ຊີເອັນພີ ມອບລົດກະບະລີໂວ້ໃຫ້ອົງການປົກຄອງເມືອງຫຼາ

ຂ່າວ: ບຸນນິກ

ເພື່ອເປັນການປະກອບສວນເຄື່ອນໄຫວວຽກງານທີ່ຈຳເປັນໃນການປະຕິບັດວຽກງານສຳຄັນຂອງເມືອງທາງບໍລິສັດ ຊີເອັນພີ ສຳຫຼວດ ແລະຂຸດຄົ້ນບໍ່ແຮ່ຂາເຂົ້າ-ຂາອອກ ຈຳກັດຜູ້ດຽວ ເຫັນຄວາມສຳຄັນມອບລົດກະບະລີໂວ້ 1 ຄັນ ມູນຄ່າ 39.000 ໂດລາສະຫະລັດ ໃຫ້ແກ່ອົງການປົກຄອງເມືອງຫລາໃນຕອນເຊົ້າບ່າຍຂອງວັນທີ່ 10 ທັນວາ 2021 ນີ້ທີ່ສະໂມສອນແຂວງໂດຍແມ່ນທ່ານ ນາງ ຈັນນະພາ ວົງສະໝໍລະພູມ ປະທານບໍລິສັດ ຊີເອັນພີ ສຳຫຼວດ ແລະຂຸດຄົ້ນບໍ່ແຮ່ ຂາເຂົ້າ-ຂາອອກ ຈຳກັດຜູ້ດຽວ ແລະຮັບໂດຍທ່ານຫຸມພັນ ບຸບຜາຄຳ ເຈົ້າເມືອງໆຫຼາ ໂດຍເປັນກຽດເຂົ້າຮ່ວມຂອງທ່ນ ບຸນຄົງ ຫຼ້າຈຽມພອນ ເຈົ້າແຂວງໆອຸດົມໄຊ ແລະພາກສ່ວນທີກ່ຽວຂ້ອງ.

ບໍລິສັດດັ່ງກ່າວແມ່ນໄດ້ຮັບອະນຸຍາດໃຫ້ເຂົ້າມາສຳຫຼວດ ແລະຂຸດຄົ້ນບໍແຮ່ໂດຍສະເພາະແມ່ນແຫ່ເຫຼັກຢູ່ເມືອງຫຼາ ແຂວງອຸດົມໄຊ ດັ່ງນັ້ນເພື່ອເປັນການສົ່ງເສີມພາກລັດ ບໍລິສັດຈື່ງໄດ້ນໍາເອົາພາຫະນະມາມອບໃຫ້ອົງການປົກຄອງເມືອງຫຼານຳໃຊ້. ໂອກາດດັ່ງກ່າວທ່ານເຈົ້າແຂວງໄດ້ຕາງຫນ້າກ່າວຂອບໃຈຕໍ່ກັບບໍລິສັດທີ່ໄດ້ນຳເອົາລົດມາມອບໃຫ້ໃນຄັ້ງນີ້ຕືມອີກ.

แชร์