແລະມາຮອດປະຈຸບັນທາງຮ້ານເຮົາໄດ້ເປີດໃຫ້ລູກຄ້າເຂົ້າມາໃຊ້ບໍລິການຢູ່ພາຍໃນຮ້ານແລ້ວ ແລະສຳລັບລູກຄ້າທີ່ບໍ່ສະດວກມາກິນຢູ່ຮ້ານທາງຮ້ານເຮົາກໍ່ມີບໍລິການຈັດສົ່ງເຖິງບ້ານ ແລະເຮົາມີໂປຣໂມຊັ່ນແຖມຟຣີເຄື່ອງດື່ມ Coke ສຳລັບຊຸດກັບບ້ານພ້ອມ, ຈຸດເດັ່ນ ແລະເອກະລັກຂອງຮ້ານເຮົາແມ່ນສະຖານທີ່ວິວແຄມນໍ້າໃຫ້ບັນຍາກາດທີ່ໂລ່ງສະບາຍອາຫານທີ່ສົດໃໝ່ສະອາດ ແລະແຈ່ວທີ່ເປັນເອກະລັກສະເພາະພາຍຫຼັງເກີດພະຍາດໂຄວິດທາງຮ້ານເຮົາໄດ້ປະຕິບັດມາດຕະການຕາມທີ່ທາງພາກລັດວາງອອກເຮົາໄດ້ຈັດໂຕະໃຫ້ມີຄວາມຫ່າງຕາມກຳນົດພະນັກງານທຸກຄົນຕ້ອງໃສ່ຜ້າປິດປາກຕະຫຼອດເວລາລູກຄ້າເຂົ້າຮ້ານຕ້ອງວັດແທກອຸນຫະພູມທຸກຄັ້ງ ແລະເຮົາມີການກວດພະນັກງານທຸກອາທິດ.

ຢາກຝາກເຖິງລູກຄ້າຢາກໃຫ້ ມາຊິມມາລອງໃຊ້ບໍລິການທາງຮ້ານເຮົາຢາກໃຫ້ໄດ້ລອງລົດຊາດອາຫານທີ່ສົດໃໝ່ນໍ້າແຈ່ວທີ່ເປັນເອກະລັກ ແລະບັນຍາກາດແຄມນໍ້າທີ່ໃຫ້ຄວາມຮູ້ສຶກສະບາຍ, ຮ້ານເຮົາຕັ້ງຢູ່ບ້ານບຶງຂະຫຍອງ (ບຶງນໍ້າບຶງຂະຫຍອງ), ເມືອງສີສັດຕະນາກ ນະຄອນຫຼວງວຽງຈັນ, ແລະໃຜທີ່ສົນໃຈສອບຖາມຂໍ້ມູນສາມາດຕິດຕໍ່ສອບຖາມເພີ່ມເຕີມໄດ້ທີ່ເບີ 020 58 677 703.

แชร์