ຈຳປາສັກ ມອບສັນຊາດລາວແກ່ຄົນຕ່າງດ້າວດຳລົງຊີວິດຢູ່ແຂວງ

  ພິທີມອບ-ຮັບສັນຊາດລາວໃຫ້ແກ່ຄົນຕ່າງປະເທດ, ຄົນຕ່າງດ້າວ ແລະຄົນບໍ່ມີສັນຊາດທີ່ດຳລົງຊີວິດຢູ່ແຂວງຈຳປາສັກຈັດຂຶ້ນໃນວັນທີ 23 ພະຈິກ 2021 ທີ່ຫ້ອງວ່າການແຂວງຈຳປາສັກ ເຂົ້າຮ່ວມຂອງທ່ານ ໂສມ ບຸດຕະກຸນ ຮອງເຈົ້າແຂວງໆຈຳປາສັກ, ມີພະແນກການ-ຂະແໜງການທີ່ກ່ຽວຂ້ອງເຂົ້າຮ່ວມເປັນສັກຂີພະຍານ.
   ໃນພິທີທ່ານ ແສງອາທິດ ຂັນດາລາ ຮອງຫົວໜ້າພະແນນພາຍໃນໄດ້ຜ່ານຂໍ້ຕົກລົງນາຍົກລັດຖະມົນຕີວ່າດ້ວຍການໃຫ້ສັນຊາດລາວເຊິ່ງເຫັນດີອະນຸມັດໃຫ້ສັນຊາດລາວ ແກ່ນາງ ຫວູທິເຟືອງ ເກີດເມື່ອວັນທີ 18 ພຶດສະພາ 1978, ເກີດທີ່ບ້ານທົ່ງ, ນະຄອນປາກເຊ, ແຂວງຈໍາປາສັກ, ເຊື້ອຊາດ ແລະສັນຊາດຫວຽດນາມ, ອາຊີບຄ້າຂາຍ, ເຂົ້າເປັນສັນຊາດລາວຊຶ່ງມີຊື່ ແລະນາມສະກຸນ ໃໝ່ວ່າ: ນາງ ພອນສຸດາ ລັດຕະນະວົງ ປັດຈຸບັນຜູ້ກ່ຽວດຳລົງຊີວິດຖາວອນຢູ່ບ້ານທົ່ງ, ນະຄອນປາກເຊ, ແຂວງຈຳປາສັກ.
  ນອກນັ້ນຍັງເຫັນດີອະນຸມັດໃຫ້ສັນຊາດລາວແກ່ນາງ ຫງຽນທິເຊື່ອງ ເກີດເມື່ອວັນທີ 23 ມັງກອນ 1986 ເກີດ ທີ່ບ້ານເຮືອງໂຮ, ເມືອງເຫວ້, ແຂວງເທື່ອທຽນເຫ້ວ, ສສ ຫວຽດນາມ, ເຊື້ອຊາດ ແລະ ສັນຊາດຫວຽດນາມ, ອາຊີບຄ້າຂາຍ, ເຂົ້າເປັນສັນຊາດລາວຊຶ່ງມີຊື່ ແລະນາມສະກຸນໃໝ່ວ່າ: ນາງ ສົມຈິດ ແສງມີໄຊ, ປັດຈຸບັນ ຜູ້ກ່ຽວດຳລົງຊີວິດຖາວອນຢູ່ບ້ານໂພນກຸງ, ນະຄອນປາກເຊ, ແຂວງຈຳປາສັກ ສປປ ລາວ.


ຂ່າວ-ພາບ: ຈັນທະວີສັກ

แชร์