2 ສະມາຄົມນັກຂ່າວລາວ - ຈີນ ຈັດຊຸດສຳມະນາ

ຂ່າວ: ບຸນນິກ  

  ວັນທີ 30 ພະຈິກ 2021 ສະມາຄົມນັກຂ່າວແຫ່ງ ສປ ຈີນ ແລະສະມາຄົມນັກຂ່າວ ແຂວງຢຸນນານ ຮ່ວມກັບສະມາຄົມນັກຂ່າວແຫ່ງ ສປປ ລາວ ຈັດຊຸດສໍາມະນາທາງໃກ ແລະການທັດສະນະສຶກສາແນໃສ່ເພື່ອຍົກລະດັບ ແລະທັດທະນາສື່ແບບໃໝ່ໂດຍຈະຮ່ວມກັນປຶກສາຫາລືໃນຫົວຂໍ້ທີ່ສໍາຄັນຕ່າງໆ ທີ່ປິ່ນອ້ອມ “ມິດຕະພາບ ລາວ-ຈີນ ແລະການເປີດລົດໄຟລາວ-ຈີນ” ໂດຍການເປັນປະທານຂອງ ທ່ານ ສະຫວັນຄອນ ຣາຊມຸນຕຣີ ປະທານສະມາຄົມນັກຂ່າວແຫ່ງ ສປປ ລາວ, ທ່ານ ຖຽນ ອີ້ຫົງ ເລຂາທິການສະມາຄົມນັກຂ່າວແຫ່ງປະເທດຈີນ ແລະທ່ານ ສູ ຖີອີ້ ປະທານສະມາຄົມນັກຂ່າວແຂວງຢຸນນານ.

ທ່ານ ສະຫວັນຄອນ ໄດ້ກ່າວວ່າ: 2 ປີຜ່ານມາ, ມວນມະນຸດທົ່ວໂລກກໍ່ຄືປະຊາຊົນລາວໄດ້ຮັບຜົນກະທົບຢ່າງໜັກໜ່ວງຈາກການລະບາດຂອງພະຍາດໂຄວິດ-19, ແຕ່ລັດຖະບານ ແລະປະຊາຊົນຈີນກໍ່ໄດ້ເຕັມໃຈໃຫ້ການຊ່ວຍເຫລືອອັນລໍ້າຄ່າ ແລະທັນສະພາບການປະກອບສ່ວນຊ່ວຍເຫຼືອ ສປປ ລາວ ສະກັດກັ້ນ ແລະປ້ອງກັນພະຍາດໂຄວິດ-19 ດ້ວຍດີຕະຫຼອດມາ. ພ້ອມນັ້ນ, ທັງສອງຊາດພວກເຮົາກໍ່ຍັງສືບຕໍ່ຖະນຸບໍາລຸງສາຍພົວພັນ ແລະການຮ່ວມມືທີ່ດີ. ພິເສດ, ພັກ-ລັດຖະບານ ແລະປະຊາຊົນຈີນ ກໍ່ໄດ້ໃຫ້ການຊ່ວຍເຫຼືອອັນລໍ້າຄ່າຫຼາຍດ້ານແກ່ ສປປ ລາວ ໂດຍສະເພາະການຈັດຕັ້ງຜັນຂະຫຍາຍຂໍ້ລິເລີ່ມ “ໜຶ່ງ ແລວໜຶ່ງເສັ້ນທາງ” ກັບຍຸດທະສາດຫັນ ເປັນປະເທດທີ່ບໍ່ມີທາງອອກສູ່ທະເລ, ໂດຍໄດ້ເລັ່ງລັດເຊື່ອມໂຍງເຂົ້າກັບເສັ້ນ ທາງລົດໄຟ ລາວ-ຈີນ ແລະຈີນ-ລາວ ຊຶ່ງແມ່ນເສັ້ນທາງລົດໄຟທີ່ທັນສະໄໝ ສາຍທໍາອິດໃນອາຊີອາຄະເນ ແລະທົດລອງນໍາໃຊ້ພາຍໃຕ້ “ຂະບວນລ້ານຊ້າງ” ແລະໃນວັນຊາດທີ 2 ທັນວາ ຄົບຮອບ 46 ປີ; ການນໍາຂັ້ນສູງຂອງ2 ພັກ ແລະ 2 ລັດລາວ-ຈີນ ກໍ່ຈະໄດ້ຮ່ວມກັນເປີດການນໍາໃຊ້ໂຄງການລົດໄຟລາວ-ຈີນ ຢ່າງເປັນທາງການ, ນີ້ແມ່ນເປັນສັນຍາລັກແຫ່ງສາຍພົວພັນມິດຕະພາບອັນເປັນມູນເຊື້ອ ແລະ ການຮ່ວມມືແບບຄູ່ຮ່ວມຍຸດທະສາດຮອບດ້ານໝັ້ນຄົງຍາວນານຕາມທິດ 4 ດີ, ຄູ່ຮ່ວມຊາຕາກໍາສັງຄົມນິຍົມ ລາວ-ຈີນ ລະຫວ່າງສອງພັກ, ສອງລັດ ແລະປະຊາຊົນສອງຊາດລາວ ແລະຈີນຈົ່ງໝັ້ນຄົງທະນົງແກ່ນ ແລະສວຍສົດງົດງາມຍິ່ງໆຂຶ້ນ.

ທ່ານ ສະຫວັນຄອນ ກ່າວຕື່ມວ່າ: ການເປີດຊຸດສໍາມະນາ ແລະການທັດສະນະສຶກສາທີ່ຈັດຂຶ້ນໃນຄັ້ງນີ້, ມີຄວາມສໍາຄັນຫຼາຍຕໍ່ນັກຂ່າວລາວເພາະເປັນການຊ່ວຍຍົກລະດັບ ແລະພັດທະນາສື່ແບບໃໝ່ໃນການຮ່ວມກັນປຶກສາຫາລືໃນຫົວຂໍ້ທີ່ສໍາຄັນຕ່າງໆທີ່ປິ່ນອ້ອມ “ມິດຕະພາບລາວ-ຈີນ ແລະການເປີດລົດໄຟ ລາວ-ຈີນ” ທັງເປັນການສ້າງສື່ແບບໃໝ່ໃຫ້ເປັນສື່ກະແສຫລັກດ້ວຍການຂຽນບົດຂ່າວ-ບົດຄວາມ-ບົດວິເຄາະຕ່າງໆທີ່ຕິດພັນກັບການຮ່ວມມືລາວ-ຈີນ.

ທ່ານ ຖຽນ ອີ້ຫົງ ໄດ້ກ່າວວ່າ: ປີນີ້ ແມ່ນປີແຫ່ງປະເທດລາວ ແລະປະເທດຈີນໄດ້ສ້າງສາຍພົວພັນທາງການທູດຄົບຮອບ 60 ປີພ້ອມທັງເປັນປີມິດຕະພາບລາວ-ຈີນ ຄົບຮອບ 60 ປີ ເພື່ອເຮັດໃຫ້ນັກຂ່າວລາວໄດ້ສໍາຜັດຕົວຈິງເຖິງຄວາມຈິງໃຈຂອງສື່ມວນຊົນຈີນ, ຊຸກຍູ້ການແລກປ່ຽນ, ລົງເລິກຄວາມເຂົ້າໃຈ, ຂະຫຍາຍຄວາມເຫັນເປັນເອກະພາບກັນໃຫ້ກວ້າງຂວາງ ແລະ ເພີ່ມທະວີມິດຕະພາບອັນເປັນມູນເຊື້ອທີ່ດີງາມລະຫວ່າງສອງປະເທດໃຫ້ແໜ້ນແຟ້ນຂຶ້ນກວ່າເກົ່າ, ເນື່ອງໃນໂອກາດທີ່ເສັ້ນທາງລົດໄຟລາວ-ຈີນ ໃກ້ຈະເປີດການບໍລິການນີ້, ສໍານັກຂ່າວປະເທດຈີນຈຶ່ງໄດ້ເຊື້ອເຊີນນັກຂ່າວລາວ 20 ກວ່າຄົນ ໄປທັດສະນະສຶກສາຕົວຈິງເສັ້ນທາງລົດໄຟ ລາວ-ຈີນ (ຕອນປະເທດລາວ) ໃນຮູບແບບຂອງການຈັດ “ຊຸດສໍາມະນານັກຂ່າວລາວ”, ໂດຍປິ່ນອ້ອມຫົວຂໍ້ມິດຕະພາບລາວ-ຈີນ ແລະການເປີດລົດໄຟລາວ-ຈີນ ຊຶ່ງທັງສອງຝ່າຍຈະແລກປ່ຽນຂໍ້ມູນຂ່າວສານ, ບົດຂ່າວ ແລະເຮັດວຽກການລາຍງານຂ່າວຮ່ວມກັນ.

แชร์