ອຍກ ເຊກອງ ມອບໃບຢັ້ງຢືນໃຫ້ນັກສຶກສາຈາກສະຖາບັນຍຸຕິທໍາພາກໃຕ້

   ພິທີມອບ-ຮັບໃບຢັ້ງຢືນໃຫ້ນັກສຶກສາຈາກສະຖາບັນຍຸຕິທໍາພາກໃຕ້ຈໍາປາສັກທີ່ສໍາເລັດການຝຶກງານຢູ່ອົງການໄອຍະການປະຊາຊົນ ແຂວງເຊກອງ ໄດ້ຈັດຂຶ້ນໃນວັນທີ 13 ມີນາ ທີ່ຫ້ອງປະຊຸມ ອຍກ ເຊກອງ ໂດຍການເປັນປະທານຂອງ ທ່ານ ສໍລະເສີນສັກ ຟອງສານຸວົງ ຮອງຫົວໜ້າອົງການໄອຍະການປະຊາຊົນແຂວງເຊກອງ, ມີຫົວໜ້າ-ຮອງຂະແໜງ, ຄະນະຮັບຜິດຊອບນັກສຶກສາຝຶກງານພ້ອມດ້ວຍນັກສຶກສາດັ່ງກ່າວເຂົ້າຮ່ວມຢ່າງພ້ອມພຽງ.

  ທ່ານ ກິ່ງແກ້ວ ມາດມະນີວົງ ຫົວໜ້າຫ້ອງການອົງການໄອຍະການໄດ້ສະຫຼຸບລາຍງານຜົນສໍາເລັດການລົງຝຶກງານຂອງນັກສຶກສາຊຶ່ງທ່ານໃຫ້ຮູ້ວ່າ: ໃນໄລຍະເວລາ 6 ອາທິດ ຜ່ານມາທີ່ນັກສຶກສາລົງຝຶກງານຢູ່ ອຍກ ແຂວງ ລວມທັງໝົດມີ 33 ຄົນ, ຍິງ 14 ຄົນ, ແບ່ງເປັນ 2 ຈຸຄື: ຈຸທີ 1 ມີຈໍານວນ 16 ຄົນ, ຍິງ 7 ຄົນ,ລົງຝຶກງານໃນຄັ້ງວັນທີ 16 ມັງກອນ 2019 ແລະສິ້ນສຸດການຝຶກງານໃນວັນທີ 5 ກຸມພາ, ຈຸທີ 2 ມີຈໍານວນ 17 ຄົນ, ຍິງ 7 ຄົນລົງຝຶກງານໃນວັນທີ 6 ກຸມພາ ແລະສິ້ນສຸດການຝຶກງານໃນວັນທີ 26 ກຸມພາ 2019, ຊຶ່ງການເຄື່ອນໄຫວລົງຝຶກງານຂອງແຕ່ລະຈຸແມ່ນພາຍໃນກຳນົດ 15 ວັນລັດ ຖະການໂດຍການຜັດປ່ຽນກັນລົງປະຈໍາການຢູ່ອົງການໄອຍະການປະຊາຊົນແຂວງ ແລະສານປະຊາຊົນແຂວງ, ຊຶ່ງຄະນະຮັບຜິດຊອບນັກສຶກສາລົງຝຶກງານຄັ້ງນີ້ແຕ່ ລະສະຫາຍລ້ວນແລ້ວແຕ່ມີຄວາມຮັບ ຜິດຊອບ ແລະເອົາໃຈໃສ່ສູງໃນການ ຖ່າຍທອດບົດຮຽນໃຫ້ແກ່ນັກສຶກສາ, ແຕ່ລະຈະແໜງກໍໄດ້ເອົາໃຈໃສ່ອະທິ ບາຍບົດຮຽນທັງພາກທິດສະດີ ແລະ ພາກປະຕິບັດຕົວຈິງໃຫ້ຢ່າງລະອຽດ, ຊັດເຈນ, ເຫັນວ່າບັນດານັກສຶກສາແຕ່ ລະຄົນກໍໄດ້ເອົາໃຈໃສ່ສຶກສາຮຽນຮູ້ພາລະບົດບາດ, ສິດ ແລະໜ້າທີ່ ແລະ ບັນຫາພື້ນຖານໃນລະບົບກົງຈັກການ ຈັດຕັ້ງຂອງອົງການໄອຍະການປະ ຊາຊົນໃນ ສປປ ລາວ ແລະບັນດາຂະ ແໜງການຢູ່ພາຍໃນອົງການໄອຍະການປະຊາຊົນແຂວງ ຊຶ່ງມີທັງໝົດ 5 ຂະແໜງການ ໄດ້ເປັນຢ່າງດີ ຊຶ່ງ ມັນສະແດງອອກໃນໄລຍະການເຄື່ອນໄຫວປະຕິບັດໜ້າທີ່ຂອງນັກສຶກສາເຫັນວ່າແຕ່ລະຄົນມີຄວາມຫ້າວຫັ້ນໃນການສຶກສາຄົ້ນຄວ້າຮໍ່າຮຽນ,ປະຕິບັດໂມງເວລາຂຶ້ນ-ລົງການຢ່າງເຂັ້ມງວດພ້ອມທັງປະຕິບັດລະບຽບກົດ ໝາຍຂອງຫ້ອງການໄດ້ດີ, ເອົາໃຈ ໃສ່ຕໍ່ການປະຕິບັດໜ້າທີ່ວຽກງານຂອງ ຕົນຢ່າງເຕັມສ່ວນ ແລະເຮັດສໍາເລັດ ຕາມການມອບໝາຍຂອງຂະແໜງການມອບໃຫ້ຢ່າງມີປະສິດທິຜົນສູງ.

  ໂອກາດດັ່ງກ່າວ ທ່ານ ສໍລະເສີນສັກ ຟອງສານຸວົງ ໄດ້ເນັ້ນໃຫ້ນັກສຶກສາທຸກຄົນເອົາໃຈໃສ່ສຶກສາຄົ້ນຄວ້າຮໍ່າຮຽນຢ່າງເປັນປົກະຕິຕໍ່ເນື່ອງ, ຍົກສູງເອົາໃຈໃສ່ການຮັກສາການປະຕິບັດລະບຽບກົດໝາຍຢ່າງເຂັ້ມງວດ,ທຸກຄົນຕ້ອງຮັກສາຄຸນສົມບັດຈັນຍາບັນ ແລະຈັນຍາທໍາພ້ອມທັງຮັກສາຄວາມສາມັກຄີຢ່າງແໜ້ນແຟ້ນກວ້າງຂວາງ.

ໂດຍ: ພຸດທະສອນ

แชร์