ທາງລົດໄຟລາວ-ຈີນ ຈະເປັນເຄື່ອງຈັກ ຂັບເຄື່ອນເສດຖະກິດ-ສັງຄົມລາວ

ຍັງອີກບໍ່ພໍເທົ່າໃດມື້ນີ້ກໍຮອດມື້ທີ່ປະຊາຊົນລາວທັງຊາດລໍຄອຍຄືການເປີດໃຊ້ເປັນທາງການລົດໄຟລາວ-ຈີນ “ສຽງລົດໄຟດັງຂື້ນ, ນຳພາເງິນຄໍາໄຫຼມາ” ແລະເມື່ອທາງລົດໄຟກໍ່ສ້າງສໍາເລັດ ແລະເປີດໃຫ້ບໍລິການ, ທາງລົດໄຟລາວຈີນຈະເປັນດັ່ງເຄື່ອງຈັກທີ່ຂັບເຄື່ອນເສດຖະກິດ-ສັງຄົມລາວ ໃຫ້ກ້າວສູ່ການພັດທະນາຢ່າງບໍ່ຢຸດຢັ້ງໃນອານາຄົດ.

ບົດຄົ້ນຄວ້າ, ບົດວິໄຈກ່ຽວກັບຜົນປະໂຫຍດຂອງການນໍາໃຊ້ເສັ້ນທາງລົດໄຟລາວ-ຈີນ ເປັນຕົ້ນການພັດທະນາເສດຖະກິດ-ສັງຄົມ, ການທ່ອງທ່ຽວ, ການຂົ່ນສົ່ງສິນຄ້າ, ການຊຸກຍູ້ການຜະລິດກະສິກຳເປັນສິນຄ້າ ແລະ ຂໍ້ມູນອື່ນໆ ທີ່ກ່ຽວຂ້ອງຊີ້ໃຫ້ເຫັນວ່າ: ໂຄງການລົດໄຟລາວ-ຈີນເປັນສັນຫຼັງທີ່ສຳຄັນຂອງແລວເສັ້ນທາງເສດຖະກິດ ລາວ-ຈີນ, ພ້ອມນັ້ນໂຄງການລົດໄຟລາວ-ຈີນ ຍັງເປັນມາດຕະການໜຶ່ງທີ່ສຳຄັນໃນການຈັດຕັ້ງຜັນຂະຫຍາຍແຜນແມ່ບົດວ່າດ້ວຍການສ້າງຄູ່ຮ່ວມຊະຕາກຳ ລາວ-ຈີນ ໃຫ້ໄດ້ປະກົດຜົນເປັນຈິງ ແລະ ເປັນສັນຍະລັກໃໝ່ແຫ່ງສາຍພົວພັນມິດຕະພາບລາວຈີນທີ່ມີມູນເຊື້ອມາແຕ່ດົນນານ. ເປັນກໍາລັງຂັບເຄື່ອນໃນການພັດທະນາເສດຖະກິດ-ສັງຄົມ ສປປ ລາວ ກ້າວສູ່ທັນສະໄໝ. 

ສປປ ລາວ ມີປະຫວັດສາດອັນຍາວນານ, ມີທີວທັດທີ່ງົດງາມ, ມີຊັບພະຍາກອນທີ່ອຸດົມສົມບູນລົດໄຟລາວ-ຈີນຈະຫັນປະເທດລາວຈາກ “ປະເທດທີ່ບໍ່ມີຊາຍແດນຕິດກັບທະເລ ໃຫ້ກາຍເປັນປະ ເທດເຊື່ອມຈອດ”, ເປັນດັ່ງ “ກຸນແຈ ຄໍາ” ທີ່ເຊື່ອມໂຍງປະເທດຈີນ ກັບບັນດາ ປະເທດໃນກຸ່ມອາຊຽນ, ເປັນການເປີດສັງກາດໃໝ່ໃຫ້ແກ່ກຳລັງບົ່ມຊ້ອນຂອງ ສປປ ລາວ, ໃຫ້ ສປປ ລາວ ກ້າວເຂົ້າສູ່ບາດກ້າວແຫ່ງການຂົນສົ່ງດ້ວຍຕົ້ນທຶນທີ່ຕໍ່າ ແລະປະສິດທິຜົນສູງ, ກະຕຸ້ນໃຫ້ ສປປ ລາວ ເຂົ້າສູ່ຍຸກແຫ່ງການຂັບເຄື່ອນເສດຖະກິດດ້ວຍການຂົນສົ່ງລົດໄຟ, ສ້າງຄວາມສະດວກສະບາຍໃນການໄປມາຫາສູ່ຂອງປະຊາຊົນ, ການຂົນສົ່ງສິນສິນຄ້າໂດຍສານມີຄວາມສະດວກວ່ອງໄວ ແລະມີປະສິດທິພາບສູງ.

ດັ່ງຄຳເວົ້າທີ່ວ່າ “ສຽງລົດໄຟດັງຂື້ນ, ນຳພາເງິນຄໍາໄຫຼມາ”ເມື່ອທາງລົດໄຟກໍ່ສ້າງສໍາເລັດ ແລະເປີດໃຫ້ບໍລິການ, ທາງລົດໄຟລາວ-ຈີນ ຈະເປັນດັ່ງເຄື່ອງຈັກທີ່ຂັບເຄື່ອນເສດຖະກິດ-ສັງຄົມລາວ ໃຫ້ກ້າວສູ່ການພັດທະນາ, ລົດໄຟ EMU ຂະບວນ “ລ້ານຊ້າງ” ທີ່ໂລດແລ່ນຢູ່ເທິງແຜ່ນດິນລາວຈະນຳພາປະຊາຊົນລາວບັນດາເຜົ່າກ້າວເຂົ້າສູ່ອະນາຄົດທີ່ຜາສຸກຍິ່ງໆຂື້ນ.

• 30/11/2021