ນວ ເປີດເສຍຄ່າທາງ ແລະ ທີ່ດິນຜ່ານທະນາຄານ

 ໃນວັນທີ 14 ມີນາ 2019 ທີ່ຫ້ອງວ່າການປົກຄອງນະຄອນຫຼວງວຽງຈັນ (ນວ), ສ່ວຍສາອາກອນປະຈໍານະຄອນຫຼວງວຽງຈັນ ຮ່ວມກັບທະນະຄານການຄ້າຕ່າງປະເທດລາວມະຫາຊົນ (ທຄຕລ), ຄະນະນໍາອໍານາດການປົກ ຄອງນະຄອນ ນວ ເປີດຂະບວນການເສຍຄ່າທໍານຽມທາງ ແລະພາສີທີ່ດິນຜ່ານລະບົບທະນ າຄານປະຈໍາປີ 2019 ຂຶ້ນ ໂດຍການເຂົ້າຮ່ວມຂອງທ່ານ ແກ້ວພິລາວັນ ອາໄພລາດ ຮອງເຈົ້າຄອງນະຄອນຫຼວງວຽງຈັນ, ທ່ານ ສີລິລາດ ທົງສິນ ທອງເພັງ ຫົວໜ້າສ່ວຍສາອາກອນ ນວ ທ່ານ ວຽງສຸກ ຈຸນທະວົງ ຮອງຜູ້ອໍານວຍການທະນາຄານການຄ້າຕ່າງປະເທດລາວ,ມີບັນດາພະນັກງານຫຼັກແຫຼ່ງຈາກຂະ ແໜ ງສ່ວຍສາອາກອນ ແລະຫ້ອງວ່າການປົກຄອງ ນວ ເຂົ້າຮ່ວມ.

  ທ່ານ ແກ້ວພິລາວັນ ອາໄພລາດ ໃຫ້ຮູ້ວ່າ: ເພື່ອປະຕິບັດຕາມຄາດໝາຍສູ້ຊົນຂອງພັກ-ລັດແຕ່ນີ້ຫາ 2020 ໃຫ້ປະເທດລາວຫຼຸດພົ້ນອອກຈາກສະພາບດ້ອຍພັດທະນາກາຍເປັນປະເທດທີ່ພັດທະນາເຮັດໃຫ້ເສດຖະກິດຂະຫຍາຍຕົວຢ່າງຕໍ່ເນື່ອງປະເທດລາວມີຄວາມຮັ່ງມີເຂັ້ມແຂງ, ປະຊາຊົນມີຄວາມຜາສຸກ, ສັງຄົມມີຄວາມສີວິໄລເຊິ່ງເປັນໜ້າທີ່ຂອງທົ່ວພັກທົ່ວລັດ ແລະທົ່ວປວງຊົນລາວທັງຊາດ, ວຽກງານພັດທະນາເສດຖະກິດສັງຄົມແຫ່ງຊາດກໍ່ແມ່ນວຽກງານໜຶ່ງທີ່ສໍາຄັນ ແລະເປັນພຶ້ນຖານໃຫ້ແກ່ຄາດໝາຍຂອງ ການພັດທະນາ ການປະຕິບັດພັນທະເຂົ້າ ງົບປະມານແຫ່ງລັດແມ່ນໜ້າທີ່ຂອງທຸກພາກສ່ວນນັບທັງອົງການຈັດຕັ້ງພັກ-ລັດ, ອົງການຈັດຕັ້ງມະຫາຊົນ, ຫົວໜ່ວຍທຸລະກິດ ແລະພົນລະເມືອງລາວທຸກໆຄົນຕ້ອງມີສ່ວນຮ່ວມ.

  ທັງນີ້ ການເປີດຂະບວນການເສຍຄ່າທໍານຽມທາງ ແລະພາສີທີ່ດິນຜ່ານລະບົບທະນາຄານປະຈໍາປີ 2019 ກໍ່ເພື່ອ ເປັນການປຸກລະດົມ, ກະຕຸກຊຸກຍູ້ ແລະອໍາ ນວຍຄວາມສະດວກ ໃຫ້ບັນດາອົງການຈັດຕັ້ງລັດ, ພະນັກງານລັດຖະກອນໄດ້ມາເສຍຄ່າທໍານຽມທາງ ແລະພາສີທີດິນປະຈໍາປີ 2019 ໃຫ້ເປັນຂະບວນຟົດຟື້ນ, ອັນສໍາຄັນກໍ່ແມ່ນການສ້າງຂະບວນການໃຫ້ເປັນແບບຢ່າງນໍາໜ້າສະແດງເຖິງສະຕິຕື່ນຕົວ, ຄວາມສະໝັກໃຈທີ່ປະກອບສ່ວນເຂົ້າງົບປະມານໃຫ້ແກ່ລັດກໍ່ຄືການສ້າງສາພັດທະນາປະເທດຊາດ.

  ພ້ອມກັນນັ້ນ, ທ່ານຮອງເຈົ້າຄອງ ນວ ຍັງໄດ້ເຊີນຊວນອົງການຈັດຕັ້ງທຸກພາສ່ວນ, ພະນັກງານລັດຖະກອນພໍ່ແມ່ປະຊາຊົນໃຫ້ພ້ອມກັນມາປະກອບສ່ວນ ມອບພັນທະເຂົ້າງົບປະມານແຫ່ງລັດດ້ວຍການແຈ້ງເສຍຄ່າທໍານຽມທາງ ແລະ ພາສີທີ່ດິນ, ຮັບປະກັນໃຫ້ໄດ້ໝາກຜົນ ແລະປະສິດທິພາບສູງຕາມຈຸດປະສົງ ແລະລະດັບຄາດໝາຍແຜນການທີ່ວາງໄວ້.

ຂ່າວ: ນສພ ເສດຖະກິດ-ສັງຄົມ

แชร์