ແຕ່ງຕັ້ງຄະນະໜ່ວຍພັກຮາກຖານດ່ານໜອງນົກຂຽນ

ຂ່າວ: ໂພທິລາດ 

ອຳນວຍການປົກຄອງແຂວງຈຳປາສັກໄດ້ປະກາດແຕ່ງຕັ້ງຄະນະໜ່ວຍພັກຮາກຖານດ່ານສາກົນໜອງນົກຂຽນສະໄໝທີ II ຂຶ້ນຢ່າງເປັນທາງການຫວັງພັກດັນໃຫ້ວຽກງານການຈັດເກັບລາຍຮັບເຂົ້າງົບປະມານໃຫ້ບຸລຸຄາດໝາຍທີ່ກຳນົດໄວ້.

ເມື່ອທ້າຍອາທິດທີ່ຜ່ານມາທີ່ຫ້ອງການດ່ານສາກົນໜອງນົກຂຽນແຂວງຈຳປາສັກ, ໄດ້ມີພິທີປະກາດບົງຕົວແຕ່ງຕັ້ງຄະນະໜ່ວຍພັກຮາກຖານດ່ານສາກົນໜອງນົກຂຽນ ມະໄໝທີ II ໂດຍການໃຫ້ກຽດເຂົ້າຮ່ວມເປັນປະທານຂອງທ່ານ ສະນັ່ນ ສີພາພົມມະຈັນ ຫົວໜ້າຄະນະຈັດຕັ້ງແຂວງຈຳປາສັກ, ມີຂະນະໜ່ວຍພັກຮາກຖານ ຄະນະຄຸ້ມຄອງດ່ານສາກົນໜອງນົກຂຽນ ແລະບັນດາທ່ານແຂກຜູ້ໃຫຍ່ທີ່ກ່ຽວຂ້ອງເຂົ້າຮ່ວມ.

ໃນພິທີ ທ່ານ ສີທັດ ປັດສາພົນ ຮອງຄະນະຈັດຕັ້ງແຂວງໄດ້ຂຶ້ນຜ່ານມະຕິຕົກລົງຂອງຄະນະປະຈຳພັກແຂວງວ່າດ້ວຍການອະນຸມັດບົ່ງຕົວແຕ່ງຕັ້ງຄະນະໜ່ວບຍພັກຮາກຖານດ່ານສາກົນໜອງນົກຂຽນ, ໂດຍເຫັນດີແຕ່ງຕັ້ງທ່ານ ພັນໂທ ສຸລິເດດ ວົງສັກເມືອງ ເປັນເລຂາໜ່ວຍພັກຮາກຖານ ແລະທ່ານ ບຸນສະກອນ ເກດມາລາ ເປັນຮອງເລຂາໜ່ວຍພັກຮາກຖານ.

ໃນໂອກາດດັ່ງກ່າວຫົວໜ້າຄະນະຈັດຕັ້ງແຂວງຈຳປາສັກກໍໄດ້ມີຄຳເຫັນໂອ້ລົມຄະນະໜ່ວຍພັກຮາກຖານດ່ານຕ້ອງໄດ້ສືບຕໍ່ຊີ້ນຳ-ນຳພາທຸກຂະແໜງການພາຍໃນດ່ານໃຫ້ເອົາໃຈໃສ່ປະຕິບັດໜ້າທີ່ຢ່າງເຂັ້ມງວດ ແລະຈັດເກັບລາຍຮັບເຂົ້າງົບປະມານໃຫ້ໄດ້ຕາມແຜນການທີ່ຂັ້ນເທີງມອບໝາຍໃຫ້, ພ້ອມຕັ້ງໜ້າເປັນເຈົ້າການປັບປຸງການຈັດຕັ້ງໃຫ້ມີຄວາມເຂັ້ມແຂງ, ສ້າງເງື່ອນໄຂສະພາບແວດລ້ອມເອື້ອອຳນວຍຄວາມສະດວກໃຫ້ວ່ອງໄວເຊື່ອມໂຍງກັບອະນຸພາກພື້ນ ແລະສາກົນ.

• 09/12/2021