ຈີນ-ອາຊຽນ ໄດ້ເປັນການອະທິບາຍເນື້ອໃນອັນເລິກເຊິ່ງຂອງການສ້າງປະຊາຄົມ ຮ່ວມຊາຕາກຳດ້ວຍການກະທຳຕົວຈິງ

 ປີນີ້ແມ່ນປີທີ່ຈີນ ແລະອາຊຽນສ້າງຕັ້ງສາຍພົວພັນຄູ່ເຈລະຈາຄົບຮອບ 30 ປີ, ວັນທີ 22 ພະຈິກນີ້, ທ່ານ ສີ ຈິ້ນຜິງ ປະທານປະເທດຈີນໄດ້ເຂົ້າຮ່ວມທັງເປັນປະທານພິທີສະເຫຼີມສະຫຼອງການສ້າງຕັ້ງສາຍພົວພັນຄູ່ເຈລະຈາຈີນ-ອາຊຽນ ຄົບຮອບ 30 ປີ. ໃນພິທີໄດ້ປະກາດການສ້າງຕັ້ງສາຍພົວພັນຄູ່ຮ່ວມຍຸດທະສາດຮອບດ້ານຈີນ-ອາຊຽນຢ່າງເປັນທາງການ. ນີ້ແມ່ນຂີດໝາຍໃໝ່ໃນປະຫວັດສານການພົວພັນລະຫວ່າງສອງຝ່າຍ, ເຊິ່ງຈະເພີ່ມພະລັງແຮງຂັບເຄື່ອນອັນເພື່ອສັນຕິພາບສະຖຽນລະພາບຄວາມຈະເລີນຮຸ່ງເຮືອງ ແລະການພັດທະນາຂອງພາກພື້ນກໍ່ຄືຂອງໂລກ.

 ນັບແຕ່ສ້າງຕັ້ງສາຍພົວພັນຄູ່ເຈລະຈາເມື່ອປີ 1991 ເປັນຕົ້ນມາ, ຈີນ ແລະອາຊຽນໄດ້ກຳແໜ້ນກາລະໂອກາດຂອງຍຸກສະໄໝ, ສຸມໃສ່ການຮ່ວມກັນພັດທະນາ, ໂດຍໄດ້ເດີນຕາມເສັ້ນທາງທີ່ສາມັກຄີກັນສູ້ຊົນກ້າວໄປໜ້າເປັນປະເທດບ້ານໃກ້ເຮືອນຄຽງທີ່ດີ ແລະຄູ່ຮ່ວມມືແບບຕ່າງຝ່າຍຕ່າງໄດ້ຮັບຜົນປະໂຫຍດ. ທຸກມື້ນີ້, ສອງຝ່າຍໄດ້ກາຍເປັນຄູ່ການຄ້າທີ່ໃຫຍ່ກວ່າໝູ່ຂອງກັນ, ເປັນຄູ່ຮ່ວມມືທີ່ມີຊີວິດຊີວາກວ່າໝູ່, ເປັນຄູ່ຮ່ວມຍຸດທະສາດທີ່ມີເນື້ອໃນອຸດົມສົມບູນກວ່າໝູ່ເຊິ່ງໄດ້ສ້າງຜົນປະໂຫຍດອັນໃຫຍ່ຫຼວງໃຫ້ແກ່ປະຊາຊົນ 2 ຕື້ກວ່າຄົນໃນ 11 ປະເທດ.

   ນັກຄົ້ນຄວ້າສູນຄົ້ນຄວ້າຈີນຂອງມະຫາວິທະຍາໄລແຫ່ງຊາດລາວກ່າວວ່າ, ໂດຍຜະເຊີນກັບສິ່ງທ້າທາຍ, ອາຊຽນ ແລະ ຈີນໄດ້ຮ່ວມແຮງຮ່ວມໃຈກັນຜ່ານຜ່າຄວາມ ຫຍຸ້ງຍາກ ແລະຊ່ວຍເຫຼືອເຊິ່ງກັນແລະກັນ,“ໄດ້ເປັນການອະທິບາຍເນື້ອໃນອັນເລິກເຊິ່ງຂອງການສ້າງປະຊາຄົມຮ່ວມຊາຕາກຳດ້ວຍການກະທຳຕົວຈິງ.”

  ນັບແຕ່ເກີດມີການແຜ່ລະບາດຂອງພະຍາດໂຄວິດ-19 ເປັນຕົ້ນມາ, ຈີນ ແລະອາຊຽນໄດ້ດຳເນີນການຮ່ວມມືຕ້ານພະຍາດໂຄວິດ-19 ຢ່າງຕັ້ງໜ້າ. ເຊິ່ງມາຮອດ ປັດຈຸບັນນີ້, ຈີນໄດ້ສະໜອງວັກຊິນຫຼາຍກວ່າ 360 ລ້ານຫຼອດ ແລະອຸປະກອນຕ້ານພະຍາດໂຄວິດ-19 ຈຳນວນຫຼວງຫຼາຍໃຫ້ແກ່ 10 ປະເທດອາຊຽນ.

   ສິ່ງທີ່ເປັນໜ້າກ່າວເຖິງນັ້ນແມ່ນການຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ໄດ້ສ້າງໂອກາດອັນມະຫາສານໃຫ້ແກ່ການພັດທະນາຂອງປະເທດອາຊຽນ. “ຫຼາຍປີມານີ້, ເສດຖະກິດດີຈີຕອນໄດ້ກາຍເປັນຈຸດເຕີບໂຕສຳຄັນຂອງການຮ່ວມມືລະຫວ່າງອາຊຽນ ແລະ ຈີນ. ”ທ່ານບົວລະພາປະທານສະພາການຄ້າຊາວຈີນຕ່າງດ້າວ ປະຈຳລາວກ່າວວ່າ, ອາຊຽນ ແລະ ຈີນໄດ້ສະເໜີໂຄງການຮ່ວມມືໃນຂົງເຂດຕົວເມືອງອັດສະລິຍະການຄ້າເອເລັກໂຕຼນິກປັນຍາປະດິດບິກດາຕ້າການແພດການສຶກສາທາງໄກແລະອື່ນໆ, ເຊິ່ງມີກຳລັງບົ່ມຊ້ອນໃນການຮ່ວມມືກັນຢ່າງມະຫາສານ.

   ໃນ 30 ປີມານີ້, ການຮ່ວມມືຮອບດ້ານລະຫວ່າງສອງຝ່າຍໄດ້ເຂົ້າສູ່ລວງເລິກຢ່າງບໍ່ຢຸດຢັ້ງ, ກາຍເປັນແບບຢ່າງແຫ່ງການຮ່ວມມືພາກພື້ນທີ່ປະສົບຜົນສຳເລັດກວ່າໝູ່ໃນພາກພື້ນອາຊີປາຊິຟິກ. ໃນໂອກາດແຫ່ງການສ້າງຕັ້ງສາຍພົວພັນຄູ່ເຈລະຈາຈີນ-ອາຊຽນຄົບຮອບ 30 ປີທີ່ເປັນຈຸດສຳຄັນແຫ່ງການສືບທອດມູນເຊື້ອພັດທະນາພາລະກິດໃໝ່, ເດືອນໜ້ານີ້, ທາງລົດໄຟຈີນ-ລາວຈະເປີດໃຫ້ບໍລິການ. ຂະບວນລົດໄຟລ້ານຊ້າງເຊິ່ງເປັນຂະບວນລົດໄຟທີ່ມີຄວາມໝາຍວ່າສອງປະເທດເປັນບ້ານໃກ້ເຮືອນຄຽງທີ່ດີເພື່ອນມິດທີ່ດີສະຫາຍທີ່ດີ ແລະຄູ່ຮ່ວມມືທີ່ດີຈະບັນທຸກຄວາມໃຝ່ຝັນຂອງປະຊາຊົນລາວໃນການກ້າວຂ້າມພູຜາແມ່ນໍ້າ, ແລະກໍ່ບັນທຸກມິດຕະພາບຈີນ-ລາວ, ມິດຕະພາບຈີນ-ອາຊຽນ ແລ່ນໄປສູ່ອະນາຄົດທີ່ສວຍງາມກວ່າເກົ່າ.

แชร์