ສຳເລັດງານສຳມະນາສື່ມວນຊົນ ລາວ-ຈີນ

ສະມາຄົມນັກຂ່າວແຫ່ງ ສປປ ລາວ ແລະສະມາຄົມນັກຂ່າວແຂວງຢຸນນານ ສປ ຈີນ ໄດ້ຮ່ວມກັນຈັດສຳມະນາກ່ຽວກັບການພົວພັນລາວ-ຈີນ ເສັ້ນທາງລົດໄຟລາວ-ຈີນ ການປ້ອງກັນພະຍາດໂຄວິດ-19 ແລະດ້ານອື່ນໆພ້ອມນີ້ກໍມີກິດຈະກຳທັດສະນະຕາມເສັ້ນທາງລົດໄຟລາວ-ຈີນ ຂອງຄະນະສື່ມວນຊົນລາວ-ຈີນ ແລະໄດ້ຮ່ວມກັນຈັດກອງປະຊຸມສຳມະນາແລກປ່ຽນລະຫວ່າງສື່ມວນຊົນ ລາວ-ຈີນ ໃນຮູບແບບທາງໄກອີກດ້ວຍ.
ຊຸດສຳມະນາຄັ້ງນີ້ປະກອບມີການເປີດຊຸດສຳມະນາແລກປ່ຽນບົດຮຽນລະຫວ່າງສະມາຄົມນັກຂ່າວແຫ່ງ ສປປ ລາວ ແລະສະມາຄົມນັກຂ່າວແຂວງ ຢຸນນານ ສປ ຈີນ ຊຶ່ງຈັດຂຶ້ນເມືອລະຫວ່າງ ວັນທີ 30 ພະຈິກ-4 ທັນວາ 2021 ການທັດສະນະຕາມເສັ້ນທາງລົດ ລົດໄຟລາວ-ຈີນຂອງຄະນະສື່ມວນຊົນລາວ ແລະຈີນຈັດຂຶ້ນເມື່ອວັນທີ 13-14 ທັນວາ 2021 ນຳພາຄະນະຝ່າຍລາວໂດຍ ທ່ານ ຣັດສະຫມີ ດວງສັດຈະ ເລຂາທິການສະມາຄົມນັກຂ່າວແຫ່ງ ສປປ ລາວ ມີຕາງຫນ້າຈາກກົມສື່ມວນຊົນກະຊວງຖະແຫລງຂ່າວວັດທະນະທຳ ແລະ ທ່ອງທ່ຽວ (ຖວທ) ແລະ ສື່ມວນຊົນຈາກສູນກາງ ແລະ ທ່ອງຖິ່ນຝ່າຍຈີນນຳໂດຍ ທ່ານ ນາງ ເຢ້ ຫຼົງ ຮອງເລຂາທິການສະມາຄົມນັກຂ່າວແຂວງຢຸນນານ (ຫົວຫນ້າຄະນະ) ແລະສື່ມວນຊົນຈີນເຂົ້າຮ່ວມ.
ສຳຈຸດປະສົງໃນການຈັດຊຸດສຳມະນາຄັ້ງນີ້ແມ່ນເພື່ອເພີ່ມທະວີການຮ່ວມມືລະຫວ່າງສື່ມວນຊົນລາວ ແລະຈີນຊຸກຍູ້ສົ່ງເສີມມິດຕະພາບ ແລະການໄປມາຫາສູ່ລະຫວ່າງຜູ້ເຮັດຂອງສື່ມວນຊົນລະຫວ່າງສອງປະເທດເພື່ອປະກອບສ່ວນເຂົ້າໃນການລົງເລິກຄວາມຮ່ວມມື້ລະຫວ່າງສອງປະເທດລາວ-ຈີນ ແລະການຮ່ວມມືລະຫວ່າງອາຊຽນ-ຈີນໃນຂົງເຂດຕ່າງໆ ເພື່ອປົກປັກຮັກສາສັນຕິພາບ ແລະຄວາມຮຸ່ງເຮືອງຂອງພາກພື້ນເອເຊຍ-ແປຊີຟິກ.
ສຳລັບກອງປະຊຸມສຳມະນາຄັ້ງນີ້ຄະນະສື່ມວນຊົນຂອງລາວ ແລະຈີນກໍໄດ້ຜັດປ່ຽນກັນຂຶ້ນປະກອບຄວາມຄິດຄວາມເຫັນ ແລະປ່ຽນບົດຮຽນເຊິ່ງກັນ ແລະກັນສະແດງໃຫ້ເຫັນເຖິງຄວາມສາມັກຄີລະຫວ່າງສື່ມວນຊົນລາວ-ຈີນ ແລະສຳເລັດຜົນຢ່າງຈົບງາມ.

แชร์