2 ບໍລິສັດ ມອບເຄື່ອງຊ່ວຍເຫຼືອປາກເຊ

ຂ່າວ:ໂພທິລາດ

ຍັງສືບຕໍ່ໃຫ້ການຊ່ວຍເຫຼືອແກ່ວຽກງານຕ້ານ ແລະສະກັກກັ້ນການແຜ່ລະບາດຂອງເຊື້ອພະຍາດໂຄວິດ-19 ຢູ່ນະຄອນປາກເຊ ແຂວງຈຳປາສັກ ເມື່ອຫຼ້າສຸດມີ 2 ບໍລິສັດເຂົ້າມາຊ່ວຍເຫຼືອດ້ານອຸປະກອນການແພດລວມມູນຄ່າ 40 ກວ່າລ້ານກີບ.

ພິທີມອບ-ຮັບດັ່ງກ່າວໄດ້ມີຂຶ້ນໃນວັນທີ 8 ທັນວາ 2021 ທີ່ສະໂມສອນນະຄອນປາກເຊໂດຍການໃຫ້ກຽດເຂົ້າຮ່ວມເປັນສັກຂີພິຍານຂອງທ່ານ ໂສມ ບຸດຕະກຸນ ຮອງເຈົ້າແຂວງໆຈຳປາສັກ, ມີທ່ານ ວຽງສີ ສຸພັກດີ ຫົວໜ້າພະແນກສາທາລະນະສຸກແຂວງ,ທ່ານ ເກດສະໜາ ຄຳມີງສະຫວັດ ຮອງເຈົ້າຄອງນະຄອນປາກເຊ ແລະບັນດາທ່ານຜູ້ອຳນວຍການ, ຮອງອຳນວຍການຈາກ 2 ບໍລິສັດເຂົ້າຮ່ວມ.

2 ບໍລິສັດທີ່ໃຫ້ການຊ່ວຍເຫຼືອໃນຄັ້ງນີ້ປະກອບມີຄື: ອົງການກູດເນເບີປະຈຳ ສປປ ລາວ ແລະບໍລິສັດ K13 ໂຄລາວເຊົ່າສີບເຊື່ອ, ຊຶ່ງເຄື່ອງທີ່ນຳມາຊ່ວຍເຫຼືອຄັ້ງນີ້ປະກອບມີຄື: ອຸປະກອນການແພດເປັນຕົ້ນແມ່ນຜ້າອັດປາກ, ເຈວລ້າງມື, ຊຸດຂາວ, ຊົບເກີບຍາວ, ຖົງມືຂາວ, ຢາກຼໍລິນ, ຈັກພົນຢາ, ເກີບໂບກ, ແວ່ນຕາ, ຊຸດ PPE, ເຫຼົ້າ 70, ໜ້າກາກໃສລວມ ມູນຄ່າທັງໝົດ 420.000.000 ກີບ ເພື່ອນຳເຂົ້າໃນວຽກງານປ້ອງກັນສະກັດກັ້ນຄວບຄຸມແກ້ໄຂພະຍາດໂຄວິດ-19 ໃນມົ່ວນະຄອນປາກເຊ.

• 13/12/2021