ຍ້ອນພັກ-ລັດສົ່ງເສີມຊັບມະຫາໄຊ ອະສັງຫາລິມະຊັບເຕີບໃຫຍ່

ຕະຫຼອດໄລຍະຜ່ານມາຍາມໃດພັກ-ລັດຖະບານກໍ່ໄດ້ທິດຊີ້ນຳນຳພາ ແລະຄຽງຄູ່ສົ່ງເສີມນັກທຸລະກິດໃຫ້ປະສົບຜົນສຳເລັດເປັນທີ່ຍອມຮັບຮູ້ຈັກພາຍໃນ ແລະສາກົນເຊັ່ນດຽວກັບທາງບໍລິສັດຊັບມະຫາໄຊອະສັງຫາລິມະຊັບພາຍໃຕ້ຈາກທິດຊີ້ນຳພັກລັດເຮັດໃຫ້ບໍລິສັດມີການເຕີບໃຫຍ່ເປັນທີ່ຮູ້ຈັກປະຈຸບັນ.

ທ່ານ ນາງ ພານິວັນ ລັດຕະນະໂກສົນ ປະທານບໍລິສັດຊັບມະຫາໄຊອະສັງຫາລິມະຊັບໃຫ້ສຳພາດກັບນັກຂ່າວໜັງສືພິມເສດຖະກິດ-ສັງຄົມຮູ້ວ່າ: ເນື່ອງຈາກວັນຊາດນີ້ທາງບໍລິສັດກໍ່ມີຄວາມຮູ້ບຸນຄຸນເເກ່ພັກ-ລັດທີ່ຍາມໃດກໍ່ໃຫ້ທິດຊີ້ນຳນຳພາຕະຫຼອດມາສະນັ້ນເນື່ອງໃນວັນຊາດທີ 2 ທັນວາ ທີ່ໝູນວຽງມາຄົບຮອບ 46 ຂໍອວຍພອນໄຊແດ່ທ່ານຜູ້ນຳພັກ-ລັດພະນັກງານທະຫານຕຳຫຼວດຜູ້ອອກແຮງງານ ແລະປະຊາຊົນທຸກໆຄົນໃນປະເທດເຮົາໃຫ້ປະສົບຜົນສຳເລັດກ້າວໜ້າໃນໜ້າທີ່ວຽກງານ ແລະມີພາລານາໄມທີ່ເຂັ້ນແຂງສອງທັນວາ ຄົບຮອບ 46 ໝັ້ນຢືນ.

ປະຈຸບັນຍຸກນີ້ເປັນຍຸກໄໝ່ພາຍໃຕ້ການນຳພາຂອງພັກ-ລັດ, ເພິ່ນມີນະໂຍບາຍສູງໃຫ້ສິດສະເໝີການຮຽນຮູ້, ການເຮັດທຸລະກິດ, ການນຳພາຕ່າງໆ ສາມາດເປັນຜູ້ນຳພາບໍລິຫານວຽກງານໄດ້ເປັນທີ່ເພິ່ງຂອງອົງກອນໄດ້ ແລະສາມາດສ້າງລາຍໄດ້ເຂົ້າມາລໍ່ລ້ຽງອົງກອນໄດ້ທຸກພາກສ່ວນໃນການບໍລິຫານທຸລະກິດ.

ສຳລັບການເຮັດທຸລະກິດທີ່ປະສົບຜົນສໍາເລັດແນ່ນອນພວກເຮົາຕ້ອງມີອຸປະສັກ ແລະຄູ່ແຂງອັນມະຫາສານແຕ່ພວກເຮົາກໍ່ມີການວິເຄາະຮອບດ້ານ ແລະ ເປັນຈຸດແຂງຂອງພວກເຮົາກໍ່ຄື: ຜູ້ບໍລິຫານຕ້ອງຮັບພິຊອບສູງໃນການຕັດສີນໃຈຕໍ່ວຽກງານ, ສໍາຄັນຖ້າຮັບປາກແລ້ວຕ້ອງເຮັດວຽກໃຫ້ສໍາເລັດຕາມສັນຍາທີ່ໄດ້ຕົກລົງກັນ ແລະເປັນຄົນສັດຊື່ຕໍ່ຜູ້ຮ່ວມງານເວົ້າຄໍາໃດແລ້ວຕ້ອງປະຕິບັດ, ລົງມືກະທໍາຕາມວຽກທີ່ໄດ້ຕົກລົງກັນ ແລະຕ້ອງເຮັດໃຫ້ສໍາເລັດ.

ສຸດທ້າຍຢາກຝາກນັກທຸລະກິດໂດຍສະເພາະດ້ານອະສັງຫາຢາກໃຫ້ທຸກຄົນມີຈຸດຢືນຂອງຕົວເອງຕັ້ງເປົ້າໝາຍໃນຊີວິດໄວ້ຊັດເຈນເຊັ່ນຕ້ອງມີຄວາມກ້າຄິດ ແລ້ວລົງມືທຳເທົ່ານັ້ນທີ່ຈຶ່ງສຳເລັດປະສົບການສອນໃຜບໍ່ໄດ້ແຕ່ສາມາດຮຽນຮູ້ໃຫ້ມີປະສົບການໄດ້ “ທຸກຄົນສາມາດເປັນອັດສະລິຍະໄດ້ດ້ວຍພະລັງບວກໃນຕົວຂອງເຮົາເອງ” ຢາກສຳເລັດຕ້ອງເບິ່ງແບບຢ່າງດ້ານດີຂອງຄົນທີ່ສຳເລັດຢາກໃຫ້ທຸກທ່ານເບິ່ງໂລກໃນແງ່ບວກ, ຄິດບວກ, ພະລັງບວກຈະພາໃຫ້ເຮົາສຳເລັດໄວຂຶ້ນ ແລະເຄົາລົບນັບຖືຜູ້ມີພະຄຸນສະເໝີເປັນຕົ້ນແມ່ນຜູ້ໃຫ້ກຳເນີດພໍ່-ແມ່ສຸດທ້າຍນີ້ຂໍອວຍພອນໄຊໃຫ້ທຸກທ່ານຈົ່ງມີແຕ່ຄວາມປະສົບຜົນສຳເລັດດ້ວຍດີໃນໜ້າວຽກຂອງທ່ານ.

ຂ່າວ: ບຸນນິກ

แชร์