ກູເກິລພັດທະນາລະບົບສັ່ງການສະມາດໂຟນ ດ້ວຍສີໜ້າເພື່ອຄົນພິການ

ກູເກິລລະບຸວ່າຜູ້ທີ່ມີຄວາມບົກພ່ອງທາງຮ່າງກາຍ ແລະການເວົ້າຈະສາມາດໃຊ້ສະມາດໂຟນທີ່ມີລະບົບປະຕິບັດການແອນດຣອຍໄດ້ແບບໄຮ້ການສຳຜັດຜ່ານການໃຊ້ສີໜ້າທ່າທາງຕ່າງໆໄດ້ຕາມລາຍງານຂອງເອເອຟພີ.

ກູເກິລເປີດເຜີຍວ່າທຸກວັນນີ້ຜູ້ຄົນໃຊ້ລະບົບການສັ່ງການດ້ວຍສຽງດັ່ງ “Hey Google” ຫຼືໃຊ້ມືຄວບຄຸມສະມາດໂຟນຢ່າງໃດກໍ່ຕາມສິ່ງນີ້ອາດເປັນໄປບໍ່ໄດ້ສຳລັບຜູ້ທີ່ມີການບົກພ່ອງທາງການເຄື່ອນໄຫວ ແລະການເວົ້າຊຶ່ງການສ້າງລະບົບປະຕິບັດການແອນດຣອຍໃຫ້ທຸກຄົນສາມາດໃຊ້ງານໄດ້ນັ້ນກູເກິລຈະພັດທະນາເຄື່ອງມືໃໝ່ເພື່ອໃຫ້ງ່າຍຕໍ່ການຄວບຄຸມສະມາດໂຟນ ແລະການສື່ສານຜ່ານການສະແດງສີໜ້າຕ່າງໆບົນສະມາດໂຟນ ແລະຕອນນີ້ທຸກຄົນສາມາດໃຊ້ການເຄື່ອນໄຫວຂອງດວງຕາ ແລະໃບໜ້າເພື່ອຄວບຄຸມສະມາດໂຟນໄດ້ນອກເໜືອຈາກການໃຊ້ມື ແລະສຽງແລ້ວດ້ວຍລະບົບການສັ່ງການເພື່ອຄົນພິການນີ້ກູເກິລໄດ້ໃຊ້ລະບົບ machine learning ແລະການທຳງານຂອງກ້ອງໜ້າຂອງສະມາດໂຟນ ແລະເລືອກໂໝດຄຳສັ່ງຕ່າງໆໄດ້ດ້ວຍການຍິ້ມຍິກຄິ້ວອ້າປາກ ຫຼືຈະໃຊ້ການມອງໄປທາງຊ້າຍທາງຂວາ ຫຼືແນມຂຶ້ນກ່ໍໄດ້ໂດຍຟີເຈີໃໝ່ເພື່ອຄົນພິການອັນທຳອິດເອີ້ນວ່າ” Camera Switches ຊຶ່ງຈະຊ່ວຍໃຫ້ຜູ້ໃຊ້ສະແດງສີໜ້າແທນການໃຊ້ນິ້ວມືກົດ ຫຼືເລື່ອນໄປເທິງໜ້າຈໍສ່ວນອີກຟີເຈີຄື Activate ເປັນແອພພລິເຄຊັນແອນດຣອຍທີ່ຜູ້ໃຊ້ສະແດງທ່າທາງເພື່ອອອກຄຳສັ່ງກັບສະມາດໂຟນໄດ້ເຊັ່ນສົ່ງຂໍ້ຄວາມ ຫຼືໂທອອກ”.

แชร์