ສີອຳພອນ ນໍາເຂົ້າລົດບັນທຸກ 22 ຄັນ ເພື່ອຂົນສົ່ງນໍ້າມັນ

ຂ່າວ: ໂພທິລາດ

 ເປັນຂ່າວດີຫລາຍສໍາລັບຜູ້ອຸປະໂພກນໍ້າມັນໃນ ສປປ ລາວ ທີ່ຈະມີໂອກາດໄດ້ໃຊ້ນໍ້າມັນທີ່ມີຄຸນນະພາບສູງທີ່ສໍາຄັນຄືລາຄາອາດຈະຫຼຸດຈາກປົກຄະຕິຫຼັງຈາກທີ່ບໍລິສັດ ສີອໍາພອນ ຂາອອກ-ຂາເຂົ້າ ຈໍາກັດຜູ້ດຽວ ໄດ້ມີການນໍາເຂົ້າລົດບັນທຸກຈໍານວນ 22 ຄັນ ເພື່ອຮັບໃຊ້ຂົນສົ່ງນໍ້າມັນດີບຈາກ ສສ ຫວຽດນາມ ເພື່ອມາຜະລິດນໍ້າມັນທີ່ມີຄຸນນະພາບອອກຮັບໃຊ້ສັງຄົມ ແລະຄາດວ່າສາມາດຫຼຸດຜ່ອນການນໍາເຂົ້າໄດ້ເຖິງ 60% ຂອງການຊົມໃຊ້ນໍ້າມັນໃນທົ່ວປະເທດ.

ພິທີມອບດັ່ງກ່າວໄດ້ມີຂຶ້ນໃນວັນທີ 27 ພະຈິກ 2021 ຢູ່ທີ່ເດີ່ນທາດຫຼວງນະຄອນຫຼວງວຽງຈັນ ລະຫວ່າງບໍລິສັດສີອໍານໍາພອນ ຂາອອກ-ຂາເຂົ້າ ຈໍາກັດຜູ້ ແລະບໍລິສັດການຄ້າຂົນສົ່ງ ຈໍາກັດຜູ້ດຽວ, ຊຶ່ງເຂົ້າໃນພິທີມີປະທານ, ຮອງປະທານ ແລະຜູ້ອໍານວຍ ແລະພະນັກງານວິການເຂົ້າຮ່ວມພາຍໃນສອງບໍລິສັດເຂົ້າຮ່ວມ.

ໃນພິທີທ່ານ ສຸກສາຄອນ ປະທານບໍລິສັດ ສີອໍາພອນ ຂາອອກ-ຂາເຂົ້າ ຈໍາກັດ ໄດ້ກ່າວວ່າ: ບໍລິສັດສີອໍາພອນແມ່ນໄດ້ເຮັດທຸລະກິດໃນການນໍາເຂົ້ານໍ້າມັນທີ່ມີຄຸນນະພາບຈາກຕ່າງປະເທດມາຫຼາຍປີ, ຖືວ່າເປັນບໍລິສັດເອກະຊົນທີ່ໃຫຍ່ສຸດໃນການສະໜອງນໍ້າມັນໃນຢູ່ແຂວງຈໍາປາສັກ ແລະບັນດາແຂວງອ້ອມຂ່າງ, ນອກຈາກນີ້ຍັງໄດ້ມີການກໍ່ສ້າງໂຮງງານແກັດລະດັບທີ່ໃຫຍ່ໃນແຂວງຈໍາປາສັກເພື່ອສະໜອງການບໍລິການໃຫ້ກັບສັງຄົມ, ເພື່ອຂະຫຍາຍຖານບໍລິການໃຫ້ມີຄວາມສະດວກ ແລະມີຄວາມແທດເໝາະກັບສະພາບເສດຖະກິດໃນປະຈຸບັນດັ່ງນັ້ນບໍລິສັດຈຶ່ງໄດ້ຕັດສິນໃຈນໍາເຂົ້ານໍ້າມັນດິບຈາກ ສສ ຫວຽດນາມ ດ້ວຍການນໍາເຂົ້າລົດບັນທຸກຂະໜາດໃຫຍ່ຈໍານວນ 22 ຄັນ ເພື່ອຂົນສົ່ງນໍ້າມັນດິບຈາກຫວຽດເຂົ້າມານະຄອນຫຼວງວັນຈັນກໍ່ຄືບໍລິສັດ ເປໂຕຼເຄມີ ລາວ ຈຳກັດ ເພື່ອທໍາການຜະລິດນໍ້າມັນທີ່ມີຄຸນນະພາບອອກຮັບໃຊ້ສັງຄົມ ແລະຈະສາມາດຫຼຸດຜ່ອນການນໍາເຂົ້າໄດ້ເຖິງ 60% ແລະທີ່ສໍາຄັນລາຄາອາດຈະຫຼຸດລົງຈາກປົກຄະຕິ.

แชร์