ຄຶກຄື້ນທ່ຽວຫຼວງພະບາງຜ່ານລົດໄຟ

ຂ່າວ: ສີສຸວັນ

 ຄວາມງຽບເຫງົາຂອງບັນຍາກາດການທ່ອງທ່ຽວຢູ່ແຂວງຫຼວງພະບາງເລີ່ມງຽບເຫງົານັບແຕ່ທ້າຍປີ 2019 ເປັນຕົ້ນມາພໍມາຮອດທ້າຍປີ 2021 ນີ້ຫຼັງທີ່ໄດ້ເປີດນໍາໃຊ້ເສັ້ນທາງລົດໄຟຟ້າຢ່າງເປັນທາງການເມື່ອວັນທີ 3 ທັນວາ ບັນຍາກາດການໃຊ້ບໍລິການຂີ່ລົດໄຟລາວທ່ຽວລາວກໍເລີ່ມຄຶກຄື້ນຂຶ້ນມາອີກຄັ້ງໃໝ່ໃນຮອບ 3 ປີ.

ສໍາລັບເດືອນທັນວາໂດຍສະເພາະແມ່ນນັບແຕ່ເປີດນໍາໃຊ້ເສັ້ນທາງລົດໄຟຫຼາຍຄົນກໍໄດ້ຕັ້ງເປົ້າໝາຍການທ່ອງທ່ຽວທ້າຍປີແບບລາວທ່ຽວລາວໄດ້ນໍາພາຄອບຄົວ, ຄົນຮັກໝູ່ເພື່ອນສະນິດຂີ່ລົດໄຟໄປທ່ອງທຽວຢ້ຽມຢາມກັນຈາກເໜືອລົງໃຕ້ຈາກໃຕ້ຂຶ້ນເໜືອເຮັດໃຫ້ສະຖານີຫຼວງພະບາງນັບແຕ່ຕົ້ນເດືອນທັນວາມານີ້ມີຜູ້ຄົນເດີນທາງເຂົ້າອອກຜ່ານທາງລົດໄຟເຂົ້າມາທ່ຽວຢູ່ະຄອນຫຼວງພະບາງເປັນຈໍານວນຫຼວງຫຼາຍພໍສົມຄວນໃນແຕ່ລະຖ້ຽວສະຖານທີ່ທ່ອງທ່ຽວຈຸດທີ່ເປີດໃຫ້ບໍລິການກໍ່ເລີ່ມຄຶກຄຶ້ນກັບມາອີກຮອບໃໝ່ ແລະໄດ້ເຮັດໃຫ້ພາກສ່ວນບໍລິເປັນຕົ້ນແມ່ນບັນດາໂຮງແຮມ, ເຮືອນພັກ ແລະຮ້ານອາຫານເລີ່ມມີຮອຍຍິ້ມຂຶ້ນມາອີກຄັ້ງໃໝ.່

ຈາກການໃຫ້ສໍາພາດຂອງພະນັກງານຮັບຕ້ອນເຮືອນແອັບໂປຕັ້ງຢູ່ບ້ານຫົວຊຽງເຂດໃຈກາງນະຄອນຫຼວງພະບາງຕໍ່ນັກຂ່າວໜັງສືພິມເສດຖະກິດສັງຄົມໃນວັນທີ 9 ທັນວານີ້ວ່າ: ນັບແຕ່ເປີດນໍາໃຊ້ເສັ້ນທາງລົດໄຟມານີ້ແຂກນັກທ່ອງທ່ຽວເລີ່ມມີການສັ່ງຈອງຫ້ອງພັກເພີ່ມຂຶ້ນໂດຍສະເພາະສ່ວນໃຫຍ່ແລ້ວແມ່ນນັກທ່ອງທ່ຽວພາຍໃນເຮົາ ແລະເຊື່ອວ່າໃນອະນາຄົດອັນໃກ້ໆ ນີ້ບັນດານັກທ່ອງທ່ຽວ

ຈາກປະເທດເພື່ອນບ້ານກໍຈະເຂົ້າມາທ່ອງທ່ຽວລາວໂດຍຜ່ານເສັ້ນທາງລົດໄຟນັບມື້ຫຼາຍຂຶ້ນບໍ່ຢຸດຢັ້ງ ແລະຈະເຮັດໃຫ້ການທ່ອງທ່ຽວຂອງລາວເວົ້າລວມເວົ້າສະເພາະກໍຄືຫຼວງພະບາງຈະກັບມາມີນັກທ່ອງທ່ຽວນັບຫຼາຍພັນຄົນທ່ຽວຊົມເມືອງມໍລະດົກໂລກໄປຄຽງຄູ່ກັບການຮັກສາຄວາມປອດໄພຈາກໂຄວິດ.

 

แชร์