ກຽມເປີດເທດສະການສະຕາດອັບລາວ ປະຈຳປີ 2021 ຫຼືວ່າ Lao Startup Fest 2021

ທ່ານ ສົມຈິດ ອິນທະມິດ, ຮອງລັດຖະມົນຕີ ກະຊວງອຸດສາຫະກຳ ແລະການຄ້າກ່າວເຊີນຊວນປະຊາຊົນລາວບໍ່ວ່າຈະເປັນຜູ້ປະກອບກິດຈະການທຸກຮູບແບບ, ນັກຮຽນ- ນັກສຶກສາ, ພະນັກງານ ແລະທຸກທ່ານເຂົ້າຮ່ວມງານເທດສະການສະຕາດອັບລາວ ປະຈຳປີ 2021 ຫຼືວ່າ Lao Startup Fest 2021 ທີ່ຈະໄດ້ຈັດຂຶ້ນໃນລະຫວ່າງ ວັນທີ 17-19 ທັນວາ 2021. ໃນຮູບແບບອອນນລາຍ ແລະອອຟລາຍ ເທດສະການນີ້ແມ່ນເປັນກິດຈະກຳປະຈຳປີ ຄັ້ງທີ 2 ຂອງກະຊວງອຸດສາຫະກຳ ແລະການຄ້າທີ່ຕ້ອງການສົ່ງເສີມຜູ້ປະກອບກິດຈະການຮຸ່ນໃໝ່ ທີ່ນຳໃຊ້ເຄື່ອງມື ແລະແນວຄິດທັນສະໃໝເຂົ້າໃນການດຳເນີນທຸລະກິດຂອງຕົນ. ງານ Lao Startup Fest 2021ນີ້ ແມ່ນການຈັກຂຶ້ນໂດຍ ກົມສົ່ງເສີມວິສາຫະກິດຂະໜາດນ້ອຍ ແລະ ກາງ (ກສວ), ກະຊວງອຸດສາຫະກຳ ແລະ ການຄ້າ ແລະ ສະມາຄົມການຄ້າໄອຊີທີລາວ (LICA), ພາຍໃຕ້ການສະໜັບສະໜູນຈາກໂຄງການສ້າງສະພາບແວດລ້ອມທີ່ເອື້ອອຳນວຍຕໍ່ທຸລະກິດລາວ (USAID Laos Business Environment) ແລະ ກຸ່ມທະນາຄານໂລກ ປະຈຳ ສປປ ລາວ (World Bank).

ພາຍໃນງານເທດສະການຈະປະກອບມີ 3 ກິດຈະກຳຫຼັກຄື:
1. ການວາງສະແດງກ່ຽວກັບການບໍລິການຂອງບັນດາບໍລິສັດ ສະຕາດອັບ ໃນ ສປປ ລາວ.
2. ກອງປະຊຸມສຳມະນາກ່ຽວກັບການລິເລີ່ມທຸລະກິດໃນຂະແຫນງການຕ່າງໆ, ການເຂົ້າຫາແຫຼ່ງທຶນ,ບັນຫາ ແລະສິ່ງທ້າທາຍ ແລະປະເດັນຕ່າງໆທີ່ ທຸລະກິດຄວນຮັບຮູ້.
3. ການແຂ່ງຂັນ ລາວສະຕາດອັບ Lao Startup Award ທ່ານສາມາດເຂົ້າເປັນສ່ວນໜຶ່ງຂອງງານ ເທດສະການສະມາດອັບລາວ ແບບອອນລາຍ ທີ່ເຟດບຸກ ເພສ ຂອງ LaoStartupFest ໄດ້ໃນລະຫວ່າງວັນທີ17-19 ທັນວາ 2021 ແລະ ສ່ວນທ່ານໃດທີ່ມີແນວຄວາມຄິດກ່ຽວກັບທຸລະກິດ Startup ແມ່ນສາມາດຮ່ວມລົງທະບຽນເພື່ອຄັດເລືອກເຂົ້າແຂ່ງຂັນງານ Lao Startup Award ເຊິ່ງການແຂ່ງຂັນດັ່ງກ່າວແມ່ນນອນຢູ່ໃນງານ Lao Startup Fest 2021. ປິດຮັບສະຫມັກວັນທີ 15 ທັນວາ 2021 ເວລາ 23:59,ປະກາດຜົນທີມເຂົ້າຮອບສຸດທ້າຍວັນທີ 18 ທັນວາ 2021 ແລະແຂ່ງຂັນວັນທີ 19 ທັນວາ 2021 ທີ່ງານ Lao Startup Fest.
ສາມາດຕິດຕໍ່ສອບຖາມລາຍລະອຽດທີ່ Facebook: LaoStartupFest

แชร์