ຟາໂນລາ ບິວຕີ້ ເຊັນເຕີ້ ເຊັນສັນຍາ 30 ບໍລິສັດ

ຂ່າວ: ບຸນນິກ

ທ້າຍທິດຜ່ານມາທີ່ຮ້ານ FANOLA Beauty Center ຊຶ່ງຕັ້ງຢູ່ສູນການຄ້າພາກຊັນໄດ້ມີພິທີເຊັນສັນຍາຮ່ວມທຸລະກິດລະຫວ່າງຮ້ານ FANOLA Beauty Center ແລະຄູ່ຮ່ວມທຸລະກິດຊຶ່ງໃນພິທີດັ່ງກ່າວໄດ້ປະກອບມີບັນດາບໍລິສັດຜູ້ນຳເຂົ້າ ແລະ ຈັດຈຳໜ່າຍເຄື່ອງສຳອາງແບຣນຕ່າງໆ ພາຍໃນລາວເຂົ້າຮ່ວມງານຫຼາຍກວ່າ 30 ບໍລິສັດ, ພິທີເຊັນສັນຍາຄັ້ງນີ້ມີຈຸດປະສົງເພື່ອເປັນການຕົກລົງໃນການຮ່ວມມືກັນໃນການສະໜອງສິນຄ້າທີ່ມີຄຸນນະພາບ, ຊື້-ຂາຍ ແລະໃນການຮ່ວມມືທາງດ້ານການຕະຫຼາດຮ້ານ FANO LA Beauty Center ເປັນຮ້ານເຄື່ອງສຳອາງທີ່ທັນສະໄໝຈຳໜ່າຍສິນຄ້າຄຸນນະພາບລະດັບເຄົ້າເຕີ້ແບຣນຊຶ່ງນຳເຂົ້າໂດຍຕົງຈາກແບຣນຊັ້ນນຳທົ່ວໂລກພ້ອມດຽວກັນນັ້ນກໍ່ຍັງສົ່ງເສີມຜູ້ປະກອບການ, ຜູ້ຈຳໜ່າຍເຄື່ອງສຳອາງພາຍໃນປະເທດໂດຍສະເພາະແມ່ນແບຣນຂອງຄົນລາວທີ່ຮ້ານຂອງພວກເຮົາໃຫ້ບຸລິມະສິດພິເສດ. ຮ້ານ FANOLA Beauty Center ມີເນື້ອທີ່ 170m2 ຊຶ່ງຕັ້ງຢູ່ ຊັ້ນ 1 ຂອງສູນການຄ້າພາກຊັນເປີດທຸກວັນຈັນເຖິງວັນອາທິດ,

ເວລາ 9:30-19:00 ໂມງ. ຮ້ານ FANOLA Beauty Center ໄດ້ມີການຮ່ວມມືກັບສູນການຄ້າພາກຊັນໃນການທີ່ຈະພັດທະນາເປັນຜູ້ນຳທາງດ້ານເຄື່ອງສຳອາງຄຸນນະພາບລະດັບເຄົ້າເຕີ້ແບຣນທີ່ໃຫຍ່ແລທັນສະໄໝທີ່ສຸດພຽງໜຶ່ງດຽວໃນສູນການຄ້າພາກຊັນກໍ່ຄືໃນນະຄອນຫຼວງວຽງຈັນ ພວກເຮົາມີເປົ້າໝາຍໃນການສະໜອງສິນຄ້າທີ່ມີຄຸນນະພາບສູງຈາກແບຣນຊັ້ນນຳຂອງໂລກໃນລາຄາທີ່ສາມາດຈັບຕ້ອງໄດ້ ຫຼືໃນລາຄາທີ່ທຽບເທົ່າເໝືອນໄປຊື້ຢູ່ຕ່າງປະເທດໂດຍຕົງພ້ອມດຽວກັນຮ້ານ FANOLA Beauty Center ກໍ່ມີນະໂຍບາຍພິເສດໃຫ້ແກ່ຜູ້ປະກອບການພາຍໃນລາວໂດຍສະເພາະແບຣນໃນລາວຕ່າງໆ, ປະຈຸບັນຮ້ານ FANOLA Beauty Center ໄດ້ຮ່ວມມືກັບແບຣນຊັ້ນນຳລະດັບໂລກຫຼາຍກວ່າ 30 ແບຣນເຊັ່ນ: Gucci, Lamer, SK-II, Chanel, Lancome, Estee Lauder ແລະອື່ນໆ. ແບຣນລາວເຊັ່ນ: DeeLight ຫຼວງພະບາງ, Malika, Jenny Brand ແລະອື່ນໆ. ແບຣນຈາກປະເທດໄທເຊັ່ນ:  Srichand, Mistine, Beauty Buffet ແລະອີກຫຼາຍໆແບຣນທັງເກົາຫຼີ, ຍີ່ປຸ່ນຈາກທົ່ວທຸກມຸມໂລກ.

ພິທີເຊັນສັນຍາຄັ້ງນີ້ເປັນນິມິດໝາຍເລີ່ມຕົ້ນໃໝ່ຂອງການຮ່ວມມືກັນລະຫວ່າງຮ້ານຄ້າ ແລະແບຣນຕ່າງໆ ຊຶ່ງເປັນປະກົດການຮ່ວມມືທີ່ດີ ແລະຄາດວ່າຈະສາມາດກະຕຸ້ນວຽກງານເຄື່ອງສຳໃຫ້ນັບມື້ນັບຄຶກຄັກຂຶ້ນກວ່າເກົ່າ.

แชร์