ຫໍພິພິຕະພັນຊົນເຜົ່າ ສະຖານທີ່ເກັບວັດຖຸບູຮານ

  ຫໍພິພິຕະພັນຊົນເຜົ່າກໍ່ເປັນອີກໜຶ່ງສະຖານທີ່ບ່ອນເກັບເຄື່ອງ ວັດຖຸທີ່ເກົ່າແກ່ຂອງຊົນເຜົ່າຊຶ່ງສ້າງຂຶ້ນມາເພື່ອໄວ້ໃຫ້ຄົນຮຸ່ນປະຈຸບັນ ແລະບັນດາແຂກນັກທ່ອງທ່ຽວໄດ້ ມາເບິ່ງຮູ້ເຫັນເຄື່ອງມືແຕ່ລະຊົນເຜົ່າທີ່ເປັນຮີດຄອງປະເພນີລາວ ໃນສະໄໝບູຮານ, ສະຖານທີ່ດັ່ງກ່າວແມ່ນ ຕັ້ງຢູ່ສວນພຶກສາບ້ານໃໝ່ດານຊີ ເມືອງນາຊາຍທອງ ນະຄອນຫຼວງ ວຽງຈັນ.

   ທ່ານ ພູວົງ ພະມີສິດ ປະທານ ສວນພຶກສາ ແລະທັງເປັນຜູ້ກໍ່ສ້າງຫໍພິພິຕະພັນຊົນເຜົ່າໄດ້ກ່າວວ່າ:ຫໍພິພິຕະພັນຊົນເຜົ່າແຫ່ງນີ້ແມ່ນສ້າງ ສຳເລັດໃນເດືອນກຸມພາ  2019 ຊຶ່ງເປັນບ່ອນເກັບສະສົມວັດຖຸເຄື່ອງມື ສະໄໝບູຮານຂອງແຕ່ລະຊົນເຜົ່າ ລາວທີ່ມີອາຍຸເກົ່າແກ່ຫຼາຍຮ້ອຍປີ ໃນນັ້ນລວມມີປະເພດເຄື່ອງຮີດຄອງ ປະເພນີ, ອຸປະກອນເຄື່ອງມືໃຊ້ຊີວິດ ປະຈຳວັນ ໂດຍມີຫຼາຍຊະນິດລວມ ທັງສິ່ງຂອງມີມູນຄ່າ ແລະບໍ່ມີມູນຄ່າແຕ່ສ່ວນໃຫຍ່ຈະເປັນເຄື່ອງມືທີ່ ມີຄວາມໝາຍທາງດ້ານວັດທະນະທຳເຊັ່ນ: ກີ່ຕ່ຳຫູກ, ແພນແຜ, ຊຸດຊົນເຜົ່າ, ເຮືອນຊົນເຜົ່າ ແລະອື່ນໆ ທີ່ຫຼາຍຮ້ອຍຊະນິດ. ສຳລັບເຄື່ອງວັດຖຸທັງໝົດແມ່ນໄດ້ນຳເອົາມາຈາກ ບັນດາຊົນເຜົ່າແທ້ທີ່ໄດ້ສະສົມສິ້ນ ສ່ວນມາໄດ້ຫຼາຍປີ.

  ນອກນັ້ນຫໍພິພິຕະພັນຊົນເຜົ່າຍັງ ເປັນສະຖານທີ່ໂດດເດັ່ນໃນສວນພຶກ ສາທີ່ມີຄວາມໝາຍສຳຄັນທາງດ້ານວັດທະນະທຳປະເພນີຂອງລາວເຮົາ ເປັນບ່ອນເກັບຮັກສາເຄື່ອງວັດຖຸບູ ຮານເກົ່າແກ່ໄວ້ໃຫ້ປະຊາຊົນລາວ ຮຸ່ນໃໝ່ລວມເຖິງນັກທ່ອງທ່ຽວຕ່າງ ດ້າວທ້າວຕ່າງແດນໄດ້ມາຮູ້ຈັກ ການປົກປັກຮັກສາຄວາມເປັນເອກະ ລັກທາງດ້ານວັດທະນະທຳຮີດຄອງປະເພນີອັນດີງາມຂອງຊາດລາວ.ເຖິງຢ່າງໃດກໍ່ຕາມຖ້າຫາກທ່ານ ໃດຍັງບໍ່ທັນໄດ້ເຫັນກໍຢາລືມໄປເບິ່ງ ແລະມາທ່ຽວຊົມໄດ້ທີ່ສວນພຶກສາບ້ານໃໝ່ດານຊີ ເມືອງນາຊາຍທອງ ນະຄອນຫຼວງວຽງຈັນ.

ນສພ ເສດຖະກິດສັງຄົມ

ຮຽບຮຽງໂດຍ: ແພງຕາ

• 15/03/2019